YEHEZKIEL 14:23 - Tanou Moonsoi Timugon

²³ Bagu no makapandai kou ra ngaangai' baalon Kuno mokoondo' ra sasaban ondo' motopot.” Tuhan Raja' nakaindagu noyo.

YEHEZKIEL 14:23 ပူးပေါင်းရင်းမြစ်များ

PINAINTALANG 16:6

Nampasasar ilo noyo ra raraa' ru ulun ri Aki Kapuuno' am ra raraa' ru nabi-nabi; kaa' raino binaal Mu ilo manginum ra raraa' no. Matimpok ukum Muno risilo!”

PINAINTALANG 15:4

Osoi kia ondo' kalo malaa' Rirun, Tuhan? Osoi kia ondo' kalo masaga' mampatanou ra urumat Muno. Okou ayuk mapasau kaga'. Ngaangai' bansa' rumatong samba Rirun, sabap ra binaal Muno ondo' matimpok nakito ru ngaangai' ulun.”

ROMA 2:5

Kaa' akau mailo raguin am mokotog ulu! Intor raginio mampagaai kau po ra bagat ru ukum min ra Orou Pupus no, ioginio paat i Aki Kapuuno' mampaintalang ra sangit am ukum ondo' mabanis.

DANIL 9:14

Nakatampos Kono mangukum ramon, iou Tuhan, i Aki Kapuuno' mai, am nakapangukum Kono ramon. Atan ondo' baalon Muno totopot matimpok sabap ra kalo rumongog akai Rirun.

DANIL 9:7

Okou, iou Tuhan masalok mambaal ra motopot, liliwa' akai masalok manuyu' ramon galama'. Koon raginio niayuk ra ngaangai' ru bansa' mai ondo' minayan ra Jiuda, Jirusalim, am ngaangai' ulun ru Israil ondo' pinantutuliar Mu giu' ra pagun-pagun mamaar am maalur sabap ra kalo gumagaya' ilo Rirun.

AMSAL 26:2

Koson ra susuit mansiab am sasoyob-soyob giu' ra limbowon, koon niayuk ra pagulasan kalo makatiu' ra ulun kolondo' sala.

NIGIMIA 9:33

Timbalos Muno matimpok koson mangukum ramon ondo' najamaran; Gumagaya' Kou, kabalu' pana makatula akai.

SAGULION 8:2

Karaa' noyo ati kulaan Tuhan i Aki Kapuuno' min naningganai ramuyun ralalom pangkiralanan ra maalur giu' ra tana' kaagisan buoi apat ngoopor ngambilor ragili; naparatong ra kapaganan koson mangkinam ramuyun maa' raginio makapandai Io ra suang ru guang min, am makapandai ra gumagaya' kau kapoam kalo ra susuban Nano.

YEHEZKIEL 15:1

Indagu Tuhan raki',

YEHEZKIEL 16:54

Mauyu' kou ra inan muno galama'. Sabap ra baal muno ondo' makauyuyu' no, pabukat-pabukat muno makaliman ra mapara' bonsoi ru baal nilo.

YEHEZKIEL 31:16

Paat ra Aku mampatuun ra puun tataun no ra intok ru ulun minatoi, bolos ru karatuan nano manguyog ra bansa'-bansa'. Ngaangai' puun tataun giu' ra Idin am ngaangai' puun tataun moonsoi kaga' giu' ra Libanon ondo' mokoowot ra timug ra masuang kaga', ondo' timinuun noyo ra intok giu' ra ragana' maansukan sabap ra karatuan nano.

IMAMAT 26:40

“Kaa' papag mino mangiou ra tula nilono am tula ru kinamatuaan nilono ondo' minanggal Raki' am giminuor Raki',

IMAMAT 26:41

saboi mangkinibit Raki' minanggal risilo am namatir risilo giu' ra pagun ru pantula'. Pupus no, paat ra papag mino minggana' guang, am naukuman noyo sabap ra tula am guor nilo,

AYUP 33:27

Giu' boo ra saang ru ulun masuang mindagu io, ‘Makatula aku noyo. Makasala aku noyo, kaa' mangampun i Aki Kapuuno' raki'.

YEHEZKIEL 7:27

Raja' mangulir; anak ungkuyon ru raja' kolondo' boo kalansanan, am mamagun monontol ra malaa'. Ukumin Takamin mogondo' ra ngaangai' binaal min. Mangakim Aku ramuyun koson ra Aku nangakim noyo ra ulun ra bokon. Bagu no makapandai kau ra Aku noyo Tuhan.”