YEHEZKIEL 14:19 - Tanou Moonsoi Timugon

¹⁹ Amon ru porotongon Ku maruol tumapik ra pagun ti, ulun am poyo bibiag matoi sabap ra Aku sumangit.

YEHEZKIEL 14:19 ပူးပေါင်းရင်းမြစ်များ

YEHEZKIEL 38:22

Ukumin Ku boo io ra maruol tumapik am pasasaron raraa'. Rasam maawas, rasam batu, apui am bilirang makalumpa' riso am saujor nano, am niayuk bansa'-bansa' ondo' maya' riso.

YEHEZKIEL 7:8

Sangkinolor poyo am makaliman kau ra kinoporos ru sangit Kuno. Mangakim Aku ramuyun, am mambalos Aku ramuyun ra ngaangai' paliso min ra makauyuyu' no.

YEHEZKIEL 5:12

Sampitalu ra mamagun muno matoi sabap ra maruol am bitilan giu' ra ralalom ru bandar, sampitalu matoi motobok ru ilang giu' ra liwar bandar, am sampitalu poyo pantutuliaron Ku ra ngaangai' intok am ilowon Ku ra ilang.

JIRIMIA 14:12

Kabalu' pana mampali ilo, marara' Aku mampalio ra golok nilo ra makiindangan; am kabalu' pana mampataak ilo ra taak simbalui koson mapabansuk ra guang Kuno am taak simbalui koson paringkuanangan Raki', kalo maansayan Aku risilo. Kaa' pusoon Ku ilo ra pangayawan, bitilan am maruol tumapik.”

2 SAMUIL 24:15

Ginio ra pinaratong ru Tuhan maruol tumapik ra ulun ru Israil timinalimpuun ra tampilon susuab ra orou raginio saboi ra paat ondo' inaru' Nano. Suang 70,000 ngaulun minatoi giu' ra titikop ru Israil.

MATIUS 24:7

Pagun mangayou ra pagun ra bokon am parinta mantula' ra parinta ra bokon. Ati ayuk intok mokoondo' bitilan makalalaa' am tana' mogonggon.

AMOS 4:10

“Atarin Ku maruol tumapik ramuyun koson ondo' inataran Ku giu' ra Misir. Potoyon Ku ulun mamulok min ralalom pangayawan am gaawon kuda min. Sosokon Ku pangkiman min ra baangkai ondo' owou no sumusuk ra arung. Kabalu' pana raginio, kalo niayuk sumaguli' kau Raki'.

YEHEZKIEL 36:18

Polosoon Ku ilo makaliman ra ngaangai' sangit Kuno sabap ra nambaal ilo ra masuang namatayan giu' ra pagun no, am jinamol ginio ra sinungkalalaing nilo.

JIRIMIA 24:10

Mamparatong Aku ra pangayawan, bitilan, maruol tumapik risilo saboi ra ngaangai' nilo matoi, am kolondo' ulun ondo' matatang ra pagun ondo' tinaakan Ku risilo am kinamatuaan nilo.”

JIRIMIA 21:9

Moonong ulun ondo' mayan giu' ra ralalom ru bandar matoi sabap ra pangayawan kapoam bitilan kapoam maruol tumapik. Kaa' mingkual ilo koson makirakop ra ulun Babilonia ondo' tatanga' mamulunsar ra bandar ti maayag am kalo potoyon.

JIRIMIA 21:6

Potoyon Ku mamagun ru bandar ti; ulun am niayuk bibiag matoi sabap ra maruol tumapik ondo' makalalaa'.

JISAYA 37:36

Kopongo raginio sangulun malaikat Tuhan minongoi ra nangkiman ru ulun ru Asyur am namatoi 185,000 ngaulun saujor. Katawang ra suabon no minatoi ilo ngaangai'!

MAZMUR 91:6

kapoam maruol malaat tumapik bulintok ra molondom, kapoam sauk mampaluus bulintok ra tanga' ru orou.

MAZMUR 91:3

Mangampin Io rirun intor ra ngaangai' makalalaa' ondo' nakasibuni, am intor ra ngaangai' salinut ru maruol ra makapatoi.

2 TUNUNG RU BANSA' ISRAIL 20:9

ra amon ru ukumin ilo ra karaat, iou pana ru pangayawan, maruol tumapik, kapoam bitilan, makaratong ilo Rirun am migor ra saang ru baloi sambayangan ti. Paat ralalom ru kapaganan, makapakiasi' ilo Rirun am morongog Mu ilo am mangindangan risilo.

2 TUNUNG RU BANSA' ISRAIL 7:13

Paat ra Aku kalo namparasam, kapoam nanusub ra gapu' mangakan pangai' ra tinanom, kapoam mamparatong ra maruol tumapik ra ulun Kuno,

2 TUNUNG RU BANSA' ISRAIL 6:28

“Paat ra bitilan am maruol tumapik masauk ra pagun ti, kapoam tinanom mapuso sabap ra angin malasu', maruol ru tatanom, kapoam kokoton ru gapu'; kapoam paat ra ulun Muno bulunsaron ru pantula', kapoam maruol,

1 RAJA'-RAJA' 8:37

“Paat ra bitilan kapoam maruol tumapik masauk ra pagun ti, kapoam tatanom mapuso sabap ra angin malasu', maruol ru tutuu', kapoam inakan ru gapu'; kapoam paat ra ulun Muno bulunsaron ru pantula', kapoam matiu' ra maruol,

2 SAMUIL 24:13

ratong i Gad minuma' riso am nampasaboi ra ragu ru Tuhan riso. Pangkuot nabi no, “Ati ka rondo' pilion muno? Pagun ti malumpa' ra bitilan buoi talu ngambilor, kapoam ilowon kou ru pantula' buoi talu ngansila', kapoam pagun ti matiu' ra maruol tumapik buoi talu ngoorou? Karaa' baal ragitio, am balai' aku ra taaman ondo' posoboyon kuno ra Tuhan.”

UNTABAN 14:12

Maparatong Aku ra maruol am mamatoi risilo, kaa' mapasauk Aku rirun ra ama' ru rondo' bansa' ondo' maayo poyo am maikang poyo ka ilo!”

JISAYA 34:3

Baangkai nilono kalo lobongon, kaa' polosoon mootong. Ngaangai' gunung masauk malia' sabap ra maliuran ru raraa'.

YEHEZKIEL 14:18

Sabap ra Aku, Tuhan Raja', i Aki Kapuuno' ondo' maayag, inda' pana ru katalu-talu ngaulun no minayan ra giu', kalo makapamayag ilo ra anak nilo galama'. Ilo galama' ayuk ondo' maayag.

YEHEZKIEL 14:20

Sabap ra Aku, Tuhan Raja', i Aki Kapuuno' ondo' maayag, inda' pana i Nuu, i am i Ayup minayan ra giu', kalo makapamayag ilo ra anak nilo galama'. Kinoonsoi nilo makapamayag ayuk ra inan nilo galama'.”

YEHEZKIEL 14:21

Gitio noyo ragu ru Tuhan Raja', “Porotongon Ku apat ukuman ondo' moporos kaga' ra Jirusalim koson mamuso ra ulun am poyo bibiag. Ukuman no pangayawan, bitilan, bibiag masigo am maruol tumapik.

YEHEZKIEL 21:31

Makaliman kau ra sangit Kuno koson ra apui ondo' bibilak paat ra Aku mapaabus raginio ramuyun. Pataakon Takamin ra ulun mapuka', ondo' nakaigila' mamuso ra ulun.