YEHEZKIEL 14:13 - Tanou Moonsoi Timugon

¹³ “Okou ulun mapandai matoi, amon rondo' bansa' makatula am kalo gumagaya' Raki', ukumin Ku ilo am mamuso ra lutu' ru akanon nilo. Porotongon Ku bitilan am mamatoi ra ulun am niayuk bibiag.

YEHEZKIEL 14:13 ပူးပေါင်းရင်းမြစ်များ

YEHEZKIEL 4:16

Indagu Io poyo, “Okou ulun mapandai matoi, langgain Ku mampalutu' ra ruti' koson ra Jirusalim. Mamagun ru bandar no magalabo am maimamang paat ra ilo manuku' ra akanon am timug inumon nilo.

IMAMAT 26:26

Kalo manaak Aku ramuyun ra akanon saboi mopor ngaulun ruandu' makapakuan ra rondo' ayuk intok pangansakan ra ruti' koson mangansak ra ngaangai' ruti' ondo' soroi. Tukuon ruti' no, makaakan kau pana raginio, lakat kau poyo maitilan.

YEHEZKIEL 15:8

Kalo gumagaya' ilo Raki'. Ginio ra pasaukon Ku pagun nilo ra tana' kaagisan.” Tuhan Raja' nakaindagu noyo.

YEHEZKIEL 14:21

Gitio noyo ragu ru Tuhan Raja', “Porotongon Ku apat ukuman ondo' moporos kaga' ra Jirusalim koson mamuso ra ulun am poyo bibiag. Ukuman no pangayawan, bitilan, bibiag masigo am maruol tumapik.

YEHEZKIEL 14:19

Amon ru porotongon Ku maruol tumapik ra pagun ti, ulun am poyo bibiag matoi sabap ra Aku sumangit.

YEHEZKIEL 14:17

“Kapoam maaru' lair porotongon Ku pangayawan ra pagun ti am mangator ra kinandoi koson mamuso ra ulun am poyo bibiag.

YEHEZKIEL 5:16

Langgain Ku mampalutu' ra akanon rirun am polosoon mamagun muno mangaitilan. Makaliman kou ra mapari' ra maitilan koson ra anak panah malarom ondo' mamuso rirun.

JIRIMIA 32:43

Mindagu ulun ra pagun ragitio masauk koson ra tana' kaagisan ondo' kalo inayanan ru ulun am bibiag, am pagun ragitio maratu' ra kalindu' ru ulun ru Babilonia. Kaa' umo-umo ra pagun ragitio balion ru ulun poyo.

JISAYA 24:20

Tana' ti makasiling koson ra ulun nagauk, am mauyog koson ra kalukub natiu' ru bagiu'. Tana' ti maluyu' sabap tula nano maagat, am matutuk boo am kalo boo tumirong saguli'.

JISAYA 3:1

Sotopot no, Tuhan Ondo' Maayo Kaga' Kuasa' no mangalap intor ra Jirusalim am Jiuda nansalinut inula' ra akanon am inumon am niayuk ngaangai' ulun ra lansanin nilono,

DANIL 9:5

“Makatula akai noyo. Nambaal akai noyo ra kalaatan. Nambaal akai noyo ra kasalaan. Minanggal akai noyo ra susuban Muno, am siminiang intor ra aturan Muno.

YEHEZKIEL 25:13

Raino potonowon Ku ra ukumin Ku Idom. Potoyon Ku ngaangai' ulun am bibiag ondo' minayan ra giu' no. Pusoon Ku pagun no, intor ra bandar Timan saboi ra Bandar Didan. Mamagun nano matoi ralalom pangayawan.

YEHEZKIEL 20:27

“Raino, okou ulun mapandai matoi, posoboyo' noyo atan ondo' paraguon Kuno, Tuhan Raja' risilo. Kinamatuaan nilo nagasab poyo Raki' ra kalo giminagaya' ilo.

YEHEZKIEL 9:9

Taam i Aki Kapuuno', “Mamagun ru Israil am Jiuda nambaal ra tula ondo' maayo kaga'. Namatoi ilo giu' ra titikop ru pagun, am sinosok Jirusalim ra kalaatan. Minindagu ilo ra Aku, Tuhan, nangiruan noyo ra pagun nilo, am kalo makakito Aku risilo.

SULABOI 1:8

Kalio boo kaurumatan nano; nagibabaang io am inasaban. Nampalaa io am nampasibuni ra bulos sabap nauyu', nampajamol Jirusalim ra inan ra tula ondo' maayo.

JIRIMIA 36:29

Nanusub Tuhan raki' mindagu ra raja', “Sinolob mu noyo naskhah rinulun i, am nangkuot kou kua panulis i Jirimia ra matong raja' ru Babilonia, am mamuso ra pagun ti am mamatoi ra mamagun no am niayuk ngaangai' bibiag ra giu' no.

JIRIMIA 7:20

Ginio ra Aku, Tuhan Raja' mampalumpa' ra sangit Kuno ra bibilak ra Baloi ru Tuhan, ra ulun am bibiag, am niayuk ra puun tataun am ampos ru tana' ti. Sangit Kuno bibilak koson ra apui ondo' kalo malasa'.

IJRA 9:6

Indagu aku, “Iou i Aki Kapuuno' kuno, mauyu' aku kaga' tumungar ra saang Muno. Tula mai nansusunu' giu' ra rasawat ru ulu saboi ra limbowon.

KASAUKAN 6:7

Ginio ra indagu Io boo, “Pusoon Ku ngaangai' ondo' sinauk Kutu, susuit am bibiag ra bokon sabap pansagulian Aku kaga' napasauk risilo.”

SULABOI 1:20

“Iou Tuhan, ilai' kaimbalaan kuno am kinapagon ru guang kuno. Guang kuno natutuk sabap ra tula kuno ragili. Pampatayan masauk giu' ra ralan maayo, kaa' niayuk giu' ra ralalom ru baloi pana mokoondo' patayan.

JIRIMIA 52:6

Paat ra orou kasiam, sila' kaapat ra bilor raginio, paat ra bitilan giu' ra bandar no najanjayan kaga' saboi mamagun kolondo' boo akanon,

YEHEZKIEL 6:14

Iou, paakangon Ku kalindu' Kuno am tutukon ku pagun nilo saboi masauk ra kolondo' tutuu' am masiluk, intor ra tana' kaagisan giu' ra rabugus saboi ra bandar Ribla giu' ra ralayo. Ngaangai' intok ondo' inayanan ru ulun ru Israil, pusoon. Bagu no moonong ulun makapandai ra Aku noyo Tuhan.”

YEHEZKIEL 14:12

Indagu Tuhan raki',