YEHEZKIEL 13:9 - Tanou Moonsoi Timugon

⁹ Ukumin Takamin, nabi-nabi ondo' nakakito ra pinaintalang ra kalo motopot am niayuk nampasaboi ra ondo' inala' ra mampalayau. Kalo mababaya' kau ra ulun Kuno paat ra ilo mansusunur; inggalan mino kalo tulisin ra ralalom inggalan ru ngaangai' ulun ru Israil, am kalo makauli' kau ra intok mino galama'. Bagu no makapandai kau ra Aku noyo Tuhan Raja'.

YEHEZKIEL 13:9 ပူးပေါင်းရင်းမြစ်များ

1 RAJA'-RAJA' 13:18

Indagu boo nabi matutuo intor ra Bitil no riso, “Aku pana sangulun nabi koson rirun. Sumugut ra susuban ru Tuhan, rondo' malaikat nanusub raki' magibit rirun muli' am mampaakan rirun giu' ra baloi kuno.” Sotopot no nabi matutuo no nagabau.

IJRA 2:59

Ngaangai' ulun ondo' minugar intor ra bandar Til-Mila, Til-Garsa, Kirub, Adan am Imir, suang no 652 ngaulun. Ilo nakaaya' bansa' Dilaya, Tobia am Nikoda, kaa' kalo maalap nilo ra inono' ra ilo papag ru bansa' ru Israil.

MAZMUR 101:7

Ulun mamparuung kalo paayanon ku ra istana kuno; kolondo' ulun magabau ra saang kuno.

MAZMUR 69:28

Patuliso' noyo ngaangai' tula nilono; pai' ilo ampuno'.

MAZMUR 69:5

Masuang ulun masisang raki' ra kolondo' sasaban, masailan poyo sampung ru abuk ru ulu kuno. Simbaalin aku ru pantula' kuno, maikang ilo am masaga' mampatoi raki'. Jajalin nilo aku manaak ra kuliamos ondo' kalo tinakou kuno.

MAZMUR 87:6

Pasubolon ru Tuhan ngaangai' ru bansa', ralalom pamatikan ra mamagun ru Jirusalim.

MAZMUR 95:11

Siminangit Aku am nampator ra kalo boo igogondo' ilo subol ra pagun raginio, intok ra papatangusan Kuno risilo.”

JISAYA 4:3

Moonong ulun natatang ra Jirusalim, ioginio ulun ondo' pinili' ri Aki Kapuuno' maa' raginio maayag ilo, am piawon ra matulai.

JIRIMIA 14:15

Nabi-nabi minindagu ralalom inggalan Kuno ra pagun ti kalo malumpa' ru pangayawan kapoam bitilan, sotopot no kalo nanusub Aku risilo mindagu raginio. Aku, Tuhan nambala' rirun, atan ondo' baalon Kuno ra nabi-nabi no. Potoyon Ku ilo ra pangayawan am bitilan.

JIRIMIA 17:13

Iou Tuhan, Okou noyo kalansanan ru Israil; ngaangai' ru ulun ondo' nangiruan Rirun tauyuon. Mapuso ilo intor ra tana' ti, am mongoi ra intok ru ulun minatoi, sabap ra nangiruan ilo ra Tuhan, puun ru timug ondo' mampakaayag.

JIRIMIA 23:20

Sangit Nano kalo luminos ra kalo poyo ngaangai' inatangan Nano masugut. Paat ra orou tauli no, ulun ru Tuhan makarati' ra baal raginio ra totopot.”

JIRIMIA 4:9

Indagu Tuhan, “Paat orou raginio raja'-raja' am pagawai-pagawai mangalawo guang; imam-imam makasioro' am nabi-nabi maliangan.”

YEHEZKIEL 11:10

matoi kau ra potoyon ralalom ru pangayawan giu' ra pagun min galama'. Bagu no moonong ulun makapandai ra Aku noyo Tuhan.

YEHEZKIEL 12:20

Bandar-bandar ondo' raino nososok ra ulun mangapuso, am pagun no masauk ra tana' kaagisan. Paat raginio noyo bagu no makaliman ilo ra Aku noyo Tuhan.”

YEHEZKIEL 13:14

Kuayan Kuno koson mampalunsai ra timbok ondo' kinapuran nilo. Tutukon Ku ginio saboi batu maatang nano makito. Timbok no malunsai am mamatoi ramuyun ngaangai'. Bagu no moonong ulun makapandai ra Aku noyo Tuhan.

YEHEZKIEL 13:23

Raino pinaintalang ra kalo motopot am ondo' ragu inala' mino ondo' nampakalayau no napupusan noyo. Tatanga' Aku mamayag ra ulun Kuno intor ra kuasa' mino maa' raginio makapandai kau ra Aku noyo Tuhan.”

YEHEZKIEL 20:38

Inggion Ku ulun ondo' gumuor am makatula ra gino ngai' min. Ibiton Ku ilo mingkual intor ra pagun-pagun intok inayanan min raino, am kalo mangiou Aku risilo sumaguli' ra pagun ru Israil. Bagu no makapandai kau ra Aku noyo Tuhan.”

DANIL 12:1

Malaikat ondo' nambayang ra linon no mindagu, “Paat raginio, malaikat maayo, iono i Maikol manindung ra bansa' muno sumalula'. Bulintok raginio mokoondo' ra kapaganan ondo' maagat kaga' intor ra bansa'-bansa' soroi. Paat raginio, ngaangai' ulun intor ra bansa' muno ondo' inggalan nano tinulisan ra ralalom ru kitab ri Aki Kapuuno' bayagon.

GOSIA 4:5

Orou rondom akau mambaal ra kasalaan. Nabi-nabi min pana koson raginio. Ginio ra mamuso Aku ra Israil, ina' min.

GOSIA 9:3

Akau, ulun ru Israil kalo mayan giu' ra pagun ondo' pataakon ru Tuhan ramuyun. Musiti' kau sumaguli' ra Misir am mangakan ra akanon ondo' kalo maakan giu' ra Asyur.

MIKA 3:5

Ulun Kuno rinuung ru nabi-nabi ondo' nambantu' ra kaansayan ra ulun ondo' nangani' risilo ra ruit, kaa' nompololob am nakimantula' ra ulun ondo' kalo nangani' ra atan-atan. Indagu Tuhan ra nabi-nabi no,

MIKA 3:6

“Nabi kau ngai', pupus ru kaayagan min mamaar noyo. Orou masauk molondom ramuyun. Ginio sabap ra akau nampalayau ra ulun Kuno, kalo makaapu kau ra pinaintalang kapoam pakitanan. Kalo boo makapanala' kau ra atan-atan ayuk.”

LUKAS 10:20

Kaa' kabalu' pana koson raginio, pai' kau pakaansuk sabap ra riwato-riwato gumagaya' ramuyun, kaa' pakaansuk kano sabap ra inggalan mino tinulisan noyo ra suruga'.”

PILIPI 4:3

Am okou niayuk Sunsugos, rangan kuno mangandoi, bilin ku rirun ra indangano' noyo ruandu' ragitilo mobonsoi saguli'. Sabap ra ilo ti mapirot toojo nangindangan raki' mampabala' ra Tanou Moonsoi; koson niayuk ra indangano' poyo i Kilimin am ngaangai' ondo' nangandoi nabaya' raki'. Inggalan nilai ti nakatulis noyo ra kitab ru Ulun Mokoowot ra Kaayagan Motopot.

IBRANI 12:23

Nakasaang kau noyo ra bunsag maayo mabaya' ra anak-anak katuaan ri Aki Kapuuno', ondo' inggalan nilono tinulisan noyo giu' ra suruga'. Mininggaar kau ri Aki Kapuuno' ondo' mangakim ra ngaangai' ulun, am poyo ra ambiluo-ambiluo ru ulun motopot ondo' tinanda' ri Aki Kapuuno'.

PINAINTALANG 13:8

Ngaangai' ulun ondo' mayan ra tana' ti sumamba riso. Kaa' mokoondo' niayuk ondo' kalo sumamba riso, ioginio ilo ondo' inggalan nilono tinulisan noyo ra kitab ru Ulun Mokoowot ra Kaayagan Motopot paat ra tana' ti kalo poyo biningkal. Kitab no ampu' ru Anak Domba ondo' pinatoi ru ulun.

PINAINTALANG 19:20

Bibiag masigo no pana narakop nabaya' ra migiangku ra nabi no ondo' nakapambaal ra kaimuagan ra saang ru maayag masigo no. (Intor ra kaimuagan raginio namparuung io ra ulun ondo' tinatanduan ra saap ru bibiag masigo no am ilo ondo' siminamba ra sinungkalalaing no poyo.) Bibiag masigo no am migiangku ra nabi no pinatiran ra tasik ru apui ondo' naratok ra balirang mapaang.

PINAINTALANG 20:12

Nakito ku ulun namagatoi, langkaya' am musikin, minigor ra saang ru takhta no. Ukabo' boo kitab-kitab. Rondo' poyo inukab, ioginio kitab ru Ulun Mokoowot ra Kaayagan Motopot. Inukuman boo ulun namagatoi no maya' ra binaal nilono koson natulisan ra kitab.

PINAINTALANG 20:15

Osoi ayuk ondo' inggalan nano kalo tinulisan ra ralalom ru kitab ru Ulun Mokoowot ra Kaayagan Motopot, patirin io ra tasik ru apui.