YEHEZKIEL 13:8 - Tanou Moonsoi Timugon

⁸ Ginio ra indagu Tuhan Raja' risilo, “Sabap ra ragu-ragu mino kalo motopot am pinaintalang ramuyun no kalo motopot, anggalon Takamin.

YEHEZKIEL 13:8 ပူးပေါင်းရင်းမြစ်များ

1 RAJA'-RAJA' 13:18

Indagu boo nabi matutuo intor ra Bitil no riso, “Aku pana sangulun nabi koson rirun. Sumugut ra susuban ru Tuhan, rondo' malaikat nanusub raki' magibit rirun muli' am mampaakan rirun giu' ra baloi kuno.” Sotopot no nabi matutuo no nagabau.

JIRIMIA 21:13

Kopongo raginio indagu Tuhan ra Jirusalim, “Okou Jirusalim! Intok muno masawat poyo intor ra limayak ra liliut muno. Koson kou ra bulur batu masawat giu' ra tana' marata', kaa' anggalon Tokou. Minindagu kou ra kolondo' sangulun pana makapamulunsar rirun kapoam makasubol ra kubu-kubu muno.

JIRIMIA 23:30

Inanggal Ku nabi-nabi ondo' nampasaboi ra tanou intor ra gino ngai' ilo, am minindagu ra tanou no intor Raki'.

JIRIMIA 29:31

mangator ra tanou intor ri Simaya ra ngaangai' ulun ru Israil ondo' pinatiran ra Babilonia. Koon ragitio tanou no: “Minindagu i Simaya ramuyun koson ayuk ra io sangulun nabi; sotopot no Aku, Tuhan, kalo nanusub riso. Ginio sabap ra nangkinibit io ramuyun nangintopot ra abau,

JIRIMIA 51:25

Okou Babilonia, koson kou ra gunung ondo' mamuso ra titikop ru tana' ti, kaa' Aku, Tuhan noyo pantula' muno. Paakangon Ku kalindu' koson mamparata' rirun am mompoloso rirun mosolob saboi masauk ra kaau.

YEHEZKIEL 21:3

ra Aku, Tuhan mindagu: Aku pantula' min. Butuson Ku ilang am mamatoi ramuyun ngaangai', ondo' malaat am niayuk ondo' moonsoi.

YEHEZKIEL 26:3

Indagu Tuhan Raja', “Aku pantula' muno, okou Tirus. Magibit Aku ra masuang bansa' koson mamulunsar rirun. Matong ilo koson ra kinulun ru raat.

YEHEZKIEL 28:22

Balai' mamagun ra giu' no atan ondo' paraguon Kuno, Tuhan Raja': Aku pantula' muno Sidon. Ulun mongompor Raki' sabap ra atan ondo' binaal Kuno rirun. Makapandai ilo ra Aku noyo Tuhan ondo' matulai, paat ra Aku mangukum ra mamagun muno.

YEHEZKIEL 29:10

Aku masauk boo ra pantula' muno am pantula' ru sungoi muno. Saukon Ku titikop ru Misir ra intok kolondo' tutuu' am masiluk, intor ra bandar Migdol giu' ra tampilon ralayo saboi ra bandar Aswan giu' ra tampilon rabugus, am makasaboi poyo ra balitan ru Itiopia.

YEHEZKIEL 34:10

Aku, Tuhan Raja', mampatanou ra Aku pantula' min. Alapon Ku domba-domba Kuno intor ramuyun, am domba-domba kalo boo palansanin ramuyun. Kalo boo mangiou Aku ramuyun magalung ra kaatangan min galama' ayuk. Bayagon Ku domba-domba maa' raginio kalo masauk ra akanon min.’ ”

YEHEZKIEL 35:3

Posoboyo' atan ondo' paraguon Kuno, Tuhan Raja' ra mamagun nano: Aku pantula' min, alii ra mamagun kau ru kabuluran Idom! Tana' min saukon Ku ra kolondo' tutuu' am masiluk.

YEHEZKIEL 39:1

Indagu Tuhan Raja', “Okou ulun mapandai matoi, ulaso' i Gog, ulun manguasa' kasaa' ru pagun Misik am Tubal, am balai' ilo ra Aku ti pantula' nano.

YEHEZKIEL 5:8

Ginio ra Aku, Tuhan Raja' mindagu rirun raino ra makimantula' Aku rirun. Ukumin Tokou giu' ra saang ru ngaangai' bansa'.

NAGUM 2:13

Mindagu Tuhan Ondo' Maayo Kaga' kuasa', “Pantula' muno Aku. Solobon Ku kurita' kuda muno saboi mapuso. Saujor-saujor muno potoyon ralalom pangayawan, am alapon Ku ngaangai' no ondo' ginaau min intor ra ulun bokon. Sika'-sika' ru ulun-ulun sinusub min kalo boo morongog.”

1 TIMOTIUS 4:1

Mindagu Ambiluo ri Aki Kapuuno' ra totopot paat orou ra tauli, mokoondo' ulun tumalikur intor ra pangintapatan ri Jisus Kristus; sumugut ilo ra ambiluo ondo' mampakalayau am maya' ra pangilaan ru riwato.

1 TIMOTIUS 4:8

Mampalanat ra inan ayuk kalo kula' onong no, kaa' igigilaan ra kasagaan ri Aki Kapuuno' no mokoonong ra ngaangai' baal, sabap ra ginio mangani' ritakau ra kaayagan bagu raino am kaayagan mantilayun ra tauli no.

1 PITRUS 3:12

Sabap ra Tuhan masalok magalung ra ulun ondo' sumugut ra kasagaan Nano am masalok mangkirongog ra pakiasian nilai no; kaa' gumula' Io ra ulun ondo' mambaal ra kalaatan.”