YEHEZKIEL 13:17 - Tanou Moonsoi Timugon

¹⁷ Indagu Tuhan, “Okou ulun mapandai matoi, ilai' ruandu'-ruandu' ondo' siminalu ra nabi ra gino ngai' ru bansa' muno. Kalasango' sawai muno risilo,

YEHEZKIEL 13:17 ပူးပေါင်းရင်းမြစ်များ

YEHEZKIEL 13:2

“Okou ulun mapandai matoi, sawayo' ra malasang nabi-nabi ru Israil ondo' mindagu ra ragu manala' ondo' binaal nilo ayuk galama'. Susubo' ilo rumongog ra ragu ru Tuhan.”

PINAINTALANG 2:20

Kaa' mokoondo' kalo kaansayan Kuno ramuyun: Mompoloso kau ri Ijabil, ruandu' no ondo' migiangku ra nabi. Mansail ra pangilaan nano mampakalayau io ra ulipon-ulipon Kuno koson mansasawa' am mangakan ra akanon ondo' pinataak ra sinungkalalaing.

2 RAJA'-RAJA' 22:14

I Ilkia, i Agikam, i Akbor, i Sapan am i Asaya minongoi pakitulu' intor ra sangulun ruandu' ininggalanan ri Gulda. Io sangulun nabi ruandu' ondo' minayan giu' ra namagunan bagu giu' ra Jirusalim. Ralaki nano i Salum, anak ri Tikwa, akupu ri Gargas, iono manalingapu ra bayang ru sambayang giu' ra Baloi ru Tuhan. Tinunung nilo atan ondo' nasauk no ri Gulda.

TINGGANAI RU BANSA' 4:4

Paat raginio tingganai ru Israil iono sangulun nabi ruandu' ondo' makainggalan ri Dibora, andu' ri Lapidot.

LUKAS 2:36

Mokoondo' sangulun nabi ruandu' ondo' matutuo kaga' makainggalan i Ana. Anak io ri Panuil, intor ra bansa' ru Asyir. Tulu' io ayuk ngambilor nasimpung ra ralaki nali am nasauk io no ra napuor.

2 PITRUS 2:1

Paat ra galing i, mokoondo' noyo ulun migigiangku ra nabi intor ra bansa' ru Jaudi, am mogondo' niayuk ra tatanga' mino ra mokoondo' sumalula' niayuk ulun migigiangku ra mangingila'. Mangila' ilo ondo' kalo motopot am ondo' mampalayau ra ulun. Magali' ilo ra Tuan ondo' nampalabus risilo. Ginio boo mangkinibit risilo mapuso ra maagu no.

YEHEZKIEL 21:2

“Okou ulun mapandai matoi, ulaso' Jirusalim! Ulaso' intok-intok sambayangan ru mamagun nano! Pakaraa' moonong ulun giu' ra Israil,

YEHEZKIEL 20:46

“Okou ulun mapandai matoi, ilai' tampilon ra rabugus. Sawayo' noyo tana' rabugus am indagu ra ragu manala' manggal ra kataunan ra giu' no.

YEHEZKIEL 4:3

Alapo' rondo' paliuk basi' am potolorogo' paliuk no koson ra timbok ru lolot muno am bandar no. Tingkuang no ra tampilon ra bandar no ilain koson okou magawang raginio. Baal raginio masauk ra tatandu' ra tayar ru bansa' ru Israil.

JISAYA 4:4

Ralalom ru kuasa' Nano Tuhan mangakim am mamasau ra bansa' raginio. Pusoon No kasalaan ru Jirusalim am kapasawon no intor ra raraa' ondo' pinasasar ra giu' no.

RINALATAN 21:9

Io mokoondo' apat ngaulun anak ralaa ondo' mapandai toojo mampatanou ra bala' intor ri Aki Kapuuno'.

NIGIMIA 6:14

Pakiasi' aku, “Iou Aki Kapuuno', karaa' noyo atan ondo' binaal ri Tobia am i Sanbalat. Ukumi' noyo ilo. Karaa' niayuk i Noaja, nabi ruandu' no am ngaangai' nabi ra bokon ondo' nangkinam nampakalalaa' raki'.”