YEHEZKIEL 13:14 - Tanou Moonsoi Timugon

¹⁴ Kuayan Kuno koson mampalunsai ra timbok ondo' kinapuran nilo. Tutukon Ku ginio saboi batu maatang nano makito. Timbok no malunsai am mamatoi ramuyun ngaangai'. Bagu no moonong ulun makapandai ra Aku noyo Tuhan.

YEHEZKIEL 13:14 ပူးပေါင်းရင်းမြစ်များ

MAZMUR 11:3

Kolondo' boo atan-atan mabaal ru ulun moonsoi amon ru adat napuso.”

MAMPATANOU 3:3

paat ra mamatoi am paat ra mamabas, paat ra mamunsag am paat ra mambaal.

JISAYA 28:17

Katimpakan saukon Ku ra tali panunuku', am kabanisan ru guang saukon Ku ra tali unting.” Nansalinut abau ondo' masauk ra kalansanan mino malulun ru rasam batu, am sindungan mino pusoon ru liur maayo.

JISAYA 30:13

Makasala kau. Koson kau ayuk ra timbok masawat ondo' liminata' intor ra rasawat saboi ra ragana'. Pulali' min ayuk mapuut.

JIRIMIA 14:15

Nabi-nabi minindagu ralalom inggalan Kuno ra pagun ti kalo malumpa' ru pangayawan kapoam bitilan, sotopot no kalo nanusub Aku risilo mindagu raginio. Aku, Tuhan nambala' rirun, atan ondo' baalon Kuno ra nabi-nabi no. Potoyon Ku ilo ra pangayawan am bitilan.

JIRIMIA 23:15

Gitio noyo ragu ru Tuhan Ondo' Maayo Kaga' Kuasa' intor ra nabi-nabi giu' ra Jirusalim, “Aniin Ku ilo ra tatanom mapait koson ra akanon am tuwo koson ra inumon, sabap ra nangkinibit ilo ra ulun giu' ra titikop pagun kalo gumagaya' Raki'.”

JIRIMIA 6:15

Mauyu' ilo kia sabap ra nambaal ra makauyuyu' ti? Kalo, totopot noyo kolondo' kauyuan nilo; nanangkapal bulos nilo. Ginio sabap ra maratu' ilo koson ra ulun bokon; bayag nilo pupusin paat ra Aku mangukum risilo. Aku, Tuhan nakaindagu noyo.”

JIRIMIA 8:12

Akau ulun Kuno, mauyu' kau kia sabap ra nambaal noyo ra ngaangai' baal ondo' malaat no? Kalo, totopot kalo mauyu' kau; nanangkapal bulos mino! Ginio ra maratu' kau koson ra ulun bokon; bayag mino mapupusan paat ra Aku mangukum ramuyun. Aku, Tuhan nakaindagu noyo.

YEHEZKIEL 13:15

“Timbok no am ilo ondo' nangapur no makaliman ra kinoporos ru sangit Kuno. Bagu no balain Takamin ra timbok no am ulun nangapur no napuso,

YEHEZKIEL 13:21

Rilakon Ku rundung mino am palabuson Ku ulun Kuno intor ra kuasa' mino ra sabuoi-buoi no. Bagu no makapandai kau ra Aku noyo Tuhan.

YEHEZKIEL 13:23

Raino pinaintalang ra kalo motopot am ondo' ragu inala' mino ondo' nampakalayau no napupusan noyo. Tatanga' Aku mamayag ra ulun Kuno intor ra kuasa' mino maa' raginio makapandai kau ra Aku noyo Tuhan.”

YEHEZKIEL 13:9

Ukumin Takamin, nabi-nabi ondo' nakakito ra pinaintalang ra kalo motopot am niayuk nampasaboi ra ondo' inala' ra mampalayau. Kalo mababaya' kau ra ulun Kuno paat ra ilo mansusunur; inggalan mino kalo tulisin ra ralalom inggalan ru ngaangai' ulun ru Israil, am kalo makauli' kau ra intok mino galama'. Bagu no makapandai kau ra Aku noyo Tuhan Raja'.

YEHEZKIEL 14:8

Anggalon Ku io, am saukon io koson ra pampakaraan. Patirin Ku io intor ra gino ngai' ru ulun Kuno, maa' raginio makapandai kau ra Aku noyo Tuhan.

MIKA 1:6

Ginio ra mindagu Tuhan, “Saukon Ku Samaria ra tuntur ru natuyas giu' ra padang, am intok ru ulun mantanom ra puun ru anggur. Mamatir Aku ra batu natuyas ru bandar no mongoi ra limayak, am makito boo puun ru bandar no.

ABAKUK 3:13

Miningkual Kou koson mamayag ra ulun Muno, koson mamayag ra raja' pinili' Muno. Namparatu' Kou ra tingganai ru ulun malaat, am namuso ra ngaangai' maamaya' nano.

LUKAS 6:49

Kaa' ulun ondo' mangkirongog ra raguon Kuno am kalo gumagaya', io no koson sangulun manambaloi ondo' kalo mampatirong toojo ra lugu'. Paat ra mampaliur, matungkob boo am malunsai toojo baloi no!”