YEHEZKIEL 13:13 - Tanou Moonsoi Timugon

¹³ Koon ragitio noyo ragu ru Tuhan Raja', “Paat ra Aku sumangit kaga', mamparatong Aku ra bagiu' mapuor, rasam maawas am rasam batu koson mamuso ra timbok no.

YEHEZKIEL 13:13 ပူးပေါင်းရင်းမြစ်များ

AYUP 38:22

Igondo' kou kia ongoi ilong ra gudang-gudang Kuno, intok nambulian Ku ra ais am rasam batu?

AYUP 38:23

Inula' ku ginio koson paat ra kapaganan, koson ra orou pamulunsaran am pangayawan.

MAZMUR 105:32

Pinaratu' No rasam mangasalag am timpalak koson suali ru rasam kopoyo.

MAZMUR 107:25

Ralalom ru panusuban Nano, makabagiu' ra mapuor, am mangkinulun ra maayo.

MAZMUR 148:8

akau ganit am rasam batu, ais am gaun, am niayuk bagiu' ondo' gumagaya' ra susuban Nano.

JISAYA 30:30

Porongogon ru Tuhan bolos Nano ondo' matulai no, am moonong ulun makaliman ra kasangitan Nano ondo' makasimbula'. Kasangitan Nano maparatong ra apui ondo' makapangumpo, bagiu', rasam batu am rasam maawas.

JIRIMIA 23:19

Sangit Nano koson ra bagiu' mapuor ondo' sumiab ra mapuor kaga' am makalumpa' ra ulun malaat.

SULABOI 2:1

Ralalom ru sangit, linibungan ru Tuhan Sion ra kalandaman. Kinulau No kinaayo ru Israil ondo' masawat koson ra limbowon nasauk nalunsai. Paat ra Io sumangit, Baloi Nano pana iruanin.

SULABOI 2:3

Ralalom ru sangit namuso Io ra kaikangan ru Israil; marara' Io mangindangan ritakau paat ra pantula' matong. Sangit Nano ritakau bibilak koson ra apui mangumpo ra ngaangai'.

SULABOI 2:4

Patumaan no panah ra tampilon takau ilain koson itakau ti pantula' Nano; Potoyon No ngaangai' ulun ondo' nasauk ra kasagaan am mapabansuk ra guang takau. Giu' ra bandar Jirusalim makaliman takau ra apui ru sangit Nano.

YEHEZKIEL 1:4

Pantingaa' aku am nakakito ra bagiu' mapuor kaga' minatong intor ra ralayo. Ganit kukurilop intor ra gaun ondo' maayo kaga', am limbowon giu' ra liput nano mapaang kaga'. Bulintok ra ganit no kukurilop, makito rondo' ondo' kukuliat koson ra gangsa'.

YEHEZKIEL 13:12

Mapuut boo timbok no, am mangkuot ulun ramuyun ra atan onong ru timbok no kinapulak ra kapur.”

IMAMAT 26:28

am mabaya' ra sangit manggal Aku ramuyun am mangukum ramuyun intulu' makalalaa' poyo intor ra nakasail.

JUNUS 1:4

Timinuun i Junus ra intok ondo' magana' kaga' am liminuya' ra giu', am nokororot io toojo. Kopongo raginio namparatong Tuhan ra bagiu' mapuor kaga' giu' ra raat, am kasauk boo bagiu' ondo' makalalaa', am liminapos ra kapal saboi maar magagai. Ngaangai' ulun ru kapal nalaa' am giminolok makiindangan, sigagama' nilo ra dewa nilo galama'. Pinatiran nilo suang ru kapal no ra ralalom ru raat koson mangiruru' ra makalalaa'.

AGAI 2:17

Pinaratong Ku noyo angin malasu' am namparatu' ra rasam batu koson manutuk ra ngaangai' ampos ru umo min, kaa' lakat poyo marara' kau sumaguli' Raki'.

PINAINTALANG 11:19

Kaukab Baloi ri Aki Kapuuno' no giu' ra suruga' am Kaban Nabantuan i pana makito ra ralalom no. Nampaganit boo, nanimpalak, tana' ti mogonggon am riminasam ais batu ra maawas.

PINAINTALANG 16:21

Intor ra limbowon no riminatu' ra ulun rasam batu ra maayo ondo' rorondo' makabagat limo ngoopor ngakilo no. Ginio boo ra magulas ilo ri Aki Kapuuno' sabap ra baal ru rasam batu no makalalaa'.

PINAINTALANG 8:7

Malaikat kasaa' no nanamput ra bujung nano. Ratu' boo ais batu am apui nararatok ra raraa' ra tana' ti, koson ra rasam maawas. Sampitalu ru tana' ti, tataun am ngaangai' makaraun masansam nongosolob.