YEHEZKIEL 13:11 - Tanou Moonsoi Timugon

¹¹ Balai' nabi-nabi no ra timbok nilo mapuut. Paratuon Ku rasam maawas. Timbok no tiwon ru bagiu' mapuor am malumpa' ru rasam batu.

YEHEZKIEL 13:11 ပူးပေါင်းရင်းမြစ်များ

AYUP 27:21

Angin sirangon mangkayang risilo, am magalus risilo intor ra baloi.

AYUP 38:22

Igondo' kou kia ongoi ilong ra gudang-gudang Kuno, intok nambulian Ku ra ais am rasam batu?

AYUP 38:23

Inula' ku ginio koson paat ra kapaganan, koson ra orou pamulunsaran am pangayawan.

MAZMUR 11:6

Ulun malaat ukumin No ra lumaag, mabaya' ra baa makasimbula', bilirang am angin ra makaumpo.

MAZMUR 32:6

Ginio ra ngaangai' ulun ondo' gumagaya' musiti' no makiasi' Rirun paat ra makakapaganan; amon ru rosob sumuku', kalo maabas ilo.

JISAYA 25:4

Ulun musikin am ulun malawo mongoi Rirun, am makisindung bulintok makakapaganan. Inampin Mu ilo intor ra bagiu', am manindung risilo intor ra orou malasu'. Ulun malaat kaga' mongoi pangayou koson ra bagiu' mapuor bulintok masimu',

JISAYA 28:2

Ilai' noyo, Tuhan nangator sangulun ondo' maikang am makakuasa', nakatampos mongoi pangayou risilo; sangulun matong koson ra bagiu' mabaya' ra rasam batu, koson ra rasam maawas, am koson ra liur ondo' siminakob ra tana'. Io mapaampas risilo ra tana'.

JISAYA 29:6

Tuhan Ondo' Maayo Kaga' Kuasa' mapalabus rirun am ra bagiu' am tana' mogonggon ondo' makalalaa'. Porotongon No bagiu' am apui ondo' masimbula'.

JISAYA 32:19

kabalu' pana kataunan malumpa' ru rasam batu am bandar mapuut toojo.

YEHEZKIEL 1:4

Pantingaa' aku am nakakito ra bagiu' mapuor kaga' minatong intor ra ralayo. Ganit kukurilop intor ra gaun ondo' maayo kaga', am limbowon giu' ra liput nano mapaang kaga'. Bulintok ra ganit no kukurilop, makito rondo' ondo' kukuliat koson ra gangsa'.

YEHEZKIEL 13:12

Mapuut boo timbok no, am mangkuot ulun ramuyun ra atan onong ru timbok no kinapulak ra kapur.”

YEHEZKIEL 38:22

Ukumin Ku boo io ra maruol tumapik am pasasaron raraa'. Rasam maawas, rasam batu, apui am bilirang makalumpa' riso am saujor nano, am niayuk bansa'-bansa' ondo' maya' riso.

NAGUM 1:3

Tuhan kalo mataki' sumangit, kaa' Io makakuasa', am kalo igondo' Io nampalabus ra ulun ondo' nambaal ra kasalaan intor ra ukuman. Giu' ra intok ugaran ru Tuhan, sumalula' puting beliung am taupan; gaun iono kaau intor ra kalayam Nano.

MATIUS 7:25

Paat ra rumasam maawas, mampaliur am masiob ru bagiu' mapuor, baloi ti kalo matungkob sabap ra pinatampak ra batu.

MATIUS 7:27

Paat ra rumasam maawas, mampaliur am masiob ru bagiu' mapuor, baloi no pana matungkob am malunsai boo toojo.”