YEHEZKIEL 12:19 - Tanou Moonsoi Timugon

¹⁹ Balai' ngaangai' bansa' ra gitio noyo ragu ru Tuhan Raja' ra mamagun ru Jirusalim ondo' lakat poyo minayan giu' ra pagun nilo: Monontol ilo paat ra ilo mangakan, am monontol ra malaa' paat ra ilo manginum. Pagun nilo mapuso am masauk ra kolondo' tutuu' sabap ra ngaangai' ulun minayan ra giu' minanggal ra ukum.

YEHEZKIEL 12:19 ပူးပေါင်းရင်းမြစ်များ

JAKARIA 7:14

Koson ra bagiu' mapuor, kinuliagai Ku ilo saboi ilo minayan kalalaat giu' ra pagun ra bokon. Tana' ondo' malabung ti nasauk ra mapua', masiluk kaga', am kolondo' ulun minayan.”

MIKA 7:13

Kaa' tana' ti masauk ra tana' mapua' sabap ra kalaatan ru mamagun nano.

YEHEZKIEL 6:14

Iou, paakangon Ku kalindu' Kuno am tutukon ku pagun nilo saboi masauk ra kolondo' tutuu' am masiluk, intor ra tana' kaagisan giu' ra rabugus saboi ra bandar Ribla giu' ra ralayo. Ngaangai' intok ondo' inayanan ru ulun ru Israil, pusoon. Bagu no moonong ulun makapandai ra Aku noyo Tuhan.”

1 KORINTUS 10:28

Kaa' amon ru mokoondo' mindagu ramuyun ra, “Akanon ti nakapakan noyo ra sinungkalalaing,” pai' noyo akano', sabap ra mangkara' ra kaatangan ru ulun no am sabap ra kaimamangan ru guang. (

YEHEZKIEL 7:23

Titikop pagun mataliajou; pagun natikop ra pampatayan, am bandar-bandar nototop ra kalaatan.

JIRIMIA 10:22

Rongog no! Tanou nakasaboi noyo! Mokoondo' rondo' bansa' giu' ra ralayo mapasingkual ra kajajawan. Saujor nano mapasauk ra bandar-bandar ru Jiuda masiluk am kolondo' mayan, saboi masauk ra intok ayanan ru uku' kataunan.”

1 KORINTUS 10:26

Sabap ra mokoondo' tinulisan ra Buuk Kitab, “Tana' ti am ngaangai' ru suang nano longgom ri Aki Kapuuno'.”

YEHEZKIEL 36:3

“Panala' no am potonowo' noyo atan ondo' paraguon Kuno, Tuhan Raja'. Paat ra bansa'-bansa' paginggaar mangala am mantakou ra kagunungan ru Israil, ilo ngaangai' magasab ra Israil.

YEHEZKIEL 4:16

Indagu Io poyo, “Okou ulun mapandai matoi, langgain Ku mampalutu' ra ruti' koson ra Jirusalim. Mamagun ru bandar no magalabo am maimamang paat ra ilo manuku' ra akanon am timug inumon nilo.

JIRIMIA 33:12

Indagu Tuhan Ondo' Maayo Kaga' Kuasa', “Giti ra pagun ondo' koson ra tana' kaagisan ti, ondo' kalo inayanan ru ulun kapoam bibiag, igondo' poyo mokoondo' ra padang makasakot, intok ru ulun magalung ra domba nilo.

JIRIMIA 33:10

Indagu Tuhan, “Kon ru ulun ra intok ti koson ra tana' kaagisan, am kolondo' ulun kapoam bibiag ondo' minayan ragiti. Ragu nilo tojojo motopot, sabap ra bandar-bandar Jiuda am ralan-ralan giu' ra Jirusalim masiluk ngaangai' no; kolondo' ulun am bibiag ondo' minayan ra giu' no. Kaa' giu' ra intok-intok raginio morongog poyo

JIRIMIA 32:28

Pataakon Ku bandar ti ra Raja' Nibukadnijar intor ra Babilonia am saujor nano. Gaawon nilo bandar ti,

JIRIMIA 18:16

Sinauk nilo pagun ti ra intok makalalaa', saboi nasauk ra pangiisan ra sabubuoi no. Ngaangai' ulun ondo' mansail ra pagun ti makatigog magilong raginio, malaa' ilo am mamisik ra ulu.

JIRIMIA 6:7

Koson taur ru timug mangingkual ayuk ra timug, koson niayuk ra bandar no manangampos ayuk ra kalaatan. Nokorongog Aku intor ra pangimbalaan am kapusaan ra bandar ti; nakakito Aku ra maruol am pilat ra giu' no.

JIRIMIA 4:27

Minindagu Tuhan ra titikop ru tana' ti masauk ra tana' kaagisan, kaa' kalo pusoon No lingono'.)

JISAYA 6:11

Mangkuot aku, “Kula' buoi ru kasaukan koson ragitio, iou Tuhan?” Taam Io, “Saboi bandar-bandar mapuut, magagai am kolondo' namagun, baloi-baloi kalo boo ayanin, tana' naliung-liung am niayuk mapua'.

MAZMUR 107:34

Sinauk No tana' ra malabung no ra limayak mapua', kinibit ru kalaatan ru ulun ondo' namagun ra giu' no.

MAZMUR 24:1

Mazmur ri Daut. Tana' ti am ngaangai' suang no longgom ru Tuhan; pagun ti am ngaangai' minayan no Io ra longgom.

JIRIMIA 25:11

Polosoon Ku titikop ru pagun no matutuk am masauk ra intok makalalaa'. Bansa'-bansa' giu' ra liliut no mangandoi ayuk ra raja' ru Babilonia buoi tulu' ngoopor ngambilor.