1 Indagu Tuhan raki',
Kopongo raginio panusub i Ilisa ra raja' mangalap ra pamanah ra bokon am mapalamba' ra tana' ra pamanah no. Lambaa' ru raja' no tana' saboi intalu am langgai'.
mambaal ra kalat intor ra kungkung am mambaal ra kuk intor ra tataun, am paatangon ra impus kutu.
am aku pana nambala' ra ulun pinatiran intor ra ngaangai' ondo' nanuluan ru Tuhan raki'.
“Okou ulun mapandai matoi, minayan kou ra tatanga' ru ulun gumuor. Mokoondo' ilo ra mato, kaa' kalo makakito; mokoondo' ilo ra talingo, kaa' kalo mokorongog, sabap ra masaga' ilo gumuor.
Aku, Tuhan mindagu ra ulun ru Israil, am ngaangai' ondo' raguon Kuno musiti' masauk, ra kalo boo paginjul-ginjul. Akau ulun gumuor, paat ra okou maayag, suguton Ku atan ondo' pinakara' Kuno ramuyun. Aku, Tuhan Raja', nakaindagu noyo.”
“Okou ulun mapandai matoi, ulun-ulun gumuor no mangkuot rirun intor ra baal ondo' tatanga' muno baalon,
