YEHEZKIEL 11:6 - Tanou Moonsoi Timugon

⁶ Namatoi kau ra masuang kaga' ulun giti ra bandar ti saboi ralan-ralan nososok ra baangkai.

YEHEZKIEL 11:6 ပူးပေါင်းရင်းမြစ်များ

YEHEZKIEL 7:23

Titikop pagun mataliajou; pagun natikop ra pampatayan, am bandar-bandar nototop ra kalaatan.

YEHEZKIEL 22:27

Pagawai ru pamarintaan nogondo' koson ra taani ondo' naminsang ra sinaam nilo. Namatoi ilo koson masauk ra langkaya'.

YEHEZKIEL 22:12

Mokoondo' ulun ondo' masauk ra ulun mamatoi ra bayarin. Mokoondo' ulun makatimung ra bunga' ru ruit intor ra gino ngai' ru ulun ru Israil. Masauk ilo ra langkaya' ra mamparuung ra ulun. Nakalilian ilo noyo Raki'.” Tuhan Raja' nakaindagu noyo.

YEHEZKIEL 22:9

Sampiruo ra ulun muno magabau maa' raginio ulun ra bokon ukumin ra matoi. Mokoondo' poyo boo ondo' mangakan ra akanon ondo' pataakon ra sinungkalalaing. Mokoondo' ulun ondo' masalok mapagagaya' ra kasagaan galama' nilo.

JISAYA 1:15

Bulintok ra akau mapatunui ra longon koson makiasi', kalo ilain Takamin. Kabalu' pana masalok kau makiasi', kalo rongogon Ku, sabap ra kalindu' mino masalok mampatoi.

MATIUS 23:35

Pupus no, ukum ra namatoi ra ngaangai' ulun ondo' kolondo' sala i paratuon ramuyun. Intor namatayan ri Abil ondo' kolondo' sala, suku' namatayan ri Jakaria, anak ri Birikia, ondo' pinatoi min ra lolot ru altar am Intok Matulai.

JIPANYA 3:3

Tingganai-tingganai ru bandar no koson ra singa' ondo' mansasangal. Akim-akim no koson ra taani maitilan ondo' masuung kaga' saboi saputul bungul pana kolondo' ondo' natatang koson ra suabon no.

MIKA 7:2

Kolondo' boo ulun mabanis guang ralalom ru pagun; kolondo' boo ulun ondo' gumagaya' ri Aki Kapuuno'. Moonong ulun maginaa ra kaluagan no koson mamatoi. Moonong ulun mampatoi ra bansa' nano galama'.

MIKA 3:10

Akau nambaal ra Jirusalim, bandar ri Aki Kapuuno', mimpuun ra pamatayan am kolondo' katimpakan.

YEHEZKIEL 9:9

Taam i Aki Kapuuno', “Mamagun ru Israil am Jiuda nambaal ra tula ondo' maayo kaga'. Namatoi ilo giu' ra titikop ru pagun, am sinosok Jirusalim ra kalaatan. Minindagu ilo ra Aku, Tuhan, nangiruan noyo ra pagun nilo, am kalo makakito Aku risilo.

SULABOI 4:13

Kaa' baal raginio nasauk sabap ra nabi-nabi nano makatula noyo, am imam-imam nano namatoi ra ulun ondo' kolondo' sala.

JIRIMIA 7:9

Mantakou kau, mampatoi, mansawa', mangani' ra kaintutunan magabau, mampataak ra taak simbalui ra Baal, am sumamba ra dewa-dewa ondo' kalo igondo' nauligan min.

JIRIMIA 7:6

Pai' imboloo' bansa' ra bokon, anak kolondo' matuo am napuor. Pai' potoyo' ulun ondo' kolondo' sala ra pagun ti. Pai' samba ra tuhan-tuhan ra bokon, sabap binaal raginio mamuso ramuyun.

JIRIMIA 2:34

Bayang min natatakan ra raraa' ru ulun musikin am ulun kolondo' sala, sala' ka raraa' ru ulun mantakou ondo' narakop. Kabalu' pana raginio,

JIRIMIA 2:30

Banangan Ku ayuk mangukum ramuyun, sabap ra marara' kau mangapu ra pangilaan Kuno. Koson ra singa' ondo' tatanga' masangit, koon raginio niayuk ra akau namatoi ra nabi-nabi min.

2 RAJA'-RAJA' 21:16

Namatoi Raja' Manasi ra masuang kaga' ulun ondo' kolondo' sala saboi raraa' nalayak giu' ra ralan-ralan giu' ra Jirusalim. Suai ra binaal raginio, Raja' Manasi niayuk nangkinibit ra mamagun ru Jiuda siminamba ra sinungkalalaing, saboi ilo makatula ra Tuhan.