YEHEZKIEL 11:5 - Tanou Moonsoi Timugon

⁵ Ambiluo ru Tuhan nanguasa' raki' am nanusub raki' nampasaboi ra tanou ti ra ulun, “Akau ngai' ulun ru Israil, nakapandai Aku ra atan ondo' raguon min am baal ra inatang min.

YEHEZKIEL 11:5 ပူးပေါင်းရင်းမြစ်များ

1 TUNUNG RU BANSA' ISRAIL 28:9

Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

MAZMUR 50:21

Ginio noyo baalon mino, kaa' mongkoror Aku ayuk, pangkaraan min koson Aku niayuk ramuyun. Kaa' raino mansiwou Aku ramuyun, am saukon Ku baal raginio maalap min intopoto'.

MAZMUR 7:9

Okou noyo ondo' mangukum ra ngaangai' ulun. Anii' aku no ra katimpakan, iou Tuhan, sabap ra kolondo' sala kuno.

JISAYA 28:15

Ragu mino masawat, ra nangatang kau kunu' ra nabantuan ra kapatayan am pangiawan ra pagun ru ulun minatoi. Malansan kau ra karaat kalo makalumpa' ramuyun sabap ra lumansan kau ra abau am pamparuungan koson mangampin ra inan mino.

JISAYA 58:1

Mindagu Tuhan, “Kosongowo' noyo golok muno! Balai' noyo ulun Kuno ra tula-tula nilono.

JIRIMIA 11:20

Aku pana pakiasi' boo, “Iou Tuhan Ondo' Maayo Kaga' Kuasa', Okou akim ondo' matimpok; Okou mangkinam ra pangkaraan am guang ru ulun. Pataakon ku baal kuno ra ralalom ru kalindu' Muno; ginio ra polosoon noyo aku makakito ra pambalos Muno ra binaal ru ngaangai' ulun no.”

JIRIMIA 16:17

Nakakito Aku ra ngaangai' ondo' binaal nilo. Kolondo' sangulun pana ondo' nakasibuni intor Raki'; nakakito Aku ra tula-tula nilo.

JIRIMIA 17:10

Aku, Tuhan, mangimumui ra guang; pangkaraan ru ulun kinamin Ku. Pamakuan Ku ra moonong ulun sumugut ra paliso nano, am pamakuan Kuno nontopot ra binaal nano.”

YEHEZKIEL 2:2

Bulintok ra aku mokorongog ra bolos no, Ambiluo ri Aki Kapuuno' nanguasa' raki' am napabigor raki'. Mokorongog aku ra bolos no mindagu poyo,

YEHEZKIEL 2:7

Posoboyo' ragu Kuno risilo, rumongog ilo kapoam kalo. Karaa' noyo, ilo ngaangai' no gumuor.

YEHEZKIEL 20:32

Gumogot kau masauk koson ra bansa'-bansa' ra bokon, koson ra ulun ondo' minayan giu' ra pagun-pagun ra bokon am ondo' sumamba ra puun tataun am batu. Baal raginio maaru' kalo masauk.”

YEHEZKIEL 28:2

“Okou ulun mapandai matoi, posoboyo' atan ondo' paraguon Kuno, Tuhan Raja' ra raja' ru Tirus, ‘Malilimbau kou am mangkara' ra inan muno dewa ondo' nanturung giu' ra tatanga' ru raat. Tumilu kou koson ra dewa, ondo' sotopot no ulun kou ayuk ondo' mapandai matoi!

YEHEZKIEL 29:3

Balai' io ra gitio noyo ragu ru Tuhan Raja' ra raja' ru Misir, ‘Aku pantula' muno, okou buayo maayo ondo' liminuya' giu' ra sungoi! Kamu ra Sungoi Nil no longgom muno, am okou nambaal no.

YEHEZKIEL 3:11

Kopongo raginio ongoi no ra bansa' muno ondo' ralalom ru pamatiran, am posoboyo' atan ondo' raguon Kuno, Tuhan Raja' risilo, ru rumongog ilo rirun kapoam kalo.”

YEHEZKIEL 3:24

kaa' Ambiluo ri Aki Kapuuno' nanguasa' raki' am nampabigor raki'. Indagu Tuhan raki', “Uli' no am pagaput ra ralalom ru baloi.

YEHEZKIEL 3:27

Paat ra Aku mindagu poyo rirun, am niayuk mangiou rirun mindagu saguli', musiti' kou mambala' risilo ra atan ondo' rinagu Kuno, Tuhan Raja'. Santayaran ulun rumongog, kaa' santayaran poyo kalo, sabap ilo totopot bansa' ra gugumuor.”

YEHEZKIEL 8:1

Paat ra orou kalimo, sila' koonom ralalom ru bilor koonom paat ra akai ralalom ru pamatiran, tingganai-tingganai ru ulun pinatiran intor ra Jiuda soroi giu' ra baloi kuno. Pulali' ru kuasa' ru Tuhan Raja' nanguasa' raki'.

MARKUS 2:8

Paat ragili niayuk napandayan ri Jisus ra ilo mampaguang koson raginio, am indagu Io boo risilo; “Kua pampaguang kau koson raginio?

JUANIS 21:17

Kaintalu ri Jisus nangkuot riso, “Simon anak ri Juanis, motogom kou kia Raki'?” Mangiluk guang ri Pitrus sabap ra nangkuot i Jisus riso saboi intalu ra, “Motogom kou kia Raki'?” Indagu io Riso, “Tuhan, nakapandai Kou ra ngaangai'. Okou noyo nakapandai ra motogom aku Rirun.” Indagu i Jisus riso, “Alungi' noyo domba-domba Kuno.

RINALATAN 10:44

Liliwa' i Pitrus lakat ayuk poyo minindagu, Ambiluo ri Aki Kapuuno' timinuun ra ngaangai' ulun ondo' nangkirongog ra pambalaan i.

RINALATAN 11:15

Paat ra aku timinalimpuun mindagu risilo, Ambiluo ri Aki Kapuuno' pana minatong risilo koson ra nasauk ritakau ragili.

IBRANI 4:13

Kolondo' atan-atan inangun ri Aki Kapuuno' makasibuni intor Riso, sabap ra ngaangai' maukab am makito Nano. Am ri Aki Kapuuno' niayuk musiti' takau mangakun ra ngaangai' ondo' binaal takau.

JAKUBUS 3:6

Rila' ti mogondo' ra apui. Ralalom ru inan takau, io no puun ru laat am mampakasalula' ra kalaatan nano ra ngaangai' ru kaayagan takau. Kinalaat nano intor noyo ra naraka, am makapampakalaat io poyo ra ngaangai' ru kaayagan takau.

PINAINTALANG 2:23

Potoyon Ku niayuk maamaya' nano, am ngaangai' boo ru pasimpungan ulun Kristian makatutun ra Aku noyo Io ondo' makapandai ra pangkaraan am guang ru sasangulun. Balasin takamin maya' ra binaal mino sigagama'.

1 SAMUIL 10:10

Paat ri Saul am ulipon nano nakasaboi giu' ra Gibia, tinuum i Saul ru sampulalai nabi. Paat raginio niayuk Ambiluo ri Aki Kapuuno' no nanguasa' ri Saul, am minaya' io ra nabi-nabi no saliligo' am sogogolok.

1 SAMUIL 10:6

Paat raginio niayuk kuasaan kou ru Ambiluo ru Tuhan, am aniin kou ra paliso bagu, am maya' kou risilo saliligo am sogogolok.