YEHEZKIEL 11:20 - Tanou Moonsoi Timugon

²⁰ Bagu no gumagaya' ilo boo ra ukum Kuno am sumugut ra ngaangai' susuban Kuno ra matanda'. Masauk ilo ra ulun Kuno, am Aku masauk ri Aki Kapuuno' nilo.

YEHEZKIEL 11:20 ပူးပေါင်းရင်းမြစ်များ

YEHEZKIEL 14:11

Baalon Ku baal raginio koson manginga' ra ulun ru Israil mangiruan Raki' am mampajamol ra inan nilo ra tula. Koon raginio ilo masauk ra ulun Kuno am Aku masauk ri Aki Kapuuno' nilo.” Koon raginio noyo ragu ru Tuhan Raja'.

MAZMUR 105:45

maa' raginio ulun Nano gumagaya' ra ukum Nano, am mambaal ra ngaangai' panusuban Nano. Omporo' noyo Tuhan!

LUKAS 1:6

Kaayagan ru mansawo ti mapabansuk ra guang ri Aki Kapuuno'. Ilo karuruo gumagaya' toojo ra ngaangai' susuban am ukum ru Tuhan.

JIRIMIA 31:33

Gitio noyo nabantuan bagu ondo' baalon Kuno ra ulun ru Israil: Buliin Ku ukum Kuno ra ralalom ru guang nilo, am tulisin ginio ra guang nilo. Masauk Aku ri Aki Kapuuno' nilo, am masauk ilo ra ulun Kuno.

IBRANI 11:16

Kaa' sotopot no, mompogogot ilo ra pagun ondo' moonsoi poyo ka inayanan nilo i, iono suruga'. Ginio sabap ri Aki Kapuuno' pana kalo mauyu' ra Io no piawon i Aki Kapuuno' nilo, sabap ra nokopomongo Io noyo ra rondo' bandar risilo.

IBRANI 8:10

Kaa' raino gitio noyo bantu' Ku ra ulun ru Israil paat ra orou matong no, kon ru Tuhan: Pakaraan Ku ukum Kuno risilo am patulison Ku poyo ra guang nilono. Masauk Aku ra Tuhan nilo am masauk ilo noyo ra ulun ondo' tagamin Kuno.

1 KORINTUS 11:2

Paringkuanangan ku ramuyun sabap ra masalok kau mangkara' ra nangilaan kuli ramuyun am gumagaya' kau niayuk.

ROMA 16:26

Kaa' raino katapatan raginio pinasalula' mansail ra namatikan ru nabi-nabi. Am sumugut ra susuban ri Aki Kapuuno' ondo' mantilayun, katapatan raginio potonowon ra ngaangai' bansa', maa' raginio mangintopot am gumagaya' ilo boo Riso.

JAKARIA 13:9

Sampitalu ayuk intor ra mamagun nano maayag. Kapasawon Ku ilo koson ra pirok tinuyu' toojo ru apui. Kinamin Ku ilo koson ra ulun mangkinam ra mas. Ilo pana makiasi' boo Raki', am iowon Ku pakiasian nilo. Balain Ku ilo ra ilo ulun Kuno, am ilo pana mangiou ra Aku Tuhan, i Aki Kapuuno' nilo.”

YEHEZKIEL 37:27

Sumimpung Aku risilo. Masauk Aku boo ri Aki Kapuuno' nilo am masauk ilo boo ra ulun Kuno.

YEHEZKIEL 11:12

Makapandai kau boo ra Aku noyo Tuhan, am gumagaya' ra ukum ru pagun-pagun ra paginggaar, inanggal min ukum Kuno am nangimpai ra susuban Kuno.”

JIRIMIA 32:38

Masauk ilo ra ulun Kuno, am masauk Aku ri Aki Kapuuno' nilo.

JIRIMIA 24:7

Aniin Ku ilo ra kasagaan nilo koson makarati' ra Aku noyo Tuhan. Koon raginio ilo masauk ra ulun Kuno, am masauk Aku ri Aki Kapuuno' nilo, sabap ra sumaguli' ilo Raki' ra sotopot ru guang.

JIRIMIA 11:4

Nambaal Aku ra nabantuan no ra kinamatuaan nilai paat ra Aku naningganai risilo miningkual intor ra Misir, pagun ondo' koson ra naraka risilo. Nanusub Aku risilo gumagaya' Raki' am nambaal ra ngaangai' ondo' nanusuban Kuli. Nambala' Aku risilo ra amon ru gumagaya' ilo Raki', masauk ilo ra ulun Kuno am masauk Aku ri Aki Kapuuno' nilo.

MAZMUR 119:32

Maansayan aku gumagaya' ra panusuban Muno, sabap ra sinauk Mu aku makarati' toojo.

MAZMUR 119:1

Pakaansuk noyo ulun maayag ra kolondo' ruruko, am maayag sumugut ra ukum ru Tuhan.

AMSAL 9:6

Tatango' noyo sasambungon maa' raginio kaayagan muno makaansuk. Bayaa' noyo kaayagan ru ulun mapintar.”

YEHEZKIEL 43:11

Amon ru mauyu' ilo boo ra binaal nilo, pambala' toojo risilo ra inatangan ru Baloi Kuno: model nano, kulobon-kulobon, kinaindon, tampos ru baloi maayo, am ngaangai' aturan am niayuk ukum nano. Tulisi' ngaangai' no maa' raginio makakito ilo am makailong toojo ra ralan manampos ra ngaangai' no, am gumagaya' ra ngaangai' ru aturan nano.

JAKARIA 8:8

am magibit risilo sumaguli' intor ra sirangon am intor ra kalasaan, maa' raginio mayan ilo saguli' giu' ra Jirusalim. Masauk ilo ra ulun Kuno am Aku masauk ri Aki Kapuuno' nilo. Mamarinta Aku risilo ra motopot am matimpok.

KASAUKAN 17:8

Manaak Aku rirun am papag muno ra tana' ragitio, intok inayanan muno raino ti koson ra ulun bansa' ru bokon. Titikop tana' ru Kanaan masauk ra longgom ru papag muno ra sabubuoi no am Aku masauk ri Aki Kapuuno' nilo.”

SAGULION 30:6

Tuhan i Aki Kapuuno' min manaak ramuyun am papag min ra guang ondo' gumagaya' maa' raginio motogom kau Riso ra sotopot ru guang, am makaayan magulayun giu' ra tana' no.

JIRIMIA 24:5

“Aku, Tuhan, i Aki Kapuuno' ru Israil nangkara' ra ulun ondo' inaut pinoongoi ra Babilonia no koson ra kawa' ru ara ondo' moonsoi ti, am moonsoi pamakuan Kuno risilo.

JIRIMIA 32:39

Aniin Ku ilo ra rondo' kuayan ru kaayagan: koson mangurumat Raki' ra sabubuoi no koson ra kaatangan nilo galama' am papag nilo.

YEHEZKIEL 37:23

Kalo boo jamalin nilo inan nilo ra sumamba ra sinungkalalaing ondo' makauyuyu' kapoam mambaal ra tula. Palabuson Ku ilo intor ra ngaangai' ondo' mangkinibit risilo makatula am manumbalik Raki'. Kapasawon Ku ilo; masauk ilo boo ra ulun Kuno, am masauk Aku boo ri Aki Kapuuno' nilo.