YEHEZKIEL 11:16 - Tanou Moonsoi Timugon

¹⁶ “Balai' gino ngai' ru bansa' muno ralalom pamatiran ra Aku noyo ondo' nangator risilo ra maalur mongoi ra bansa'-bansa', am niayuk nampatutuliar risilo giu' ra pagun-pagun ra bokon. Kaa' koson liliwa' raginio, maya' Aku risilo giu' ra intok raginio.

YEHEZKIEL 11:16 ပူးပေါင်းရင်းမြစ်များ

MAZMUR 31:20

Mapara' kia boo nalimpak bonsoi Muno ondo' inatang Mu ra ulun ondo' mangurumat Rirun. Moonong ulun magilong ra bonsoi ru binaal Muno ra ulun ondo' siminindung Rirun.

MAZMUR 44:11

Sinauk Mu akai nagiru' intor ra pantula', am ginaau nilo ngaangai' kuliamos maili.

MAZMUR 90:1

Pakiasian ri Musa, ulipon ri Aki Kapuuno'. Iou Tuhan, Okou noyo intok mai sumindung, saboi ra sabuoi-buoi no.

MAZMUR 91:1

Ulun ondo' sumindung Riso Ondo' Masawat Kaga', ulun ondo' siminindung Riso Ondo' Maayo Kaga' Kuasa',

AMSAL 18:10

Tuhan koson ra manara ondo' mapiot; ra giu' no ulun mabanis guang makitaak ra panindungan.

JISAYA 4:5

Giu' boo ra rasawat ru Bulur Sion am ngaangai' ulun ondo' timinimung ra giu', Tuhan mampatuun ra gaun bulintok matawang am lisun am niayuk apui ondo' masimbula' bulintok molondom. Katulayan ri Aki Kapuuno' manindung am mangampin ra libung ru bandar no.

JISAYA 8:14

Sabap ra matulai Aku kaga', masauk Aku koson ra batu kasaruan, am niayuk landak ra ulun ru Jiuda am Israil, am niayuk namagun ru Jirusalim.

JIRIMIA 26:11

Imam-imam am nabi-nabi minindagu ra tingganai-tingganai am ra mamagun, “Ulun ragitio sotopot no ukumin ra matoi sabap ra minindagu io ra ondo' manggal ra bandar takau. Akau galama' nokorongog noyo.”

JIRIMIA 26:7

Imam-imam, nabi-nabi am ngaangai' ru mamagun mokorongog ra ngaangai' ondo' raguon Kuno giu' ra Baloi ru Tuhan.

JIRIMIA 29:11

Aku galama' nakapandai ra inatangan Kutu koson ramuyun. Inatangan no sala' ka koson mantilubat ramuyun, kaa' koson ra kaansayan min am koson manaak ra orou tauli ondo' lalansanin min.

JIRIMIA 29:7

Pangandoi no koson ra kalangkayaan ru bandar intok namatiran Kuno ramuyun. Pakiasi' kano Raki' koson ra kaatangan ru bandar raginio, sabap amon ru bandar no langkaya', akau pana langkaya'.

JIRIMIA 30:11

Matong Aku am mamayag ramuyun. Pusoon Ku ngaangai' bansa' intok nampatutuliaran Kuno ramuyun, kaa' akau kalo pusoon Ku. Akau kalo palabuson Ku intor ra ukuman, kaa' matimpok Aku paat mangukum ramuyun. Aku, Tuhan, nakaindagu noyo.”

JIRIMIA 31:10

Indagu Tuhan, “Rongog kano bansa' kau ngaangai'! Potonowo' noyo tanou Kuno ra sandaup ru raat Ulun Kuno ondo' pinantutuliar Kuno timungon Ku am alungin Ku koson ra magagalung mantamung ra domba nano.

JIRIMIA 42:11

Pai' boo kalaa' ra raja' ru Babilonia. Mabaya' Aku ramuyun, am palabuson Takamin intor ra kuasa' nano.

YEHEZKIEL 20:23

Ginio ra binantu' Ku poyo giu' ra tana' kaagisan no. Nagibot Aku ra mampatutuliar Aku risilo ra titikop ru tana' ti.

IMAMAT 26:44

Kabalu' pana kon raginio, paat ra ilo soroi ra pagun ru pantula', kalo mangiruan Aku kapoam mapalunsai risilo ra malingon. Amon ru baalon Ku ginio, timbalos ru ginio mamutat ra nabantuan Kuno risilo, am Aku ti tupo Tuhan i Aki Kapuuno' nilo.

JAKARIA 2:6

Indagu Tuhan ra ulun Nano, “Pinantutuliar Takamin noyo giu' ra ngaangai' intok. Kaa' raino, akau ulun pinatiran, pagiru' kano intor ra Babilonia am saguli' kano ra Jirusalim.

SAGULION 4:27

Mapatuliar Tuhan ramuyun ra popolos ru bansa'-bansa' ra bokon, am sanganu ayuk ra gino ngai' min maayag.