YEHEZKIEL 11:12 - Tanou Moonsoi Timugon

¹² Makapandai kau boo ra Aku noyo Tuhan, am gumagaya' ra ukum ru pagun-pagun ra paginggaar, inanggal min ukum Kuno am nangimpai ra susuban Kuno.”

YEHEZKIEL 11:12 ပူးပေါင်းရင်းမြစ်များ

1 RAJA'-RAJA' 11:33

Baalon Ku baal raginio sabap ri Salomo nangimpai Raki' am siminamba ra dewa-dewa: Asyitorit, dewi ru ulun ru Sidon; Kamos, dewa ru ulun ru Moab; am Molok, dewa ru ulun ru Amon. Kalo gumagaya' i Salomo Raki'. Kalo nogondo' io koson ra ama' nali i Daut ondo' gumagaya' Raki' am nanugut ra susuban Kuno.

2 RAJA'-RAJA' 16:3

Minaya' io ra binaal ru raja'-raja' ru Israil, am poyo nampataak io ra anak nano galama' koson ra taak simbalui ra dewa-dewa. Minaya' io ra kaindalaman ru mamagun ru pagun ondo' pinagiru' ru Tuhan paat ra ulun ru Israil siminubol ra pagun raginio.

2 RAJA'-RAJA' 18:12

Samaria naratu' sabap ra ulun ru Israil kalo giminagaya' ra Tuhan, i Aki Kapuuno' nilo. Liminungkang ilo ra nabantuan ondo' binaal ru Tuhan risilo, am inanggal nilo ngaangai' ukum ondo' tinaakan ri Musa, ulipon ru Tuhan. Marara' ilo rumongog kapoam gumagaya'.

2 RAJA'-RAJA' 21:2

Makatula Raja' Manasi ra Tuhan. Minaya' io nambaal ra baal malaat ondo' binaal ru bansa'-bansa' ondo' pinagiru' ru Tuhan paat ra ulun Nano namagun ra pagun no.

2 RAJA'-RAJA' 21:22

Raja' Amon nangiruan ra Tuhan, i Aki Kapuuno' ru kinamatuaan nali. Kalo giminagaya' io ra susuban ru Tuhan.

2 RAJA'-RAJA' 21:9

Kaa' ulun ru Jiuda kalo giminagaya' ra Tuhan. Raja' Manasi nangkinibit risilo makatula ra maayo poyo intor ra tula ru bansa'-bansa' ondo' pinagiru' ru Tuhan paat ra ulun Nano siminubol ra pagun no.

2 TUNUNG RU BANSA' ISRAIL 13:9

Pinagiru' min imam-imam ru Tuhan, iono imam-imam papag ri Arun am pinagiru' min niayuk ulun ru Liwi. Koson ra palit nilo, linantik min imam sumugut ra kaindalaman ru bansa'-bansa' ra bokon. Osoi ayuk ondo' matong ra sanginan sapi' gawayan kapoam tulu' ngainan domba, malantik masauk ra imam koson rorondo' ondo' sala' ka i Aki Kapuuno'.

2 TUNUNG RU BANSA' ISRAIL 28:3

Nonolob io ra kaminyan giu' ra Limayak Ginom, am poyo nampataak ra anak-anak ungkuyon nano galama' koson ra taak simbalui ondo' solobon ra sinungkalalaing. Minaya' io ra binaal malaat ru bansa' ondo' pinagiru' ru Tuhan paat ra ulun ru Israil siminubol ra pagun no.

2 TUNUNG RU BANSA' ISRAIL 36:14

Suai intor raginio, tingganai-tingganai ru Jiuda, imam-imam am mamagun minaya' ra ralan kaayagan ru bansa'-bansa' ra naginggaar ondo' makatula. Sinamba nilo sinungkalalaing am nampajamol ra Baloi ru Tuhan, ondo' timpokon ayuk ru Tuhan galama' ra inan Nano.

IJRA 9:7

Intor ra bulintok ru kinamatuaan maili saboi raino, akai ulun Muno makatula noyo Rirun. Kinibit ru tula mai no, raja'-raja' am imam-imam mai rinakop ru raja'-raja' bansa' ra bokon. Akai pinatoi, tinakawan am inibit sinauk ra ulun rinakop ra pagun ra bokon. Inasaban akai toojo, saboi orou raiti'.

NIGIMIA 9:33

Timbalos Muno matimpok koson mangukum ramon ondo' najamaran; Gumagaya' Kou, kabalu' pana makatula akai.

NIGIMIA 9:34

Kinamatuaan mai, raja'-raja', imam-imam am tingganai-tingganai mai, kalo gumagaya' ra Taurat Muno. Kalo nampalio ilo ra susuban am pampakaraan Muno.

MAZMUR 78:10

Kalo sinugut nilo nabantuan nilo ri Aki Kapuuno'; marara' ilo gumagaya' ra ukum Nano.

JIRIMIA 10:2

Indagu Io, “Pai' baya' ra kaindalaman ru bansa'-bansa' ra bokon; pai' ponontol magilong ra tatandu'-tatandu' ondo' makaimuag giu' ra limbowon, kabalu' pana malaa' bansa'-bansa' ra bokon.

JIRIMIA 6:16

Indagu Tuhan ra ulun Nano, “Bigor kano giu' ra lilisangon ru ralan am ilai' noyo toojo! Kuati' noyo ralan-ralan ra galing i, am ati kia ra ralan ondo' moonsoi kaga'. Mopongo raginio baya' no ra ralan raginio, okou pana maayag am moonsoi.” Kaa' konilo, “Kalo, marara' akai maya' ra ralan no!”

YEHEZKIEL 11:21

Kaa' mangukum Aku ra ulun ondo' masaga' sumamba ra sinungkalalaing ondo' malaat am makauyuyu'. Mangukum Aku risilo sabap ra binaal nilono.” Koon raginio noyo ragu ru Tuhan Raja'.

YEHEZKIEL 18:8

Kalo makitaak io ra bunga' paat mampaira' ra ruit. Kalo masaga' io mambaal ra malaat am mamatas io ra matimpok ralalom ru moonong pansangaran.

YEHEZKIEL 18:9

Sumugut io ra susuban Kuno am gumagaya' ra ukum Kuno. Ulun koson raginio moonsoi am maayag.” Ginio noyo ragu ru Tuhan Raja'.

YEHEZKIEL 20:16

Binaal Ku ginio sabap nangimpai ilo ra susuban Kuno, minanggal ra ukum Kuno am nampajamol ra orou Sabat. Masaga' ilo poyo sumamba ra sinungkalalaing nilo.

YEHEZKIEL 20:21

“Kaa' ilo ondo' mangamulok pana minanggal Raki'. Inanggal nilo susuban Kuno am nangimpai ra susuban Kuno ondo' nangani' ra kaayagan ra osoi ayuk ondo' gumagaya' raginio. Jinamalan nilo orou Sabat. Nakatampos Aku noyo koson mompoloso risilo makaliman ra ngaangai' kinoporos ru sangit Kuno giu' ra tana' kaagisan no am masaga' Aku mamatoi risilo ngaangai'.

YEHEZKIEL 20:24

Binaal Ku ginio sabap ra nangimpai ilo ra susuban Kuno, minanggal ra ukum Kuno, nampajamol ra orou Sabat am siminamba ra sinungkalalaing ondo' sambaan ru kinamatuaan nilo.

YEHEZKIEL 5:6

Kaa' Jirusalim giminuor ra susuban Kuno, am nasingkual ra malaat poyo intor ra bansa'-bansa' ra bokon, mulu' poyo kalo gumagaya' intor ra pagun-pagun ra libung nano. Minanggal Jirusalim ra susuban Kuno am kalo gumagaya' ra ukum Kuno.

YEHEZKIEL 8:10

Aku pana siminubol am nagilong. Rinding ra giu' no linukisan ra ngaangai' salinut ru bibiag mamuntana' am bibiag majamol ra bokon, am niayuk gambar ru sinungkalalaing ondo' sambaan ru ulun ru Israil.

YEHEZKIEL 8:14

Io pana nagibit boo raki' giu' ra kulobon garabang ralayo ra Baloi ru Tuhan. Giu' no pinakito No aku ra ruandu'-ruandu' tatanga' mantangi' ra pinatayan ru Dewa Tamus.

YEHEZKIEL 8:16

Ginio ra ibito' No aku ra liliut ralalom giu' ra Baloi ru Tuhan. Giu' no, mamaar ra kulobon subalan mongoi ra intok matulai, lolot ru altar am langgar, mokoondo' olo'-olo' ruo ngoopor am limo ngaulun ungkuyon. Tinalikuran nilo intok matulai no am kiminuku' ra tampilon sirangon koson sumamba ra mato ru orou ondo' sumirang.

DANIL 9:10

Kalo mangkirongog akai Rirun, iou Tuhan, i Aki Kapuuno' mai, paat ra Okou nanusub ramon maayag sumugut ra ukum ondo' tinaakan Muno ramon ondo' pinabala' galing ra nabi-nabi, ulipon-ulipon Muno.

IMAMAT 18:3

Pai' tiluo' binaal ru ulun giu' ra Misir, pagun inayanan min ragili, am pai' tiluo' binaal ru ulun giu' ra Kanaan, intok pagibitan Kuno ramuyun.

IMAMAT 26:40

“Kaa' papag mino mangiou ra tula nilono am tula ru kinamatuaan nilono ondo' minanggal Raki' am giminuor Raki',