YEHEZKIEL 10:9 - Tanou Moonsoi Timugon

^9-10 Nakito ku niayuk giu' ra sapapa' ru moonong kirub no mokoondo' rondo' luda'. Kaapat-apat ru luda' no nogondo' am manguliat koson ra batu intan. Moonong luda' mokoondo' rondo' poyo luda' ondo' natiampal giu' ra tatanga' no.

YEHEZKIEL 10:9 ပူးပေါင်းရင်းမြစ်များ

1 RAJA'-RAJA' 7:30

Moonong kurita' pedati no mokoondo' apat luda' tambaga' am pampaguut ra luda' no intor ra tambaga' niayuk. Ginio ra kaapat-apat pisuk ru kurita' pedati no mokoondo' ra sungka' tambaga' koson manungka' ra rondo' bisin. Sungka' no binungaan ra ukiran pinaujak busak ra pinangkikiting.

YEHEZKIEL 10:8

Nakito ku moonong ra kirub no mokoondo' rondo' ondo' koson ra kalindu' ru ulun giu' ra ragana' ru moonong kawo nano.

DANIL 10:6

Inan nano kukuliat koson ra intan; bulos nano mapaang koson ra paang ru ganit, am mato nano bibilak koson ra apui. Kalindu' am kalayam nano manguliat koson ra tambaga' ondo' bagu inisasan, am bolos nano koson ra ngonsol ru ulun masuang.

PINAINTALANG 21:20

Kalimo batu oniks, koonom batu dalima', katulu' batu ratna sampaka', kabalu' batu biril, kasiam batu topaj, koopor batu kalsidoni, koopor am rondo' batu pirus am koopor am ruo batu kasubung.