YEHEZKIEL 10:5 - Tanou Moonsoi Timugon

⁵ Bolos ru kawo ru kirub-kirub no morongog saboi ra liliut ra liwar. Bolos no koson ra bolos ri Aki Kapuuno' Ondo' Maayo Kaga' Kuasa'.

YEHEZKIEL 10:5 ပူးပေါင်းရင်းမြစ်များ

1 RAJA'-RAJA' 7:9

Ngaangai' bangunan no, nakaaya' liliut no ondo' maayo, intor ra lugu' maatang saboi ra pinuusan, binaal intor ra batu ondo' moonsoi. Batu-batu no tinampos giu' ra kuari am pinutul maya' ra tuku' ondo' inaru'; tampilon ra ralalom am tampilon ra liwar binanis ra garagaji'.

2 TUNUNG RU BANSA' ISRAIL 4:9

Nambaal ilo rondo' liliut giu' ra tampilon ralalom tayar ru imam-imam, am rondo' tampilon ra liwar. Angob ra kulobon-kulobon no lolot ru ruo liliut no inangkupan ra gangsa'.

AYUP 40:9

Maikang kou kia koson Raki'? Maalap kia bolos muno maningkalur koson ra kinapuor ru bolos Kuno?

MAZMUR 68:33

Rimbayi' min noyo i Aki Kapuuno', akau ngaangai' karajaan ru tana' ti, parimbai kano ra rimbai mongompor ra Tuhan,

MAZMUR 77:17

Timug ru raat no monontol magilong Rirun, iou Aki Kapuuno', lonor ru raat pana maya' ponontol.

KAINGKUALAN 19:16

Paat ra orou ra katalu, ra iosusuab, makatimpalak am makaganit ra rasawat ru gunung. Makito gaun makapal ra giu' no, am maining bolos ru bujung ondo' mosongou kaga'. Moonong ulun ra pangkiman no nonontol ra malaa'.

KAINGKUALAN 19:19

Bolos ru bujung sumongou poyo. Mindagu i Musa ri Aki Kapuuno' am tumaam Io ra tingkalur.

JISAYA 6:8

Kopongo raginio mangkirongog aku ra Tuhan mindagu, “Osoi kia susubon Kutu? Osoi kia masauk ra ulun susubon takau?” Taam aku, “Giti aku, Susubo' aku no!”

YEHEZKIEL 1:24

Paat ra ilo ondo' maayag no mansiab, morongog ku bolos ru kawo mangulutub. Bolos no koson ra bolos ru bosoi, koson ra kurapak ru tumpang ru pulalai ru saujor ondo' maayo, am koson ra bolos ri Aki Kapuuno' Ondo' Maayo Kaga' Kuasa'. Ilo ondo' maayag no nangukum ra kawo paat muog mansiab,

YEHEZKIEL 10:6

Paat Tuhan manusub ra ulun ondo' nambayang ra linon no mangalap ra apui intor ra ragana' ru luda'-luda' ondo' ragana' ru kirub-kirub no, subol io am bigor giu' ra kiing ru rondo' ra luda'-luda' no.

YEHEZKIEL 40:17

Nagibit ungkuyon no raki' nansail ra kulobon garabang minongoi ra liliut ra Baloi ru Tuhan. Giu' ra igig ru timbok ra liwar giu' ra liput ra Baloi ru Tuhan no binaal talu ngoopor ngalamin. Giu' ra saang ru lamin-lamin no mokoondo' intok inanian ra batu,

YEHEZKIEL 46:21

Kopongo raginio nagibit io raki' mongoi ra liliut ra liwar, am nampakito io raki' ra giu' ra moonong pisuk mokoondo' poyo liliut ondo' boborok: gawar no 20 ngamito am pila' no 15 ngamito.