YEHEZKIEL 10:19 - Tanou Moonsoi Timugon

¹⁹ Kirub-kirub no mampabilar ra kawo am mansiab intor ra tana' liliwa' aku magilong, am luda'-luda' no pana maya'. Kirub-kirub no minuog sangkinolor giu' ra kulobon garabang sirangon ra Baloi ru Tuhan, am sinda ondo' manguliat no soroi ayuk ra rasawat ru kirub-kirub no.

YEHEZKIEL 10:19 ပူးပေါင်းရင်းမြစ်များ

YEHEZKIEL 10:1

Magilong aku ra bakuran ondo' soroi giu' ra tampak ru ulu ru kirub-kirub no am nakito rondo' koson ra kurisi' turungan ondo' binaal intor ra batu nilam.

YEHEZKIEL 11:1

Ambiluo ri Aki Kapuuno' nangkayang raki' am nagibit raki' ra kulobon garabang sirangon ra Baloi ru Tuhan. Giu' no nakakito aku ra ruo ngoopor am limo ngaulun ungkuyon nakaaya' i Jaajanya anak ri Ajur am i Pilatia anak ri Binaya, ruo ngaulun tingganai ru bansa'.

YEHEZKIEL 43:1

Nagibit ungkuyon no raki' ra kulobon garabang ondo' tumingkuang tampilon ra sirangon.

YEHEZKIEL 43:2

Giu' no nakakito aku ra sinda manguliat minatong intor ra sirangon, ondo' tatandu' ratangan ri Aki Kapuuno' ru Israil. Bolos ri Aki Kapuuno' matangil koson ra ngoos ru kinulun ru raat, am tana' ti matawang sabap ra sinda ru ratangan ri Aki Kapuuno'.

YEHEZKIEL 43:4

Sinda ondo' kukuliat no mugar mansail ra kulobon garabang sirangon am sumubol ra ralalom Baloi ru Tuhan.

YEHEZKIEL 8:16

Ginio ra ibito' No aku ra liliut ralalom giu' ra Baloi ru Tuhan. Giu' no, mamaar ra kulobon subalan mongoi ra intok matulai, lolot ru altar am langgar, mokoondo' olo'-olo' ruo ngoopor am limo ngaulun ungkuyon. Tinalikuran nilo intok matulai no am kiminuku' ra tampilon sirangon koson sumamba ra mato ru orou ondo' sumirang.