YEHEZKIEL 1:28 - Tanou Moonsoi Timugon

²⁸ ra batik-batik ru bulintung. Sinda manguliat no nanulu' ra ratangan ru Tuhan.

YEHEZKIEL 1:28 ပူးပေါင်းရင်းမြစ်များ

KASAUKAN 17:3

Igulatur i Abram am indagu boo i Aki Kapuuno',

KAINGKUALAN 16:10

Tatanga' i Arun mindagu risilo ngaangai', ponontong ilo tampilon ra tana' kaagisan, am pulusat ru sinda katulayan ru Tuhan makito ralalom ru gaun.

KAINGKUALAN 16:7

Tampilon ra susuab ti makakito kau ra sinda ru katulayan ru Tuhan. Naining No noyo butok min Riso; iou, Riso, sabap ra mapaugar akai ayuk ra susuban Nano.”

KAINGKUALAN 24:16

Sinda karatangan ru Tuhan timinuun ra rasawat ru gunung no. Nakito ginio ru ulun ru Israil koson ra apui manimbula' ra tampak ru gunung no. Natauban ru gaun gunung no buoi kaanaman. Paat ra orou ra katulu', intor ra gaun no pampiau Tuhan ri Musa.

YEHEZKIEL 10:4

Sinda manguliat, ondo' tatandu' ratangan ru Tuhan mininsawat intor ra kirub-kirub no am mininsir mongoi ra kulobon subalan ra Baloi ru Tuhan. Kopongo raginio gaun nakatikop ra Baloi ru Tuhan, am liliut no nasauk ra matawang kaga'.

YEHEZKIEL 3:23

Ginio ra minongoi aku ra limayak am giu' no makakito aku ra katulayan ru Tuhan koson ondo' nakito kuno giu' ra kiing ru Sungoi Kibar. Naratu' aku pakakubu ra tana',

YEHEZKIEL 43:2

Giu' no nakakito aku ra sinda manguliat minatong intor ra sirangon, ondo' tatandu' ratangan ri Aki Kapuuno' ru Israil. Bolos ri Aki Kapuuno' matangil koson ra ngoos ru kinulun ru raat, am tana' ti matawang sabap ra sinda ru ratangan ri Aki Kapuuno'.

YEHEZKIEL 44:4

Ungkuyon no nagibit boo raki' ra saang Baloi ru Tuhan mansail ra kulobon garabang ralayo. Makakito Aku ra Baloi ru Tuhan liniputan ru sinda manguliat ondo' tatandu' ratangan ru Tuhan. Igulatur aku polos ra tana',

YEHEZKIEL 8:4

Giu' no nakakito aku ra sinda ondo' manguliat, ondo' tatandu' ratangan ri Aki Kapuuno' ru Israil, koson ra ondo' nakito ku paat ra aku soroi giu' ra kiing ru Sungoi Kibar.

DANIL 8:17

Mininggaar i Gabriil raki' am bigor ra sapapa' kuni. Malaa' aku kaga' saboi liminaub aku. Kon ri Gabriil raki', “Okou ulun mapandai matoi, aratio' noyo arati' nano. Pinaintalang no intor ra orou pupus no.”

IMAMAT 9:24

Pulali' ru Tuhan papatuun ra apui, am nonolob ra ngaangai' taak simbalui koson mapabansuk ra guang ru Tuhan, am niayuk tayar ra mokolomok ondo' soroi giu' ra rasawat ru altar. Pakakito ulun ru Israil raginio, panganggak ilo am igulatur samba ra Tuhan.

RINALATAN 9:4

Pakalaub io ra tana' am korongog no bolos minindagu riso, “Saulus, Saulus! Kua kia imboloo' mu Aku?”

ROMA 9:4

Ilo no ulun ru Israil ondo' pinili' ri Aki Kapuuno'. Piniau ilo noyo ri Aki Kapuuno' ra anak Nano galama', am pinakito No ilo ra katulayan Nano. Binantuan No ilo am inanian No ilo ra Ukum ri Musa. Tinuluan No ilo ra sambayang ondo' motopot am naapu nilo ondo' binantu' Nali.

1 KORINTUS 13:12

Atan ondo' kapandayan takau raino am koson ra asilan ru saramin ondo' kalo makito toojo. Kaa' tauli no makakito takau toojo. Raino ti kalo mapandayan ku ngaangai', kaa' tauli no mapandayan ku boo ngaangai', mogondo' ri Aki Kapuuno' ondo' makapandai ra ngaangai' baal ru kaayagan kuno.

PINAINTALANG 10:1

Kakito ku boo rondo' poyo malaikat maikang tumuun intor ra suruga'. Kinulumput io ru gaun no am liminiput bulintung no ra ulu nano. Bulos nano makabinusasal koson ra mato ru orou am kalayam nano koson ra sinimbula' ru apui.

PINAINTALANG 4:3

Bulos Nano makabinusasal koson ra batu baiduri masasansam am koson ra batu dalima'. Am takhta no liniputan ru rondo' bulintung makabatik-batik masansam koson ra batu jamrud.

TINGGANAI RU BANSA' 13:20

Tatanga' simbula' ru apui minsawat intor ra altar no, nakito ri Manoa am andu' nano malaikat ru Tuhan sumaboi ra limbowon ralalom simbula' ru apui no. Bagu no nakaliman i Manoa ra ondo' nakito nano iono malaikat ru Tuhan. Io am andu' nano pana kiminubu samba. Kalo boo igondo' ilo pakakito ra malaikat no.