YEHEZKIEL 1:26 - Tanou Moonsoi Timugon

²⁶ Giu' ra tampak ru bakuran no poyo mokoondo' rondo' ondo' maimpal koson ra kurisi' turungan ondo' binaal intor ra batu nilam. Rondo' ondo' koson ra ulun manturung giu' ra rasawat ru kurisi' turungan no.

YEHEZKIEL 1:26 ပူးပေါင်းရင်းမြစ်များ

1 RAJA'-RAJA' 22:19

Kon poyo ri Mika, “Rongogo' ragu ru Tuhan! Nakito ku Tuhan manturung ra kurisi' Nano giu' ra suruga', am ngaangai' ru malaikat Nano minigor ra liput Nano.

MAZMUR 45:6

Panah muno ondo' malarom marampus ra pusu' ru pantula'; ngaangai' bansa' maaba' ra kalayam muno.

KAINGKUALAN 24:10

am kakito nilo i Aki Kapuuno' ru Israil. Minigor Io ra rasawat ru rondo' koson ra sulig intor ra batu nilam, ondo' motomou koson ra limbowon matawang.

JISAYA 54:11

Mindagu Tuhan, “Okou Jirusalim, bandar ondo' majamaran, kolondo' lulu' muno am kolondo' mangansuk. Lonor-lonor muno pabantaan Ku saguli', ra batu-batu mokologo.

JISAYA 6:1

Paat ra bilor pinatayan ru Raja' Ujia, nakito ku Tuhan. Nanturung Io ra panturungan Nano ondo' masawat am matulai. Pompor ru sukub Nano nakalimpot pakataub ra Baloi ru Tuhan.

YEHEZKIEL 1:22

Giu' ra tampak ru ulu nilo ondo' maayag no, mokoondo' rondo' ondo' baal no koson ra bakuran ondo' binaal intor ra kristal ondo' kukuliat.

YEHEZKIEL 1:5

Giu' ra tatanga' ru bagiu' mapuor kaga' no nakito ku niayuk apat kirub, iono ondo' maayag natilu ra ulun,

YEHEZKIEL 10:1

Magilong aku ra bakuran ondo' soroi giu' ra tampak ru ulu ru kirub-kirub no am nakito rondo' koson ra kurisi' turungan ondo' binaal intor ra batu nilam.

YEHEZKIEL 43:6

Bigor ungkuyon no ra sapapa' kuno, am nokorongog aku ra Tuhan mindagu raki' intor ra ralalom Baloi ru Tuhan,

YEHEZKIEL 43:7

“Okou ulun mapandai matoi, gitio noyo kurisi' turungan Kuno. Mayan Aku ragiti, tatanga' ru ulun ru Israil, am mamarinta Aku risilo ra sabubuoi no. Ulun ru Israil am raja'-raja' nilo kalo boo mampajamol ra inggalan Kuno ondo' matulai am sumamba ra sinungkalalaing, kapoam mompolobong ra baangkai ru raja' nilo ra intok ragitio.

YEHEZKIEL 8:2

Nantingaa' aku am nakakito ra rondo' ondo' natilu ra ulun. Intor ra awak nano am mongoi ra ragana', inan nano koson ra apui bibilak; intor ra awak nano am mongoi ra rasawat, mapaang io koson ra gangsa' inisasan.

DANIL 10:18

Igondo' poyo io nangambong raki' am malimanan ku maikang poyo.

DANIL 7:14

Inanian io ra urumat am kuasa' koson ra raja', saboi ulun-ulun intor ra ngaangai' bansa', bansa' boborok am ragu mangandoi ayuk riso. Kuasa' nano mantilayun, am pamarintaan nano kolondo' pupus.

JAKARIA 6:13

Io noyo ondo' mambaal ra Baloi Kuno am mangapu ra urumat ondo' aniin ru raja', am mamarinta io ra mamagun nano. Sangulun imam mamaya' riso am maguyu mangandoi ra moonsoi.’

MATIUS 25:13

Pupusi' boo ri Jisus abig ragitio ra; “Kaa' akau, ilalai', sabap ra kalo napandayan min orou kapoam paat ratangan ru Anak ru Ulun no!”

MATIUS 28:18

Inggaar i Jisus risilo am indagu, “Ngaangai' kuasa' ra suruga' am ra tana' ti pinataak noyo Raki'.

IBRANI 1:8

Kaa' intor ra Anak no mindagu Io koson ragitio, “Takhta Muno, i Aki Kapuuno', mantilayun ra sabuoi-buoi no. Am Okou mamarinta ra ulun Muno mabaya' ra katimpakan.

IBRANI 12:2

Guango' takano toojo i Jisus, sabap ra Io noyo intaran am mampakatanda' ra pangintapatan takau. Tinaanan No ayuk kauyuan paat ra Io sinalip, sabap ra nangkara' Io ayuk ra kaansukan ondo' apuon No ra tauli no. Raino ti manturung Io ra tampilon pamiris ru takhta ri Aki Kapuuno'.

IBRANI 8:1

Puun ru ngaangai' ondo' rinagu ti, ioginio: mokoondo' takau no ra sangulun Tingganai Maayo Imam ondo' manturung ra tampilon pamiris ru takhta ri Aki Kapuuno' Ondo' Masawat Kaga' giu' ra suruga'.

JOSUA 5:13

Paat i Josua soroi maar ra bandar Jiriko, pulali' io nakakito ra sangulun ungkuyon nampaguut ra ilang, minigor ra saang nano. Inggaar i Josua riso am kuati', “Okou ti saujor mai kia kapoam sangulun pantula'?”

1 PITRUS 3:22

am kinayang mongoi ra suruga'. Raino soroi Io ra tampilon pamiris ri Aki Kapuuno' am mamarinta Io ra ngaangai' malaikat, mangunguasa' am ikang ra limbowon.

PINAINTALANG 1:13

Tatanga' no mokoondo' minigor koson ra ulun. Nambayang Io ra sukub maawar polos ra kalayam am kubab Nano inangkupan ra mas.

PINAINTALANG 14:14

Aku pana nagilong am makakito ra gaun mapulak am mokoondo' ondo' nanturung rasawat ru gaun no makito koson ra ulun. Nangkaraun Io ra karaun mas am nampaguut Io ra tantab malarom.

PINAINTALANG 20:11

Kakito ku boo rondo' takhta ondo' maayo am mapulak am Io ondo' nanturung no. Limbowon am tana' maliom ra saang Nano, saboi kalo boo makito saguli'.

PINAINTALANG 3:21

“Osoi ayuk mangala ra kuasa' ru kalaatan, panturungon Ku io ra sapapa' Ku ra takhta Kuno. Gitio mogondo' ra Aku nangala ra kuasa' ru kalaatan am raino pinaturung Aku ra sapapa' ru Ama' Kuno ra takhta Nano.

PINAINTALANG 5:13

Morongog ku boo moonong ilo ondo' maayag ru suruga' no, tana' no, intok ru ulun namagatoi am ralalom ru raat no – ilo ngaangai' marimbai: “Koompor am kaurumat noyo, kuasa' am ikang ra mantilayun, ra Io ondo' manturung ra takhta am ra Anak Domba no!”