YEHEZKIEL 1:24 - Tanou Moonsoi Timugon

²⁴ Paat ra ilo ondo' maayag no mansiab, morongog ku bolos ru kawo mangulutub. Bolos no koson ra bolos ru bosoi, koson ra kurapak ru tumpang ru pulalai ru saujor ondo' maayo, am koson ra bolos ri Aki Kapuuno' Ondo' Maayo Kaga' Kuasa'. Ilo ondo' maayag no nangukum ra kawo paat muog mansiab,

YEHEZKIEL 1:24 ပူးပေါင်းရင်းမြစ်များ

2 RAJA'-RAJA' 7:6

Tuhan noyo nangkinibit ra saujor ru Siria nokorongog ra bolos koson ayuk ra rondo' pulalai ru saujor maayo ondo' minatong pamulunsar risilo ra kuda am kurita' kuda. Indoson ru saujor ru Siria ra raja' ru Israil nagakut ra raja' ru ulun ru Git am raja' ru ulun ru Misir am ngaangai' saujor nilo koson mamulunsar ra saujor ru Siria.

AYUP 37:2

Akau ngaangai' no, rongogo' bolos ri Aki Kapuuno', rongogo' tingkalur ondo' mingkual intor ra kabang Nano.

MAZMUR 18:13

Intor ra ganit ru saang Nano, riminatu' ais am apui, nansabut ra gaun makapal no.

MAZMUR 68:33

Rimbayi' min noyo i Aki Kapuuno', akau ngaangai' karajaan ru tana' ti, parimbai kano ra rimbai mongompor ra Tuhan,

YEHEZKIEL 10:5

Bolos ru kawo ru kirub-kirub no morongog saboi ra liliut ra liwar. Bolos no koson ra bolos ri Aki Kapuuno' Ondo' Maayo Kaga' Kuasa'.

YEHEZKIEL 3:13

Morongog ku bolos ru kawo ondo' pakabulon ru ilo ondo' maayag no, am bolos ru luda'-luda' ondo' mosongou koson ra bolos ru tana' mogonggon.

YEHEZKIEL 43:2

Giu' no nakakito aku ra sinda manguliat minatong intor ra sirangon, ondo' tatandu' ratangan ri Aki Kapuuno' ru Israil. Bolos ri Aki Kapuuno' matangil koson ra ngoos ru kinulun ru raat, am tana' ti matawang sabap ra sinda ru ratangan ri Aki Kapuuno'.

DANIL 10:6

Inan nano kukuliat koson ra intan; bulos nano mapaang koson ra paang ru ganit, am mato nano bibilak koson ra apui. Kalindu' am kalayam nano manguliat koson ra tambaga' ondo' bagu inisasan, am bolos nano koson ra ngonsol ru ulun masuang.

PINAINTALANG 1:15

Kalayam Nano makabinusasal koson ra gangsa' manguliat ra Io luuon am bolos Nano koson ra kinapuor ru bosoi maayo.

PINAINTALANG 19:6

Korongog ku boo koson ra bolos ru ulun masuang; koson ra kinapuor ru bosoi maayo am koson ra timpalak mapuor. Norongog ku ilo minindagu ra, “Koompor noyo i Aki Kapuuno'. Sabap ra Tuhan takau i Aki Kapuuno' Maayo Kaga' Kuasa' no mamarinta.