YEHEZKIEL 1:13 - Tanou Moonsoi Timugon

¹³ Gino ngai' ru ondo' maayag no mokoondo' rondo' ondo' koson ra pilasut ondo' mapaang. Pilasut no masalok minsir. Apui nano mapaang am mingkual ganit.

YEHEZKIEL 1:13 ပူးပေါင်းရင်းမြစ်များ

KASAUKAN 15:17

Pokotolop mato ru orou am molondom noyo, pulali' ru rapuan makabaa ondo' makalisun am pilasut napaangan nansail ra lolot ru tinata' ra kual no.

MAZMUR 104:4

Saukon Mu angin koson ra sususubon Muno, am sinda ru ganit koson ra ulipon Muno.

YEHEZKIEL 1:7

Kalayam ru ondo' maayag no mabanis, mokoondo' ra jajampang koson ra jajampang anak ru sapi' am manguliat koson ra gangsa' ondo' inisasan.

YEHEZKIEL 10:2

Indagu i Aki Kapuuno' ra ulun ondo' nambayang ra linon no, “Ongoi no ra lolot ru luda'-luda' ragana' ru kirub-kirub no am alapo' sogonggom baa ru apui ra kalindu' muno. Patauko' boo baa no giu' ra rasawat ru titikop bandar.” Inilayan ku io minugar.

DANIL 7:9

Liliwa' ra aku magilong, kukula' kurisi' ru raja' pinaatang. Io ondo' maayag ra mantilayun nanturung giu' ra rasawat ru rondo' intor ra kurisi' ru raja' no. Bayang Nano mapulak koson ra salji, am abuk Nano mapulak koson bulu domba. Kurisi' ru raja' Nano mokoondo' ra luda' ondo' bibilak apui no,

MATIUS 28:3

Baal ru malaikat no koson ra ganit am bayang nano mapulak koson ra kanawai.

2 TISALONIKA 1:7

Am poyo mangani' Io ra katasuan ramuyun ondo' raino ti imboloon, mogondo' niayuk ramon. Gitio saukon Nano paat ra Tuhan Jisus mintalang intor ra suruga' mabaya' ra malaikat mangaikang Nano,

PINAINTALANG 10:1

Kakito ku boo rondo' poyo malaikat maikang tumuun intor ra suruga'. Kinulumput io ru gaun no am liminiput bulintung no ra ulu nano. Bulos nano makabinusasal koson ra mato ru orou am kalayam nano koson ra sinimbula' ru apui.

PINAINTALANG 18:1

Kopongo raginio, kakito ku rondo' poyo malaikat ra bokon timinuun intor ra suruga'. Mokoondo' io ra kuasa' ra maayo am katulayan nano siminirang ra tana' ti.

PINAINTALANG 4:5

Intor ra takhta no makabinusasal ru ganit am mokobolos ra tingkalur am timpalak mapuor. Am giu' ra saang no mokoondo' tulu' titiu simininda. Ginio noyo tulu' Ambiluo ri Aki Kapuuno' no.