YEHEZKIEL 1:10 - Tanou Moonsoi Timugon

¹⁰ Moonong ondo' maayag no mokoondo' apat bulos ondo' nansusuai: bulos ru ulun tampilon ra saang, bulos ru singa' tampilon ra pamiris, bulos ru sapi' tampilon ra kait, am bulos ru susuit kanui tampilon ra talikuron.

YEHEZKIEL 1:10 ပူးပေါင်းရင်းမြစ်များ

1 TUNUNG RU BANSA' ISRAIL 12:8

Paat ri Daut soroi giu' ra kubu giu' rasawat ru tana' kaagisan, masuang saujor nauligan kaga' am mangapandai toojo intor ra bansa' ru Gad minatong amung riso. Mapandai ilo kaga' mamakai ra perisai am tutura'; ilain ra baani ilo koson ra singa' am maribok ilo koson ra tambang.

AYUP 39:27

Maginaa kia susuit kanui ra susuban muno koson mambaal ra bunsut nano giu' ra gunung ondo' masawat?

AMSAL 14:4

Amon ru kolondo' sapi' mamparadu' ra lanau, kalukub kolondo' suang; kaa' ra kinaikang ru sapi', kalukub no mososok.

JISAYA 40:31

Kaa' ulun ondo' lumansan ra Tuhan, mokoowot ra kaikangan bagu. Ilo koson ra susuit kanui, ondo' minsawat pansiab ralalom kaikangan ru kawo nano. Masimbul ilo am kalo maagui; mugar ilo am kalo lumami'.

JISAYA 46:8

Karaa' noyo baal ragitio, akau ulun makatula; karaa' noyo nansalinut ondo' binaal Kuno.

YEHEZKIEL 1:6

kaa' moonong ondo' maayag mokoondo' apat bulos am apat kawo.

YEHEZKIEL 10:14

Moonong kirub mokoondo' apat bulos ondo' nansasala': ondo' kasaa' bulos ru sapi', ondo' karuo bulos ru ulun, ondo' katalu bulos ru singa' am ondo' kaapat bulos ru susuit kanui.

YEHEZKIEL 41:19

bulos ru ulun ondo' tumingkuang ra puun palma tampilon ra kait, am bulos ru singa' ondo' tumingkuang ra puun palma tampilon ra pamiris. Inukir no mokoondo' ra ngaangai' rinding,

DANIL 7:4

Kasaa' no baal nano koson ra singa', kaa' mokoondo' ra kawo koson ra kawo ru susuit kanui. Tatanga' aku magilong, kawo nano nautus intor riso. Bibiag no nakayang intor ra tana', am pinabigor ra kalayam nano koson ra ulun, am inanian ra utok ru ulun.

UNTABAN 2:10

Tampilon ra rabugus, ulun ragana' ru bandira' ru pulalai ri Rubin musiti' mangkim maya' ra pulalai nilo, am tingganai ru sigagama': Bansa' Tingganai Suang ru Ulun Rubin Ilijur anak ri Sidiur 46,500 Simion Silumiil anak ri Jurisyadai 59,300 Gad Ilyasap anak ri Riguil 45,650 Suang: 151,450 Pulalai ri Rubin iono pulalai karuo ondo' minugar.

UNTABAN 2:18

Tampilon ra kalasaan, ulun ragana' ru pulalai ri Ipraim musiti' mangkim maya' ra pulalai nilo, am tingganai ru sigagama': Bansa' Tingganai Suang ru Ulun Ipraim Ilisama anak ri Amigud 40,500 Manasi Gamaliil anak ri Pidajur 32,200 Binjamin Abidan anak Gidioni 35,400 Suang: 108,100 Pulalai ri Ipraim iono pulalai katalu ondo' musiti' mugar.

UNTABAN 2:25

Tampilon ra ralayo, ulun ragana' ru bandira' ru pulalai ri Dan musiti' mangkim sumugut ra pulalai nilo, am tingganai ru sigagama': Bansa' Tingganai' Suang ru Ulun Dan Agiijir anak ri Amisyadai 62,700 Asyir Pagiil anak ri Okran 41,500 Naptali Agira anak ri Inan 53,400 Suang: 157,600 Pulalai ri Dan iono pulalai ra pupus ondo' minugar.

UNTABAN 2:3

Tampilon ra sirangon, ulun ragana' ru bandira' ru pulalai ri Jiuda musiti' mangkim sumugut ra pulalai boborok nilo, am tingganai ru sigagama': Bansa' Tingganai Suang ru Ulun Jiuda Nagason anak ri Aminadab 74,600 Isakar Nitaniil anak ri Juar 54,400 Jibulon Iliab anak ri Gilon 57,400 Suang: 186,400 Pulalai ri Jiuda iono pulalai ondo' kasaa' minugar.

LUKAS 15:10

Balain takamin: Koson niayuk ra malaikat ri Aki Kapuuno' maansukan sabap ra sangulun makatula tumalikur intor ra tula nano.”

1 KORINTUS 14:20

Pabukat kau ngaangai', pai' kau pangkara' koson ra lalaing, kaa' musiti' kau makapaliso koson ra ulun nasukor, ondo' ayuk am ralalom baal kalaatan, tilu kano ra lalagang.

SAGULION 28:49

Maparatong Tuhan ra rondo' bansa' intor ra pompor ru tana' koson gumula' ramuyun, bansa' ondo' ragu nano kalo maratian min. Koson ra kanui, manumbit ilo ramuyun.

PINAINTALANG 4:7

Ilo ondo' maayag ra kasaa' no makabulos ru singa'. Karuo no makabulos ru sapi' gawayan. Katalu no makabulos ru ulun. Kaapat no makabulos ru kanui ondo' tatanga' mansiab.

PINAINTALANG 5:5

Indagu boo sangulun intor ra tingganai no raki', “Pai' pantangi'! Ilai' noyo! Singa' intor ra bansa' ru Jiuda, papag maayo ru raja' Daut no, nangala io noyo ra kuasa' ru kalaatan. Mamalungkab Io ra tulu' segel am mamingkal ra naskhah rinulun no.”

TINGGANAI RU BANSA' 14:18

Ginio sabap ra paat orou ra katulu' no niayuk, ra kalo poyo minumpos i Simson ra lamin pambalangan nano, indagu ungkuyon-ungkuyon mamulok ru bandar no riso, “Atan kia ondo' matamis intor ra ruu' maningot? Atan kia ondo' maikang poyo intor ra singa'?” Taam i Simson, “Amon ru kalo linolob min andu' kuno, maaru' kalo poyo makataam kau raginio.”