Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YEHEZKIEL 1:1 - Tanou Moonsoi Timugon

1 Paat orou kalimo ra sila' kaapat ralalom ru bilor katalu ngoopor, aku Imam Yehezkiel anak ri Busi, soroi giu' ra kiing ru Sungoi Kibar ra Babilonia nababaya' ra ulun ru Jaudi ra pinatiran. Bulintok raginio limbowon naukab am nakaalap aku ra rondo' pinaintalang intor ri Aki Kapuuno'. (

အခန်းကိုကြည့်ပါ။ ကော်ပီ




YEHEZKIEL 1:1
39 ပူးပေါင်းရင်းမြစ်များ  

Kopongo raginio, nakakito i Abram ra minintalang am nakaining ra ragu ru Tuhan, “Pai' kalaa' Abram, mangampin Aku rirun intor ra makalalaa' am mangani' rirun ra taak maayo.”


Paat ra iorondom rondo' intalangan riso, indagu i Aki Kapuuno' riso, “Jakub, Jakub!” Taam io, “Iou, Tuhan.”


Ra igig ru sungoi giu' ra Babilonia itakau manturung am mantangi', bulintok ra itakau mangkara' ra Sion.


am kakito nilo i Aki Kapuuno' ru Israil. Minigor Io ra rasawat ru rondo' koson ra sulig intor ra batu nilam, ondo' motomou koson ra limbowon matawang.


Suang ru buuk ragitio napatanou intor ra Jiuda am Jirusalim ondo' pinabala' ri Aki Kapuuno' no ri Jisaya anak ri Amos, bulintok ra Raja' Ujia, Raja' Jotam, Raja' Agas am Raja' Gijkia namarinta ra Jiuda.


Paat ra bilor pinatayan ru Raja' Ujia, nakito ku Tuhan. Nanturung Io ra panturungan Nano ondo' masawat am matulai. Pompor ru sukub Nano nakalimpot pakataub ra Baloi ru Tuhan.


Kamin nanaak Tuhan ramuyun ra nabi-nabi intor ra Babilonia.


Giu' ra pagun Babilonia, giu' ra kiing ru Sungoi Kibar, nokorongog aku ra Tuhan minindagu raki', am nakaliman aku ra kuasa' Nano.


Magilong aku ra bakuran ondo' soroi giu' ra tampak ru ulu ru kirub-kirub no am nakito rondo' koson ra kurisi' turungan ondo' binaal intor ra batu nilam.


Kirub-kirub raginio noyo ondo' nakito ku ragili giu' ra kiing ru Sungoi Kibar. Paat ra kirub-kirub no rumasawat


Nakaulig aku ra ngaangai' kirub no koson ra kirub-kirub ondo' soroi ra ragana' ri Aki Kapuuno' ru Israil, ondo' nakito ku giu' ra tobo ru Sungoi Kibar.


Bulos ru kirub-kirub no natilu ra bulos ondo' nakito ku giu' ra kiing ru Sungoi Kibar. Moonong Kirub mugar mabanis mongoi ra saang.


Ralalom ru pinaintalang no, nangkayang Ambiluo ri Aki Kapuuno' raki' am nagibit raki' saguli' ra intok ru ulun pinatiran giu' ra Babilonia. Pinaintalang no pana liminiot boo,


Pakasaboi aku boo giu' ra Til-Abib giu' ra kiing ru Sungoi Kibar, intok inayanan ru ulun pinatiran. Buoi tulu' ngoorou aku minayan ra giu' no, am nakasioro' sabap ra ngaangai' ondo' nakito ku noyo am norongog ku noyo.


Ginio ra minongoi aku ra limayak am giu' no makakito aku ra katulayan ru Tuhan koson ondo' nakito kuno giu' ra kiing ru Sungoi Kibar. Naratu' aku pakakubu ra tana',


Ralalom ru rondo' pinaintalang, nagibit i Aki Kapuuno' raki' ra pagun ru Israil am napaayan raki' ra rasawat ru gunung ondo' masawat. Giu' ra saang kuno, makito baloi-baloi masawat ondo' natilu ra rondo' bandar.


Pinaintalang ragitio nogondo' koson ondo' nakito ku paat i Aki Kapuuno' namuso ra Jirusalim, am koson ondo' nakito ku giu' ra kiing ru Sungoi Kibar. Aku pana igulatur boo nokopolos ra tana'.


Pinatutui No rondo' ondo' natilu ra kalindu' am takupo' abuk kuno. Ralalom ru pinaintalang no Ambiluo ri Aki Kapuuno' nangkayang raki' ra masawat am nagibit raki' ra Baloi ru Tuhan giu' ra Jirusalim, giu' ra kulobon subalan giu' ra liliut ra ralalom ondo' tampilon ra ralayo. Giu' no soroi sinungkalalaing ondo' napasingkual ra sangit ri Aki Kapuuno'.


Aku noyo Tuhan, i Aki Kapuuno' min ondo' naningganai ramuyun miningkual intor ra Misir; pinaayan Ku poyo akau ra kim koson ragili, paat ra Aku minatong ramuyun giu' ra tana' kaagisan.


“Kopongo raginio pasasaron Ku Ambiluo Kuno ra ngaangai' ulun: anak ungkuyon am anak ruandu' min mampatanou ra tanou Kuno; ulun matutuo min maginupi, am ulun mamulok min makakito ra napakitanan.


indagu boo Tuhan, “Iningo' ragu Kutu. Paat ra mokoondo' nabi-nabi ra gino ngai' mino, minintalang Aku risilo am minindagu Aku risilo ralalom ru inupi.


am maa' raginio maparijisto ra ngaangai' ungkuyon intor ra 30 am 50 ngambilor, ondo' maaya' mangandoi giu' ra Kim ru Tuhan.


Paat ra ilo nambusul intor ra gunung no, panusub i Jisus risilo; “Pai' min tunungo' ra osoi ayuk pana ondo' nakito mini, suku' Anak ru Ulun bayagon saguli' intor ra kapatayan.”


Kariu' i Jisus, asak Io intor ra sungoi no. Paat ragili kaukab limbowon am kakito ri Jisus Ambiluo ri Aki Kapuuno' timinuun Riso koson ra susuit asang.


Paat ra Io minasak intor ra sungoi i, makito No ra limbowon pabulowo am Ambiluo ri Aki Kapuuno' timinuun Riso koson ra susuit asang.


Kakai' ngaangai' ulun riniu', i Jisus pana riniu'. Paat ra Io nakiasi', naukab limbowon


I Jisus nanalimpuun ra kandoi Nano ra Io talu ngoopor ngambilor. Sumugut ra tunung ru ulun, anak Io ri Jusup. I Jusup anak ri Ili.


Indagu poyo i Jisus risilo, “Balain takamin toojo, makito min suruga' pabulowo am malaikat-malaikat ri Aki Kapuuno' magaloi am tumuun mongoi ra Anak ru Ulun.”


Nakito no koson naukab limbowon am sampila' konoon mapila' pinatuun ra tana' ondo' nakatair ra kaapat-apat pisuk nano.


Paat ra sangarawan, olo'-olo' jam katalu ra mai', ralalom rondo' pagilangan nakakito io tojojo sangulun malaikat ru Tuhan minatong riso am minindagu, “Konilius!”


Indagu io, “Ilai', nakito ku suruga' no naukab am Anak ru Ulun minigor ra tampilon pamiris ri Aki Kapuuno'!”


Kabalu' pana gitio kolondo' onong, kaa' lumimbau aku niayuk koson masaga' aku mambala' ra papaintalangan am papakitanan ondo' pinakito raki' ru Tuhan.


Kakito ku boo suruga' no naukab am mokoondo' sanginan kuda mapulak. Ondo' nangura' no ininggalanan i Mampagagaya' am i Motopot. Matimpok Io ra mangukum am mangayou ra bokon.


Kopongo raginio, pakitono' aku poyo. Ilai' ku naukab rondo' kulobon giu' ra suruga' no. Am naining ku bolos koson ra bujung, ondo' minindagu raki' ra talimpuun i, kono, “Pagaloi. Tuluin tokou atan ondo' inaru' masauk malupus ragitio.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ