UNTABAN 9:5 - Tanou Moonsoi Timugon

⁵ Mangiantak ilo raginio paat ra orou koopor am apat sila' kasaa', paat ra palunggai' giu' ra Tana' kaagisan Sinai. Nambaal ilo ra ngaangai' topot koson ra susuban ru Tuhan ri Musa.

UNTABAN 9:5 ပူးပေါင်းရင်းမြစ်များ

KASAUKAN 6:22

Binaal ngaangai' ri Nuu ondo' nanusuban ri Aki Kapuuno' riso.

KASAUKAN 7:5

I Nuu pana nambaal ra ngaangai' ondo' nanusuban ru Tuhan riso.

KAINGKUALAN 12:50

Ngaangai' ulun ru Israil gumagaya' ra kaulayan no am mambaal ra atan ondo' nanusuban ru Tuhan ri Musa am i Arun.

KAINGKUALAN 39:32

Ngaangai' kandoi mambaal ra Kim ru Tuhan nopongo noyo. Binaal ngaangai' no ru ulun ru Israil koson ra nanusuban ru Tuhan ri Musa.

KAINGKUALAN 39:42

Nopongo ru ulun ru Israil ngaangai' kandoi koson ra nanusuban ru Tuhan ri Musa.

UNTABAN 1:54

Ulun ru Israil pana nambaal ra ngaangai' nanusuban ru Tuhan ri Musa.

UNTABAN 29:40

Ngaangai' susuban ru Tuhan ri Musa no pinasaboi no ra ulun ru Israil.

UNTABAN 8:20

Ginio ra i Musa, i Arun am ngaangai' ulun ru Israil patimpokon ra ulun ru Liwi ra Tuhan, sumugut ra susuban ru Tuhan ri Musa.

UNTABAN 9:4

Nanusub boo i Musa ra ulun ru Israil mangiantak ra Paska.

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

JUANIS 15:14

Amon ru gumagaya' kau ra panusuban Kuno, akau no rangan Kuno.

RINALATAN 26:19

“Raja' Agripa, ginio puun ra aku ti mapirot toojo sumugut ra pagilangan no ondo' pinakito ri Aki Kapuuno' raki'.

SAGULION 1:3

Paat ra orou kasaa' sila' koopor am rondo' ralalom bilor kaapat ngoopor nalupus ilo nangiruan ra Misir, nambala' i Musa ra ulun ru Israil ra ngaangai' ondo' nanusuban ru Tuhan riso, koson posoboyon risilo.

SAGULION 4:5

“Nangila' aku noyo ramuyun ra ngaangai' ukum no, koson ra nanusuban ru Tuhan i Aki Kapuuno' kuno. Gagayaa' noyo ngaangai' ukum raginio giu' ra tana' ondo' gaawon am ayanin min.

IBRANI 11:8

Sabap ra pangintapatan noyo, i Abragam giminagaya' ra susuban ri Aki Kapuuno' mongoi ra sampagunan ondo' binantu' Nano riso. Iniruanan no pagun nali galama' kabalu' pana kalo nakatutun io ra ati angayan nano.

IBRANI 3:5

I Musa giminagaya' ri Aki Kapuuno' koson ra sangulun ulipon mangindangan ra ulun Nano, am nampabala' poyo ra atan ondo' raguon ri Aki Kapuuno' ra tauli no.

JOSUA 5:10

Paat ra ulun ru Israil nangkim giu' ra Gilgal giu' ra tana' marata' maar ra bandar Jiriko, nangiantak ilo ra Paska paat ra palunggai', paat orou koopor am apat sila' raginio.