UNTABAN 9:15 - Tanou Moonsoi Timugon

^15-16 Paat ra orou napatirangan ra Kim ru Tuhan, ratong gaun nanili ra Kim no. Paat ra rondom ilain gaun no koson ra apui.

UNTABAN 9:15 ပူးပေါင်းရင်းမြစ်များ

NIGIMIA 9:12

Naningganai Kou risilo ra lugu' ru gaun paat ra matawang, Sinilau Mu ralan nilo ra lugu' ru apui paat ra molondom.

NIGIMIA 9:19

Kaa' kalo nangiruan Kou risilo giu' ra tana' kaagisan, sabap ra asi' Muno maayo kaga'! Kalo inalap Mu saguli' lugu' ru gaun kapoam lugu' ru apui ondo' nanulu' risilo ra ralan ra matawang am molondom.

MAZMUR 105:39

Biningkal ri Aki Kapuuno' gaun koson manindung ra ulun Nano, am nangani' ra apui koson maninda bulintok molondom.

MAZMUR 78:14

Bulintok matawang tingganayon No ilo ra gaun, am bulintok molondom tingganayon No ilo ra simbula' ru apui.

KAINGKUALAN 13:21

Tampilon ra matawang, soroi Tuhan ra saang nilo ralalom lugu' ru gaun, koson manulu' ra ralan risilo; tampilon ra rondom soroi Io ra saang nilo ralalom lugu' ru apui, koson mangani' ra sinda risilo. Ginio ra makaugar ilo paat ra matawang am molondom.

KAINGKUALAN 13:22

Buoi songorou lugu' ru gaun soroi ra saang ru bansa' raginio, am buoi sorondom lugu' ru apui soroi ra saang nilo.

KAINGKUALAN 14:24

Paat ra tumawang orou, intor ra lugu' ru apui am lugu' ru gaun, nagilong Tuhan ra saujor ru Misir, am mampajajou risilo.

KAINGKUALAN 40:2

“Paat ra orou kasaa' ra sila' kasaa', baalo' min Kim Kuno.

KAINGKUALAN 40:34

Kopongo raginio tuun boo gaun manili ra Kim ru Tuhan, am natikop Kim no ra sinda ratangan ru Tuhan.

KAINGKUALAN 40:35

Ginio sabap ra, kalo makaumpos i Musa ralalom Kim ru Tuhan.

KAINGKUALAN 40:38

Buoi ru ulun ru Israil timinanggau, makito nilo gaun ru Tuhan rasawat ru Kim no ra matawang ti, am bibilak apui ralalom ru gaun no ra rondom ti.

JISAYA 4:5

Giu' boo ra rasawat ru Bulur Sion am ngaangai' ulun ondo' timinimung ra giu', Tuhan mampatuun ra gaun bulintok matawang am lisun am niayuk apui ondo' masimbula' bulintok molondom. Katulayan ri Aki Kapuuno' manindung am mangampin ra libung ru bandar no.

UNTABAN 10:34

Pogonong ra ilo mugar intor ra intok pangkiman, gaun ru Tuhan magail soroi giu' ra rasawat nilo paat ra matawang.

UNTABAN 14:14

mambala' ilo ra baal raginio ra mamagun ru tana' ragitio, am nokorongog ilo noyo ra Okou, Tuhan, mabaya' ramon. Naining nilo ra minintalang Kou paat ra muog gaun Muno ra rasawat mai, am ra mugar Kou giu' ra saang mai ralalom lugu' ru gaun paat ra matawang, am ralalom lugu' ru apui paat ra rondom.

UNTABAN 17:7

Kopongo raginio pinabanta' ri Musa ngaangai' jujuga' no giu' ralalom Kim ru Tuhan, giu' ra saang ru Kaban Nabantuan.

1 KORINTUS 10:1

Pabukat kau ngaangai', masaga' aku mampakara' ramuyun ra ondo' nasauk ra kinamatuaan takali paat ra nangkiralanan nilai mabaya' ri Musa. Ngaangai' nilo kinulumput ru gaun am namuntana' liminaup ra Raat Malia' i.

SAGULION 1:33

kabalu' pana masalok Io mugar giu' ra saang min koson maguyum ra intok pangkiman ramuyun. Soroi io ra saang min ralalom lugu' ru apui paat ra rondom ti am ralalom lugu' ru gaun paat ra matawang, koson manulu' ramuyun ra ralan.”