UNTABAN 8:8 - Tanou Moonsoi Timugon

⁸ Ulun ru Liwi pana musiti' mangalap ra sanginan sapi' gawayan mamulok am taak ondo' inaru', iono taak simbalui koson paringkuanangan, iono tapung ondo' linatakan ra umau jaitun. Okou musiti' mangalap ra sanginan sapi' gawayan poyo tayar ru taak simbalui koson mangampun ra tula.

UNTABAN 8:8 ပူးပေါင်းရင်းမြစ်များ

KAINGKUALAN 29:1

“Gitio noyo ondo' matanda' muno baalon koson patimpokon i Arun am anak-anak nano maa' raginio makapangandoi Raki' ayuk koson ra imam. Alap ra sanginan anak sapi' gawayan am ruo ngainan anak domba gawayan ondo' kalo najamaran.

KAINGKUALAN 29:3

Pasuangon ngaangai' ruti' no ralalom ru bakul am pataakon ngaangai' no Raki' paat ra pataakon min sapi' gawayan am ruo ngainan domba gawayan koson ra taak simbalui.

JISAYA 53:10

Mindagu Tuhan, “Kaimbalaan nano topot sumugut ra kasagaan Kuno; am pasubakon no painawo nano koson taak simbalui ra pangampun ra tula. Ginio ra io maawar umur; makakito io ra papag nano, am ralalom riso gogoton Kuno nasugut.

IMAMAT 1:3

Amon ru mapataak io ra sanginan intor ra sapi' nano koson taak simbalui koson mapabansuk ra guang ru Tuhan, musiti' io mapataak ra sapi' gawayan ondo' kalo najamaran. Sapi' no musiti' ibiton no ra kulobon ru Kim ru Tuhan maa' raginio maansayan Tuhan ra ulun no.

IMAMAT 16:3

Makaumpos io ra ralalom ru Lamin Matulai Kaga' ra io mopongo ayuk magibit ra sanginan sapi' gawayan mamulok tayar ru taak simbalui koson mangampun ra tula am sanginan domba gawayan tayar ru taak simbalui koson mapabansuk ra guang ru Tuhan.”

IMAMAT 2:1

Paat ra sasangulun no mapataak ra taak simbalui koson paringkuanangan ra Tuhan, taak simbalui no musiti' intor ra tapung moonsoi kaga', ondo' uasin ra umau jaitun am tinaukan ra kaminyan rasawat no.

IMAMAT 4:14

paat ra mapandayan ayuk tula no, musiti' ngaangai' ulun ru Israil mapataak ra sanginan sapi' gawayan mamulok tayar ru taak simbalui koson mangampun ra tula. Sapi' no musiti' nilo ibiton ra saang ru Kim ru Tuhan.

IMAMAT 4:3

Amon ru makatula Tingganai Maayo Imam, saboi mangkinibit ra ngaangai' ulun ru Israil makasala, musiti' io mapataak ra Tuhan ra sanginan sapi' gawayan mamulok ondo' kalo najamaran no, maa' raginio ampunon tula nano.

IMAMAT 8:2

“Ibito' i Arun am anak-anak nano mongoi ra kulobon ru Kim Kuno, am ibito' niayuk bayang ru imam, umau upacara, sapi' gawayan mamulok tayar ra taak simbalui koson mangampun ra tula, ruo ngainan domba gawayan, am sambakul ruti' ondo' kalo latakin ra ragi.

ROMA 8:3

Atan ondo' kalo nabaal ru Ukum ri Musa sabap ra paliso ru ulun no ondo' malawo, binaal noyo ri Aki Kapuuno'. Koson mamuso ra kuasa' ru tula ralalom paliso ru ulun, nangator i Aki Kapuuno' ra Anak Nano galama'. Minayag Io koson ra ulun, ioginio baal ru ulun ondo' makatula am intor raginio kinala No kuasa' ru tula.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.