UNTABAN 8:7 - Tanou Moonsoi Timugon

⁷ ra ralan ragitio: patakison risilo timug koson mamasau risilo, am susubon ilo sukurin ngaangai' inan am mampupu' ra bayang nilo. Koon raginio noyo ilo masauk ra mapasau.

UNTABAN 8:7 ပူးပေါင်းရင်းမြစ်များ

KASAUKAN 35:2

Indagu boo i Jakub ra ulun ru baloi nano am ra ngaangai' ulun nababaya' riso no, “Patiri' min noyo sinungkalalaing intor ra bansa' ru bokon ondo' binulian min, kapasawo' min guang am pambayang kano ra bayang moonsoi.

MAZMUR 51:2

paat ra io sinawai ru Nabi Natan sabap ra nansawa' io ri Batsyiba.

MAZMUR 51:7

Malaat aku no intor poyo ra aku inanak; makatula aku no intor poyo ra aku tininai'.

KAINGKUALAN 19:10

Indagu Tuhan riso, “Ongoi noyo tuum ra ulun raginilo am susubo' ilo migimpasau ra orou raiti' am susuab no. Musiti' ilo mampupu' ra bayang nilo

JISAYA 52:15

Kaa' ragino masuang bansa' binaal no mangimuag, raja'-raja' kalo makaindagu sabap ra mangimuag. Magilong am makarati' ilo, ondo' buoi ti kalo makapandai ilo.”

JIRIMIA 4:14

Okou Jirusalim, kapasawo' guang muno intor ra ngaangai' kalaatan maa' raginio bayagon kou. Saboi sanggilan kou mangkara' ra malaat?

YEHEZKIEL 36:25

Takisin Takamin ra timug mapasau, am mampapasau ramuyun intor ra ngaangai' sinungkalalaing min am ngaangai' no ondo' nampajamol ramuyun.

IMAMAT 15:27

Majamol osoi ayuk ondo' mangambong ra kuliamos no am musiti' mampupu' ra bayang nano am mariu'; magulayun ulun no majamol saboi tumolop mato ru orou.

IMAMAT 15:6

kapoam manturung ra atan ayuk ondo' naturungan noyo ru ungkuyon no, musiti' mampupu' ra bayang nano am mariu', kaa' magulayun io majamol saboi tumolop mato ru orou.

IMAMAT 16:28

Ulun ondo' monolob no musiti' mampupu' ra bayang nano am mariu' ra kalo poyo muli' ra pangkiman.

IMAMAT 8:6

Ibito' boo ri Musa i Arun am anak-anak nano mongoi ra saang, am baalo' boo upacara mariu' risilo.

UNTABAN 19:13

Osoi ondo' nangambong ra baangkai am kalo nangimpasau ra inan magulayun majamol, sabap ra timug tayar ru upacara pamasawan kalo poyo pinawas riso. Napajamol ulun no ra Kim ru Tuhan, sabap ra raginio kalo boo karaan io ra ulun ri Aki Kapuuno'.

UNTABAN 31:20

Kapasawo' niayuk ngaangai' bayang am atan ayuk ondo' binaal intor ra kungkung, bulu kambing kapoam tataun.”

UNTABAN 8:21

Nangimpasau ulun ru Liwi ra inan am nampupu' ra bayang nilo, am patimpokon ilo ri Arun tayar ru taak luntukon ra Tuhan. Napaugar niayuk i Arun ra upacara pamasawan risilo.

IBRANI 9:10

Sabap ra atan ondo' sinugut nilo intor ra akanon, inumon am nansalinut pambaguan ginio kaulayan ayuk. Ngaangai' ti sumugut ayuk ra kaulayan ru ulun am paugaron ra buoi ti saboi ngaangai' no talimbaguin ri Aki Kapuuno'.

IBRANI 9:13

Maya' ra kaulayan ru ugama, ulun majamol impasawin ra takisin ulu nilo ra raraa' ru kambing am raraa' ru sapi' ungkuyon am poyo taukin ra kaau ru sapi' ruandu' mamulok sinimbalui.

JAKUBUS 4:8

Inggaari' noyo i Aki Kapuuno', am i Aki Kapuuno' pana minggaar ramuyun. Ulun kau ra makatula, langgai' min noyo baal ra malaat. Ulun kau ra maginduo guang, kapasawo' noyo guang mino!

1 PITRUS 3:21

Baal raginio noyo abig ru pampariwan ondo' raino ti mamayag ramuyun. Pampariwan ti sala' ka manginjaki ra inan, kaa' ginio noyo bantu' min gumagaya' ri Aki Kapuuno' intor ra guang mapasau. Pampariwan ti mamayag ramuyun sabap ri Jisus Kristus binayag saguli' intor ra kapatayan,

PINAINTALANG 7:14

Taam ku riso, “Tuan, kalo nakapandai aku. Okou no nakapandai.” Indagu io raki', “Ilo ti noyo ondo' nakalabus intor ra kaimbalaan makalalaa' i. Pinupuan nilo noyo sukub nilono saboi mapulak sabap ra raraa' ru Anak Domba pinasasar risilo.