UNTABAN 8:2 - Tanou Moonsoi Timugon

² “Balai' i Arun ra paat io mapabanta' ra tulu' lampung ra tampakan ra lampung, sinda ru lampung-lampung no musiti' matampulau giu' ra tayar saang ru tampakan ra lampung.”

UNTABAN 8:2 ပူးပေါင်းရင်းမြစ်များ

MAZMUR 119:105

Ragu Muno titiu ondo' maningganai raki', am sinda ondo' manampulau ra ralan kuno.

MAZMUR 119:130

Bala' ru pangilaan Muno manaak ra sinda, manaak ra karatian ra ulun magayantanga' guang.

KAINGKUALAN 25:37

Pambaal ra tulu' lampung ra tampakan ru lampung no am patakinon lampung raginilo ra matanda' maa' raginio sinda no suminda tampilon ra saang.

KAINGKUALAN 37:23

Pambaal io tulu' lampung ra tampakan ra lampung no; pambaal io niayuk ra sumpit koson pangimpasau ra sumbu' ru lampung, am niayuk talam no intor ra mas kopoyo.

KAINGKUALAN 39:37

tampakan ra lampung intor ra mas kopoyo, lampung no, ngaangai' kuliamos no am umau ru lampung;

KAINGKUALAN 40:25

Giu' no, ra saang ru Tuhan no, sikiti' no lampung no, koson ra nanusuban ru Tuhan.

JISAYA 8:20

Taam kau koson ragitio, “Rongogo' noyo pangilaan ru Tuhan! Ulun ra kalo matanda' ragu maya' ra pangilaan no, kolondo' kalansanan.”

IMAMAT 24:4

Musiti' i Arun magalung ra lampung-lampung no ondo' pinatampak ra rasawat ru tampakan ra lampung ondo' binaal intor ra mas kopoyo, maa' raginio ngaangai' no magulayun mapaang giu' ra saang ru Tuhan.

UNTABAN 8:1

Indagu Tuhan ri Musa,

UNTABAN 8:3

Ginagaya' ri Arun susuban no. Pinabanta' no lampung-lampung no pinatampilon ra saang ru tampakan ra lampung.

MATIUS 5:14

Mogondo' ra lampung no manilau ra intok molondom, koson niayuk akau magibit ra silau ra tana' ti. Bandar ondo' binaal ra tampak ru bulur no kalo maalap ra buni.

JUANIS 1:9

Sinda motopot no, ondo' mampakasinda ra ngaangai' ulun, matong ra tana' ti.

2 PITRUS 1:19

Ginio boo ra mangintopot akai no toojo ra bala' ondo' pinasaboi ru nabi-nabi ragili. Ginio ra moonsoi ru karaan min toojo bala' ti, ondo' koson ra pilasut suminda ra intok molondom. Am karaan ginio suku' ratangan saguli' Nano, ondo' koson ra butitin ru sirangon paat ra matawang – Io mampaulig toojo ramuyun ri Aki Kapuuno'.

PINAINTALANG 1:12

Ginio ra pangkaili aku koson magilong ra osoi kia minindagu raki' ni, am kakito ku tulu' tampakan ra lampung ondo' binaal intor ra mas.

PINAINTALANG 1:20

Gitio noyo arati' ru tulu' butitin ondo' makito muno ra kalindu' pamiris Kutu, am intor ra tulu' tampakan ra lampung binaal intor ra mas no: Tulu' butitin raginio iono malaikat ru tulu' pasimpungan ulun Kristian no, am tulu' tampakan ra lampung no ioginio tulu' pasimpungan ulun Kristian.”

PINAINTALANG 4:5

Intor ra takhta no makabinusasal ru ganit am mokobolos ra tingkalur am timpalak mapuor. Am giu' ra saang no mokoondo' tulu' titiu simininda. Ginio noyo tulu' Ambiluo ri Aki Kapuuno' no.