UNTABAN 8:17 - Tanou Moonsoi Timugon

¹⁷ Paat ra Aku namatoi ra ngaangai' anak ungkuyon katuaan ru ulun ru Misir, patimpokon Ku ngaangai' anak ungkuyon katuaan intor ra moonong sasambaloi ru Israil masauk ra Aku tatangan, am niayuk moonong anak katuaan ra ungkuyon ru bibiag tinambiag.

UNTABAN 8:17 ပူးပေါင်းရင်းမြစ်များ

MAZMUR 105:36

Io pana namatoi ra ngaangai' anak ungkuyon ra katuaan, anak ungkuyon ra katuaan ru ngaangai' sasambaloi ru Misir.

MAZMUR 135:8

Giu' ra Misir ngaangai' ru anak ra katuaan ru ulun pinatoi No am ngaangai' ru anak katuaan ru bibiag.

MAZMUR 78:51

Pinatoi No ngaangai' anak ungkuyon ra katuaan ru ngaangai' sasambaloi ulun ru Misir.

KAINGKUALAN 12:29

Paat ra tanga' rondom raginio pinatoi ru Tuhan ngaangai' anak ungkuyon katuaan giu' ra Misir, inintaran ra anak ungkuyon ru raja' ondo' manungkus ra kurisi' pamarintaan polos ra anak ungkuyon katuaan ru ulun inaput ralalom pangaputan ragana' ru tana'. Ngaangai' anak ungkuyon katuaan ru bibiag pana pinatoi.

KAINGKUALAN 13:2

“Patimpokon Raki' ngaangai' anak ungkuyon katuaan. Moonong anak ungkuyon katuaan ru ulun ru Israil, am moonong anak ungkuyon katuaan ru bibiag Aku noyo tatangan.”

KAINGKUALAN 29:44

Mapakapasau Aku ra Kim am altar no, am patimpokon Ku i Arun am anak-anak nano koson mangandoi Raki' ayuk koson ra imam.

YEHEZKIEL 20:12

Susubon Ku ilo mangurumat ra orou Sabat koson tatandu' ru nabantuan Kuno risilo, koson mampakara' risilo ra Aku, Tuhan nampatulai risilo ra tayar Kuno.

IMAMAT 27:26

Tuhan noyo tatangan ra anak kasaa' ru bibiag am kalo pataakon koson ra taak ondo' pataakon ayuk toojo. Anak sapi', anak domba kapoam anak kambing ondo' kasaa' no masauk ra Tuhan tatangan.

UNTABAN 8:18

Kaa' raino nangalap Aku ra ulun ru Liwi koson suali ru ngaangai' anak ungkuyon katuaan ru Israil.

LUKAS 2:23

Sabap ra tinulisan noyo ra Ukum ru Tuhan koson ragitio, “Moonong anak katuaan ra ungkuyon pataakon ra Tuhan.”

JUANIS 10:36

Aku pinili' am sinusub ri Ama' matong ra tana' ti. Kua indagu kau ra magasab Aku ri Aki Kapuuno' ra ragu Kuli, ‘Aku ti Anak ri Aki Kapuuno'’?

JUANIS 17:19

Taakin Ku kaayagan Kutu Rirun, maa' raginio totopot mampataak ilo ra kaayagan nilo mangandoi ayuk Rirun.

IBRANI 10:29

Mumpara' boo bagat paukumin ra ulun ondo' magasab ra Anak ri Aki Kapuuno' am mangkara' ra kolondo' noyo onong ru raraa' nabantuan ri Aki Kapuuno' ondo' mangampun ra tula nano, am magasab poyo ra Ambiluo ri Aki Kapuuno' ondo' mangasi' riso.

IBRANI 11:28

Sabap ra pangintapatan noyo, nangimpuun io ra pangiantakan ra Paska. Sinusub no ulun ru Israil nampatakis ra raraa' ra kulobon ru baloi nilai, maa' raginio malaikat ondo' inanian ra kuasa' mamatoi, kalo makapamatoi ra anak katuaan nilai ra ungkuyon.

JAKUBUS 1:18

Sumugut ra kasagaan Nano galama', itakau pinakaanak No mansail ra bala' Nano ra motopot ondo' pinasaboi ritakau. Ginio sabap ra nangani' Io poyo ritakau ra intok kasaa' intor ra ngaangai' sinauk Nano.