UNTABAN 8:11 - Tanou Moonsoi Timugon

¹¹ am i Arun musiti' patimpokon no ulun ru Liwi tayar ru taak luntukon intor ra ulun ru Israil Raki', maa' raginio ulun ru Liwi makapangandoi Raki'.

UNTABAN 8:11 ပူးပေါင်းရင်းမြစ်များ

KAINGKUALAN 29:24

Pabantaan ngaangai' ruti' ti ra kalindu' ri Arun am anak-anak nano, am susubon ilo mapataak ra ngaangai' no Raki' koson taak paluntukon.

IMAMAT 7:30

Musiti' ulun no galama' magibit ra taak simbalui no koson taak akanon. Musiti' io magibit ra lomok am kubab ru bibiag no, am pataakon no koson ra taak lilion ra Tuhan.

IMAMAT 7:34

Kubab am paa ra pamiris ru bibiag no iono taak lilion ondo' alapon ru Tuhan intor ra ulun Nano koson taakin ra imam-imam. Tayar ragitio noyo ondo' musiti' taakin ru ulun ru Israil ra imam ra sabuoi-buoi no.

IMAMAT 8:27

Pabantaa' no ngaangai' akanon no ra kalindu' ri Arun am anak-anak nano, am pataako' nilo boo ngaangai' no koson ra taak lilion ra Tuhan.

IMAMAT 8:29

Kopongo raginio alap i Musa ra kubab ru domba no am pataako' no koson ra taak lilion ra Tuhan. Ginio noyo tayar ri Musa intor ra domba gawayan ondo' pataakon koson patimpokon ra imam. Nambaal i Musa ra ngaangai' no koson ra nanusuban ru Tuhan.

UNTABAN 6:20

Imam no pana musiti' mapataak ra ngaangai' no tayar ru taak luntukon ra Tuhan. Ngaangai' taak no mapasau am masauk ra imam tatangan, mabaya' ra kubab am paa ru domba gawayan ondo' sumugut ra aturan, masauk noyo ginio ra imam tatangan. Mopongo raginio, ulun no sala' ka boo ulun Nazir, am makainum io ra wain.

SAGULION 10:8

Giu' rasawat ru gunung, Tuhan nampasauk ra ulun intor ra bansa' ru Liwi koson magalung ra Kaban Nabantuan, am koson mangandoi Riso koson imam, am niayuk koson mindagu ra barakat ralalom ru inggalan Nano. Saboi raino lakat poyo bansa' ru Liwi mambaal ra kandoi raginio.