UNTABAN 7:84 - Tanou Moonsoi Timugon

^84-88 Suang ru taak ondo' ibiton ru mopor am ruo ngaulun tingganai ra upacara patimpokon ra altar no koson ragitilo: – 12 mangkuk pirok am 12 bisin pirok, ngaangai' bagat no 27.6 ngakilogram, – 12 pinggan mas, ngaangai' bagat no 1.32 ngakilogram am mapanu' ra kaminyan, – 12 ngainan sapi' gawayan, 12 ngainan domba gawayan, 12 ngainan anak domba ondo' umur no sambilor, tayar ru taak simbalui koson mapabansuk ra guang ru Tuhan, pabayaan ra taak simbalui ondo' inaru', iono taak simbalui koson paringkuanangan, – 12 ngainan kambing tayar ru taak simbalui koson mangampun ra tula, – 24 ngainan sapi' gawayan, 60 ngainan domba gawayan, 60 ngainan kambing am 60 ngainan anak domba ondo' umur no sambilor tayar ru taak simbalui koson makibarakat ra Tuhan.

UNTABAN 7:84 ပူးပေါင်းရင်းမြစ်များ

KAINGKUALAN 25:29

Pambaal noyo ra pinggan, sangkir, jag am mangkuk pakayon tayar taak wain. Musiti' ngaangai' kuliamos no baalon intor ra mas kopoyo.

UNTABAN 7:1

Paat rondo' orou nopongo i Musa napatirong ra Kim ru Tuhan, patimpokon no Kim no ra Tuhan, nababaya' ra ngaangai' kuliamos no am luiti' ngaangai' no ra umau upacara. Koson niayuk raginio binaal no ra altar am niayuk kuliamos no.

UNTABAN 7:10

Nagibit tingganai-tingganai niayuk ra taak koson mangiantak ra upacara patimpokon ra altar. Pakataak nilo noyo taak giu' rasawat ru altar,

IBRANI 13:10

Imam-imam Jaudi ondo' mangandoi ra Kim Sambayangan, kalo makaaya' ritakau mampataak ra taak simbalui koson paringkuanangan ra sambayangan takau.

PINAINTALANG 21:14

Timbok ru bandar no pinaturung ra mopor am ruo batu maayo ondo' tinulisan ra inggalan ru mopor am ruo rasul ru Anak Domba no.