UNTABAN 6:5 - Tanou Moonsoi Timugon

⁵ Buoi ra io ulun Nazir, kalo mokopomolompor io ra abuk nano kapoam sukurin. Maguut io ru nazar nano saboi makai' paat nano patimpokon inan tayar ra Tuhan. Ginio ra abuk nano am jangut nano musiti' polosoon gumawar.

UNTABAN 6:5 ပူးပေါင်းရင်းမြစ်များ

YEHEZKIEL 44:20

“Kalo iowon imam-imam no mambulut ra ulu saboi kolondo' abuk kapoam polosoon abuk gumawar. Abuk nilo musiti' lomporon sumugut ra aturan ondo' inaru'.

UNTABAN 6:4

Buoi ra io ulun Nazir, kalo makaakan io ra atan pana ondo' intor ra puun ru anggur, iou pana unor kapoam kulapa' ru kawa' ru anggur.

RINALATAN 18:18

Minayan i Paulus kukula' ngoorou poyo giu' ra Korintus. Iruani' no boo ulun Kristian ra giu' i am pasundoi ra Siria nabaya' ri Prisila am i Akwila. Kalo poyo minugar ilo intor ra Kingkiria, pambulut io. Binaal no gitio koson rondo' tatandu' ra nagibot io ra Tuhan.

TINGGANAI RU BANSA' 13:5

Mopongo ra anak muno anakon, pai' lampari' abuk nano sabap intor ra io inanak, patimpokon anak no ri Aki Kapuuno' koson ra ulun Nazir. Tumalimpuun io mapalabus ra ulun ru Israil intor ra kuasa' ru Palistin.”

TINGGANAI RU BANSA' 16:17

Pupus no tunungo' ri Simson inopot nano. Kono, “Abuk kutu kalo poyo igondo' linompor. Intor ra tininai' pinataak aku noyo ri Aki Kapuuno' koson masauk ra ulun Nazir. Amon ru lomporon abuk kutu, ngaangai' kaikangan kuno mairu'. Malawo aku koson ra ulun kaindalaman.”

TINGGANAI RU BANSA' 16:19

Pinororot ri Dilila i Simson ra paa nano, am nanusub ra ulun mopolompor ra tulu' sulampir ru abuk ri Simson. Tumalimpuun boo i Dilila mangimbolo' ri Simson, sabap ra nairuan noyo i Simson ra kaikangan nano.

1 SAMUIL 1:11

Kopongo raginio rinagu ri Ana rondo' bantu', kono, “Iou Tuhan Ondo' Maayo Kaga' Kuasa', ilai' noyo ulipon Mutu. Ilai' noyo kapaganan kutu, am karaa' aku no. Pai' aku liliani'. Amon ru manaak Kou raki' ra sangulun anak ungkuyon, bantuon ku ra mapataak riso Rirun buoi ru bayag nano, am abuk nano kalo lamparin.”