UNTABAN 6:3 - Tanou Moonsoi Timugon

³ kalo makainum io ra wain am inumon makagauk. Kalo makainum io ra inumon atan pana ondo' binaal intor ra kawa' ru anggur, am kalo makaakan io ra kawa' ru anggur baguon kapoam kismis.

UNTABAN 6:3 ပူးပေါင်းရင်းမြစ်များ

IMAMAT 10:9

“Pai' noyo okou am anak-anak muno umpos ralalom ru Kim ru Tuhan ra mopongo manginum ra wain kapoam inumon makagauk. Amon ru mumpos kau, matoi kau. Gitio noyo aturan ondo' musiti' gagayaan ru ngaangai' papag muno.

AMOS 2:11

Nampili' Aku noyo ra kukula' ngaulun intor ra anak ungkuyon min koson masauk ra nabi, am kukula' ngaulun ra mamulok min masauk ra ulun Nazir. Sala' ka kia koon raginio, akau ulun ru Israil? Aku, Tuhan nakaindagu noyo.

AMOS 2:12

Kaa' nanusub kau ra ulun Nazir nanginum ra wain, saboi liminungkang ilo ra bantu'. Nanginggalar kau niayuk ra nabi-nabi nampasaboi ra tanou Kuno.

UNTABAN 6:4

Buoi ra io ulun Nazir, kalo makaakan io ra atan pana ondo' intor ra puun ru anggur, iou pana unor kapoam kulapa' ru kawa' ru anggur.

LUKAS 1:15

Masauk io ra sangulun maatang maya' ra pagilangan ru Tuhan; ginio nai ra kalo makainum io ra anggur kapoam inumon ra bokon ondo' makagauk am kuasaan io ru Ambiluo ri Aki Kapuuno' intor ra io kakaanak ayuk poyo.

LUKAS 21:34

“Ilalai' min! Pai' kau bunsag am magiginum ayuk, kapoam magalabo ra kaayagan mino ayuk, saboi Orou ru Tuhan mamulali' matong am kalo makatampos kau.

IPISUS 5:18

Pai' kau kagauk ra anggur, ginio magibit ra paliso malaat. Kaa' sotopot no, moonsoi amon ru Ambiluo ri Aki Kapuuno' no manguasa' ramuyun.

1 TISALONIKA 5:22

Inggalur kano ra atan ayuk baal malaat.

1 TIMOTIUS 5:23

Pai' luuro' ayuk timug no inumo', kaa' inum niayuk kasanganu ra wain sabap ra okou magail ayuk marualan ra tinai'.

IBRANI 9:10

Sabap ra atan ondo' sinugut nilo intor ra akanon, inumon am nansalinut pambaguan ginio kaulayan ayuk. Ngaangai' ti sumugut ayuk ra kaulayan ru ulun am paugaron ra buoi ti saboi ngaangai' no talimbaguin ri Aki Kapuuno'.

TINGGANAI RU BANSA' 13:14

Kalo makaakan io ra atan pana ondo' intor ra puun ru anggur; kalo makainum io ra wain kapoam inumon makagauk, kapoam mangakan ra akanon majamol. Musiti' io mambaal ra ngaangai' bilin kuno.”

TINGGANAI RU BANSA' 13:4

Ginio ra alungi' toojo inan muno. Pai' panginum ra wain kapoam inumon makagauk, am pai' pangakan ra akanon majamol.