UNTABAN 6:26 - Tanou Moonsoi Timugon

²⁶ Gama' ru maansayan Tuhan ramuyun am manaak ramuyun ra kaansayan.

UNTABAN 6:26 ပူးပေါင်းရင်းမြစ်များ

MAZMUR 29:11

Kaikangon ru Tuhan ulun Nano, am barakaton No ilo ra ralalom ru kaansayan.

MAZMUR 37:37

Urioo' min noyo ulun ra moonsoi am ondo' motopot no; ulun ondo' masaga' ra pababansayan makaalap ra papag;

MAZMUR 4:6

Patutuyo' noyo taak ondo' motopot am pangintopot no ra Tuhan.

MAZMUR 42:5

Makuliagai guang kuno amon karaan orou ra nakasail, bulintok ra aku nakapasumbaya' ra ulun masuang minongoi ra Baloi ru Tuhan, am minugar aku ra siminigulu risilo, magilakup am marimbai ra rimbai mongompor.

MAZMUR 44:3

Okou galama' nanginggalar ra ngaangai' bansa' maa' raginio ulun Muno mayan ra pagun nilo galama', inurana' Mu ngaangai' bansa' ra bokon, kaa' napasauk ra ulun Muno ra langkaya'.

MAZMUR 89:15

Pamarintaan Muno sumugut ra ukum am katimpakan; togom am gagaya' soroi ra nansalinut binaal Muno.

JISAYA 26:12

Iou Tuhan, pinasauk Mu akai ra langkaya'; ngaangai' naalap maino ampos intor ra nangindanganan Mu ramon.

JISAYA 26:3

Okou, Tuhan, mangani' ra pababansayan am kaansukan ra ulun ondo' maikang guang, sabap ra mangintopot ilo Rirun.

JISAYA 57:19

Pababansayan pataakon Ku ra ngaangai' ulun, io pana mamaar kapoam maalur! Babason Ku ulun Kuno.

MIKA 5:5

Mabaya' ra kaikangan ru kinandoi mangayou, kalaan nilo Asyur, tana' ru Nimrod, am mamayag ilo ritakau intor ra pamulunsaran ru ulun ru Asyur paat ilo namulunsar ra wilayah takau.

LUKAS 2:14

“Koompor toojo inggalan ri Aki Kapuuno' giu' ra rasawat! Am giti ra tana', kaansayan pataakin noyo risilo ondo' mapabansuk ra guang ru Tuhan!”

JUANIS 14:27

Kaansayan patatangon Kuno ramuyun; kaansayan Kuno galama' pataakon Ku ramuyun. Kaansayan Kuno sala' ka koson ra kaansayan ondo' taakin ru tana' ti. Ginio ra pai' kano pagalabo kapoam kalaa'.

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

JUANIS 20:21

Indagu poyo i Jisus risilo, “Kaansayan ramuyun. Koson ri Ama' nanusub Raki', Aku pana manusub ramuyun.”

JUANIS 20:26

Saminggu' boo ragili, maamaya' ri Jisus timinimung poyo ra baloi i, am soroi niayuk i Tomas ra giu' i. Ngaangai' ru kulobon piniot ra kunsi', kaa' pulusat ri Jisus, minigor ra tatanga' nilai am indagu, “Kaansayan ramuyun.”

RINALATAN 10:36

Nakapandai kau noyo ra bala' ondo' pinasaboi ri Aki Kapuuno' ra bansa' ru Israil. Ginio noyo Tanou Moonsoi intor ra pabansayan ralalom inggalan ri Jisus Kristus, Tuhan ru ngaangai' ulun.

RINALATAN 2:28

Okou nanulu' raki' ra ralan ondo' mongoi ra kaayagan motopot. Naansukan aku kaga' sabap ra Okou no mabaya' raki'.’

ROMA 15:13

Gama' ru i Aki Kapuuno', puun ru kalansanan takau, mangani' ramuyun ra kaansukan am katasuan ru guang ralalom ru pangintapatan min Riso. Maa' raginio, ralalom ru kuasa' ru Ambiluo ri Aki Kapuuno', mikang poyo kalansanan mino Riso.

ROMA 15:33

Gama' ru i Aki Kapuuno', intaran ru ngaangai' pabansayan, mabaya' ramuyun ngaangai'. Amin.

ROMA 5:1

Raino itakau mobonsoi saguli' ri Aki Kapuuno' sabap ra pangintapatan takau Riso am makapabansayan noyo Riso ralalom ru Tuhan takau, i Jisus Kristus.

IPISUS 6:23

Gama' ru i Aki Kapuuno', Ama' takau, am i Tuhan Jisus Kristus mangani' ra pabansayan, togom am pangintapatan ra ngaangai' pabukat Kristian.

PILIPI 4:7

Bagu raginio mokoondo' kau ra kaansayan intor ri Aki Kapuuno', ondo' maalur intor ra atan ondo' karaan ru ulun. Gitio noyo magalung ra guang am pangkaraan min ralalom nasimpungan min ri Jisus Kristus.

2 TISALONIKA 3:16

Gama' ru Tuhan noyo galama', ondo' puun ru pabansayan, masalok manaak ramuyun ra pabansayan Nano ralalom ru ngaangai' baal. Gama' ru Tuhan mabaya' ramuyun ngai'.