UNTABAN 6:23 - Tanou Moonsoi Timugon

²³ mambala' ri Arun am anak-anak ungkuyon nano maa' raginio mindagu ra ragu ragitio paat ra ilo mambarakat ra ulun ru Israil:

UNTABAN 6:23 ပူးပေါင်းရင်းမြစ်များ

KASAUKAN 24:60

Barakato' nilo boo i Ribika ra ragu ragitio: “Gama' ru okou Ribika, masauk ra ina' ru jujuta' ulun! Gama' ru papag muno manguasa' ra bandar-bandar ru pantula' nilo!”

KASAUKAN 47:10

Anii' ri Jakub raja' no ra barakat pantuliaran am ugar.

KASAUKAN 47:7

Pauligo' niayuk ri Jusup ama' nano ra raja'. Pambarakat i Jakub ra raja',

KASAUKAN 48:20

Barakato' no boo anak-anak nano ra orou raginio, kono, “Sabiton ru ulun ru Israil inggalan mino paat ra ilo mambarakat ra ulun ra bokon. Raguon nilo, ‘Gama' ru i Aki Kapuuno' mapasauk ramuyun koson ri Ipraim am i Manasi.’” Intor raginio napasigulu i Jakub ri Ipraim intor ri Manasi.

1 RAJA'-RAJA' 8:55

Ra bolos mosongou pakiasi' io nakitaak ra Tuhan mambarakat ra ngaangai' ulun ondo' timinimung ra giu' no, kono,

1 TUNUNG RU BANSA' ISRAIL 23:13

Anak katuaan ri Kigat, iono i Amram, iono ama' ri Arun am i Musa. (Koson ra sabubuoi no, i Arun am papag nano linili' koson manalingapu ra kuliamos ru sambayang, monolob ra kaminyan ra Tuhan, mangandoi ayuk Riso, am mambarakat ra mamagun ralalom inggalan ru Tuhan.

2 TUNUNG RU BANSA' ISRAIL 30:27

Imam-imam am ulun-ulun ru Liwi nakibarakat ra Tuhan ra tayar ru mamagun. Intor ra intok inayanan Nano giu' ra suruga', nokorongog Tuhan am niayuk nangapu ra pakiasian nilo.

KAINGKUALAN 39:43

Inilayan ri Musa ngaangai' no, am ilai' no ra binaal nilo totopot koson ra nanusuban ru Tuhan. Ginio ra barakato' ilo ri Musa.

UNTABAN 6:22

Nanusub Tuhan ri Musa koson

ROMA 1:7

Ginio ra nanulis aku ra surat ti ramuyun ngaangai' ra Roma ondo' tagamin ri Aki Kapuuno' am ondo' piniau noyo masauk ra ulun Nano. Gama' ru Ama' takau i Aki Kapuuno' am i Tuhan Jisus Kristus manaak ramuyun ra barakat am pabansayan.

1 KORINTUS 1:3

Gama' ru i Aki Kapuuno', Ama' takau, am i Jisus Kristus manaak ramuyun ra barakat am pabansayan.

SAGULION 10:8

Giu' rasawat ru gunung, Tuhan nampasauk ra ulun intor ra bansa' ru Liwi koson magalung ra Kaban Nabantuan, am koson mangandoi Riso koson imam, am niayuk koson mindagu ra barakat ralalom ru inggalan Nano. Saboi raino lakat poyo bansa' ru Liwi mambaal ra kandoi raginio.

SAGULION 21:5

Imam-imam ru bansa' ru Liwi niayuk musiti' mongoi ra giu' no, sabap musiti' ilo mangakim ra moonong baal ondo' makalabit ra kalaatan. Nampili' noyo Tuhan i Aki Kapuuno' min risilo koson mangandoi ayuk Riso am koson mambarakat ra ulun sabap ra inggalan Nano.

SAGULION 33:1

Ra kalo poyo minatoi, i Musa, ulipon ri Aki Kapuuno' no, nambarakat ra ulun ru Israil ra ragu-ragu ragitio:

IBRANI 7:1

Ra galing i, i Milkisidik ti raja' ru bandar Salim am poyo sangulun imam ri Aki Kapuuno' Ondo' Masawat Kaga'. Pakauli' noyo i Abragam intor ra pangayawan ra io nangala ra apat ngaulun raja', inuma' am barakato' io ri Milkisidik ti.

IBRANI 7:7

Motopot noyo ra ulun ondo' mambarakat maatang intor ra ulun ondo' barakaton no.

JOSUA 8:33

Ulun ru Israil nababaya' ra tingganai-tingganai, pagawai-pagawai am akim-akim nilo, am niayuk ulun bansa' ru bokon ondo' minayan risilo, minigor ra karuo-ruo sapapa' ru Kaban Nabantuan. Timiningkuang ilo ra imam-imam bansa' ru Liwi ondo' nansaan ra Kaban no. Sampiruo intor ra ulun ru Israil timiningkuang ra Gunung Girijim am sampiruo poyo timiningkuang ra Gunung Ibal. I Musa, ulipon ru Tuhan nanaak noyo risilo ra susuban koson mambaal raginio masaboi paat ra ilo barakaton.

1 PITRUS 1:2

Pinili' kau ri Aki Kapuuno', Ama' takau, sumugut ra pangatangan Nano, am pinasauk kau ru Ambiluo Nano ra ulun matulai, maa' raginio gumagaya' kau boo ri Jisus Kristus am maimpasawan kau ru raraa' Nano. Gama' ru ruangin poyo ri Aki Kapuuno' no barakat am pabansayan Nano ramuyun.

2 JUANIS 1:3

Gama' ru Ama' takau, i Aki Kapuuno', am Anak Nano i Jisus Kristus manaak ritakau ra barakat, asi' am pabansayan: Gama' ru ngaangai' ragitio maapu takau ra guang motopot am motogom.