UNTABAN 6:20 - Tanou Moonsoi Timugon

²⁰ Imam no pana musiti' mapataak ra ngaangai' no tayar ru taak luntukon ra Tuhan. Ngaangai' taak no mapasau am masauk ra imam tatangan, mabaya' ra kubab am paa ru domba gawayan ondo' sumugut ra aturan, masauk noyo ginio ra imam tatangan. Mopongo raginio, ulun no sala' ka boo ulun Nazir, am makainum io ra wain.

UNTABAN 6:20 ပူးပေါင်းရင်းမြစ်များ

MAMPATANOU 9:7

Pangakan no, panginum no, am pakaansuk no! Panginum no ra wain am pakaansuk no; kalo manginggalar i Aki Kapuuno'.

JISAYA 25:6

Giti ra Bulur Sion, Tuhan Ondo' Maayo' Kaga' Kuasa' mangatang ra pagakanan maayo koson mampaakan ra ngaangai' bansa' ra tana' ti. Pasulungon No akanon ra mangaamis am wain ra pinili'.

JISAYA 35:10

Ulun ondo' pinalabus ru Tuhan no muli'; makasaboi ilo giu' ra Jirusalim ra guang maansukan, liliwa' marimbai am magigindii. Maansukan ilo ra sabuoi-buoi no, am makalabus intor ra guang mangiluk.

IMAMAT 10:15

Musiti' ulun ru Israil magibit ra paa am kubab ru bibiag no paat ra ilo mapataak ra lomok no koson ra taak akanon ra Tuhan. Tayar ragitio longgom muno am anak-anak muno ra sabuoi-buoi no, koson ra nanusuban ru Tuhan.”

IMAMAT 23:11

Pataakon boo ru imam barli no ra Tuhan koson taak lilion, maa' raginio maansayan Tuhan ramuyun. Pataakon ru imam barli no paat ra orou malupus orou Sabat.

IMAMAT 7:30

Musiti' ulun no galama' magibit ra taak simbalui no koson taak akanon. Musiti' io magibit ra lomok am kubab ru bibiag no, am pataakon no koson ra taak lilion ra Tuhan.

IMAMAT 7:31

Musiti' lomok no solobon ru sangulun imam giu' ra rasawat ru altar, kaa' kubab ru bibiag no longgom ru imam-imam.

IMAMAT 7:32

Musiti' paa ra pamiris ru bibiag no pataakon koson ra taak lilion

IMAMAT 7:34

Kubab am paa ra pamiris ru bibiag no iono taak lilion ondo' alapon ru Tuhan intor ra ulun Nano koson taakin ra imam-imam. Tayar ragitio noyo ondo' musiti' taakin ru ulun ru Israil ra imam ra sabuoi-buoi no.

IMAMAT 9:21

Pataako' no kubab am paa ru bibiag no koson taak lilion ra Tuhan. Tayar ragitio longgom ru imam, koson ra nanusuban ri Musa.

JAKARIA 10:7

Mamagun ru Israil masauk ra maikang koson ra ulun tutumula', am maansukan koson ra ulun ondo' nanginum ra wain. Papag nilo mangkara' ra kamanangan ti, am maansukan sabap ra binaal ru Tuhan.

JAKARIA 9:15

Tuhan Ondo' Maayo Kaga' Kuasa' manindung ra ulun Nano, pusoon nilo pantula'. Mampaluwau ilo koson ra ulun magauk mampaluwau, liliwa' mampasasar ra raraa' ru pantula'; raraa' ru pantula' tumilis koson ra raraa' ru taak simbalui, ondo' pinasasar giu' ra rasawat ru altar intor ra rondo' mangkuk.

JAKARIA 9:17

Mapara' bonsoi no am kinaantak ru pagun no ra tauli no! Ungkuyon mamulok am ralaa lumanja' maikang; gandum am wain mangikang risilo.

UNTABAN 18:18

Okou tatangan ra kual ru taak no, nogondo' koson ra kubab am paa ra pamiris ru bibiag ondo' pinataak Raki' tayar ru taak luntukon.

UNTABAN 5:25

imam no musiti' mangalap ra taak tapung intor ra kalindu' ru ruandu' no, am potoroyon ginio koson pataakon ra Tuhan, am pabantaan ginio ra rasawat ru altar.

UNTABAN 6:21

Ginio noyo aturan ra ulun Nazir. Kaa' amon ru nambantu' sangulun Nazir koson manaak ra taak ondo' nasailan intor ra kitaak ru nazar nano, musiti' suguton no ngaangai' bantu' nano.

MATIUS 26:29

Balain takamin: Kalo boo manginum Aku ra wain ti saboi ra orou i Ama' tumalimpuun mamarinta am paat raginio bagu manginum Aku ra wain baguon mabaya' ramuyun.”

MARKUS 14:25

Balain takamin: Sotopot no kalo boo manginum Aku ra anggur saboi Aku manginum saguli' ra anggur baguon giu' ra Tana' Bagu ri Aki Kapuuno'.”

JUANIS 19:30

Kainum ri Jisus wain i, indagu Io, “Nopongo noyo!” Kuku' Io boo am kairui' Io ra painawo.