UNTABAN 6:15 - Tanou Moonsoi Timugon

¹⁵ Musiti' io niayuk mapataak ra sambakul ruti' kalo linatakan ra ragi: Ruti' makapal ondo' linatakan ra umau jaitun, am ruti' malilis ondo' linuitan ra umau jaitun. Musiti' io niayuk mapataak ra taak simbalui koson paringkuanangan am taak simbalui wain, koson ra ondo' inaru' noyo.

UNTABAN 6:15 ပူးပေါင်းရင်းမြစ်များ

KAINGKUALAN 29:2

Alap ra tapung ondo' moonsoi kaga', kaa' kolondo' ragi, pambaal noyo ra ruti'. Santayaran ra ruti' no baalon latakin ra umau jaitun, am santayaran poyo kolondo' ra umau jaitun, am santayaran poyo baalon ra ruti' malilis ondo' kupilin ra umau.

JISAYA 62:9

Kaa' akau ondo' napatias am nangkumos ra gandum makasia' ra ampos nano am mongompor ra Tuhan. Akau nangupu' ra kawa' ru anggur makasia' ra wain giu' ra liliut ru Baloi Kuno.”

JOIL 1:13

Akau imam-imam ondo' mangandoi giu' ra altar, pambayang kano ra konoon karung am pantangi' no. Umpos kano ra ralalom Baloi ru Tuhan am panulaboi kano ra mosorondom. Kolondo' boo gandum am wain koson pataakon ri Aki Kapuuno' min.

JOIL 1:9

Kolondo' boo gandum am wain koson pataakon giu' ra Baloi ru Tuhan; imam-imam nantangi' sabap ra kolondo' pataakon ra tayar ru Tuhan.

JOIL 2:14

Maaru' lair Tuhan i Aki Kapuuno' mino mangulau ra pangkaraan Nano, am mambarakat ramuyun ra ampos ru tana' ti ondo' masuang. Ginio ra makapampataak kau Riso ra gandum am wain.

IMAMAT 2:4

Amon ru taak no ruti' ondo' inansak ralalom ru oven, kalo latakin ruti' no ra ragi. Kakapalon pana ruti' no, baalon intor ra tapung moonsoi kaga' ondo' latakin ra umau jaitun, am kalilison pana ruti' no, ondo' luitin ra umau jaitun.

IMAMAT 7:12

Amon ru mapataak sasangulun no koson ra taak paringkuanangan ri Aki Kapuuno', musiti' io mapataak ra ruti' ondo' kalo linatakan ra ragi pabayaan ra bibiag ondo' pataakon no. Ruti' no kakapalon ayuk pana, ondo' baalon intor ra tapung latakin ra umau jaitun, kapoam ruti' malilis ondo' luitin ra umau jaitun, kapoam kuui ondo' baalon intor ra tapung ondo' latakin ra umau jaitun.

IMAMAT 8:2

“Ibito' i Arun am anak-anak nano mongoi ra kulobon ru Kim Kuno, am ibito' niayuk bayang ru imam, umau upacara, sapi' gawayan mamulok tayar ra taak simbalui koson mangampun ra tula, ruo ngainan domba gawayan, am sambakul ruti' ondo' kalo latakin ra ragi.

IMAMAT 9:4

Papataak niayuk ra sanginan sapi' gawayan am sanginan domba gawayan tayar ru taak simbalui koson makibarakat ra Tuhan. Musiti' ilo mapataak ra karuruo bibiag no ra Tuhan mabaya' ra taak simbalui koson paringkuanangan, iono taak ondo' latakin ra umau. Musiti' nilo baalon ngaangai' no sabap ra paat ra orou raiti' mintalang Tuhan risilo.”

UNTABAN 15:10

pabayaan ra ruo ngalito wain. Owou ru lisun ru taak-taak simbalui raginio mapabansuk ra guang ru Tuhan.

UNTABAN 6:16

Imam musiti' magibit ra ngaangai' no ra saang ru Tuhan, am niayuk taak simbalui koson mangampun ra tula am taak simbalui koson mapabansuk ra guang ru Tuhan.

1 KORINTUS 10:31

Atan ayuk pana baalon mino, kapoam akanon am inumon min niayuk, baalo' min ngaangai' ginio koson mangurumat ri Aki Kapuuno'.

1 KORINTUS 11:26

Sabap ra moonong ra akau mangakan ra ruti' ti am niayuk manginum ra sangkir ti, mampatanou kau ra pinatayan ru Tuhan saboi ra Io matong saguli'.