UNTABAN 6:12 - Tanou Moonsoi Timugon

¹² am manalimbagu ra nazar nano ra Tuhan koson ra ulun Nazir buoi ra ondo' inaru'. Buoi ondo' nakasail no kalo boo untobon sabap ra abuk nano ondo' patimpokon nano nasauk ra majamol. Koson ra taak simbalui koson mambayar ra kalubatan, musiti' ulun no mapataak ra sanginan anak domba ondo' umur no sambilor.

UNTABAN 6:12 ပူးပေါင်းရင်းမြစ်များ

KAINGKUALAN 12:5

Pampilion kau ra sanginan domba kapoam sanginan kambing, kaa' musiti' gawayan bibiag no ondo' umur no sambilor, am ondo' kolondo' maruol nano.

YEHEZKIEL 18:24

“Kaa' amon ru sangulun moonsoi lumonggo' mambaal ra moonsoi, am tumalimpuun mambaal ra malaat am mambaal ra baal-baal ondo' binaal ru ulun malaat, maayag io ayuk kia? Kalo! Ngaangai' baal moonsoi ondo' igondo' binaal nano kalo karaan. Matoi io sabap ra kalo gumagaya' io Raki' am sabap ra makatula io noyo.

IMAMAT 14:24

Alapon ru imam anak domba no am umau jaitun no am mapataak raginilo koson taak lilion ra Tuhan, am tayar ragitilo masauk ra imam no tatangan.

IMAMAT 5:6

Koson ra ukuman ru tula nano, musiti' ulun no mapataak ra Tuhan ra sanginan domba ruandu' kapoam kambing ruandu'. Musiti' imam mapataak ra taak simbalui no koson mangampun ra tula ru ulun no.

IMAMAT 5:7

Amon ru ulun makatula no kalo makapanaak ra sanginan domba kapoam kambing koson mamuli' ra tula nano, musiti' io mapataak ra Tuhan ra ruo ngainan susuit maningkuluuk kapoam ruo ngainan susuit asang: Sanginan tayar ra taak simbalui koson mangampun ra tula, am sanginan poyo tayar ra taak simbalui koson mapabansuk ra guang ru Tuhan.

UNTABAN 6:11

Mapataak imam no ra sanginan susuit tayar ru taak simbalui koson mangampun ra tula, am sanginan poyo tayar ru taak simbalui koson mapabansuk ra guang ru Tuhan. Mapaugar imam ra upacara pamasawan ra ulun no sabap mininggaar io noyo ra baangkai. Paat orou raginio niayuk, ulun no musiti' patimpokon abuk nano saguli' ra Tuhan,

UNTABAN 6:13

Paat mopongo ru sangulun Nazir no gogoton nano, musiti' io mambaal ra upacara ragitio. Musiti' io mongoi ra kulobon ru Kim ru Tuhan

MATIUS 24:13

Kaa' osoi ayuk tumaan saboi ra pupus no bayagon.

MATIUS 3:15

Kaa' taam i Jisus, “Polosoon ayuk ra raino ti, sabap ra koson ragitio ito sumugut ra kasagaan ri Aki Kapuuno'.” I Juanis pana nangiou.

JAKUBUS 2:10

Ulun ondo' manggal ra rondo' pana panusuban intor ra Ukum ri Aki Kapuuno', manggal io niayuk ra ngaangai' panusuban.

2 JUANIS 1:8

Ginio ra ilalai' min! Maa' raginio kalo matatakan kau ra atan ondo' kinandoi maili ramuyun, kaa' makaalap kau ra atan ondo' taakin ri Aki Kapuuno' ramuyun.