UNTABAN 5:9 - Tanou Moonsoi Timugon

⁹ Koson niayuk ra moonong indangan luntukon ondo' pataakon ru ulun ru Israil ra Tuhan; indangan no masauk ra imam ondo' mangapu no tatangan.

UNTABAN 5:9 ပူးပေါင်းရင်းမြစ်များ

KAINGKUALAN 29:28

Gitio noyo kapatasan Kuno ra kalo boo makulau: Paat ra matong ulun Kuno mapataak ra taak simbalui koson makibarakat ra Tuhan, musiti' kubab am paa ru bibiag no pataakon ra imam-imam. Tampilon raginio noyo taak intor ra ulun Kuno Raki', Tuhan.

IMAMAT 10:13

Akano' ruti' no giu' ra intok ondo' matulai. Ruti' ti intor ra akanon ondo' pinataak noyo ra Tuhan; ruti' ti tayar muno am anak-anak ungkuyon muno. Gitio noyo ondo' nanusuban ru Tuhan raki'.

IMAMAT 10:14

Kaa' okou am anak-anak muno, ungkuyon am ruandu' makaakan ra kubab ondo' pinataak koson ra taak lilion am niayuk paa ru bibiag ondo' pataakon koson ra taak lilion, sabap ra ngaangai' no longgom ru imam-imam. Maakan min ginio ra ati ayuk intok ondo' kalo majamol. Taak ti iono tayar intor ra taak simbalui koson makibarakat ra Tuhan, ondo' pataakon ru ulun ru Israil. Pinataak noyo taak no rirun am anak-anak muno koson ra longgom min.

IMAMAT 10:15

Musiti' ulun ru Israil magibit ra paa am kubab ru bibiag no paat ra ilo mapataak ra lomok no koson ra taak akanon ra Tuhan. Tayar ragitio longgom muno am anak-anak muno ra sabuoi-buoi no, koson ra nanusuban ru Tuhan.”

IMAMAT 6:26

Imam ondo' mapataak ra bibiag no musiti' mangakan raginio giu' ra intok ondo' mapasau, iono giu' ra liliut ru Kim ru Tuhan.

IMAMAT 7:32

Musiti' paa ra pamiris ru bibiag no pataakon koson ra taak lilion

IMAMAT 7:34

Kubab am paa ra pamiris ru bibiag no iono taak lilion ondo' alapon ru Tuhan intor ra ulun Nano koson taakin ra imam-imam. Tayar ragitio noyo ondo' musiti' taakin ru ulun ru Israil ra imam ra sabuoi-buoi no.

UNTABAN 18:19

Ngaangai' indangan luntukon ondo' pataakon ru ulun ru Israil Raki', pataakon Ku rirun, anak-anak muno ra ungkuyon am ruandu' ra sabuoi-buoi no. Nabantuan ti kalo maalap kasulang; binaal Ku noyo ginio rirun am papag muno.”

UNTABAN 31:41

Ginio ra nangani' i Musa ra taak indangan luntukon no ri Iliajar koson ra taak ra Tuhan, koson ra nanusuban ru Tuhan.

UNTABAN 5:8

Kaa' amon ru ulun ra nalubatan no minatoi noyo am kolondo' pabukat ra mamaar ondo' mangapu ra bayaran ru kalubatan, bayaran no musiti' pataakon ra Tuhan am masauk ra imam tatangan. Pambayaran ra kalubatan no iono paruangon ra domba gawayan ondo' maindalom pataakon ra tayar ru upacara pamasawan ra ulun makasala.

SAGULION 12:26

Ibito' noyo taak simbalui am taak ondo' binantu' min noyo ra Tuhan mongoi ra rondo' intok sambayangan no.