UNTABAN 4:14 - Tanou Moonsoi Timugon

¹⁴ Giu' rasawat ru altar no, musiti' pabantaan ngaangai' kuliamos ondo' pakayon ralalom ru sambayang giu' ra altar: intok ru baa, garapu', susuuk am bisin. Ngaangai' no musiti' taubin ra kungkung malumis, am paatangon boo tataun pamandas ra altar.

UNTABAN 4:14 ပူးပေါင်းရင်းမြစ်များ

2 TUNUNG RU BANSA' ISRAIL 4:19

Nanusub niayuk Raja' Salomo ra ulun mambaal ra kuliamos mas ra Baloi ru Tuhan: altar am mija' ru ruti' ondo' pataakon ri Aki Kapuuno';

KAINGKUALAN 27:1

“Baalo' noyo rondo' altar intor ra tataun akasia. Altar no musiti' apat persegi, gawar no 2.2 ngamito, pila' no 2.2 ngamito am sawat no 1.3 ngamito.

KAINGKUALAN 27:3

Baalo' noyo paliuk ru kaau makaumau, am pambaal niayuk ra panuuk, mangkuk, garapu' am intok ru apui; musiti' ngaangai' ru kuliamos no baalon intor ra gangsa'.

UNTABAN 4:13

Musiti' nilo impasawin altar intor ra kaau ondo' makaumau, am pabingkalon rondo' konoon matanggilung ra rasawat no.

UNTABAN 4:15

Paat maparulun ra Kim, bansa' ru Kigat mangkayang ra kuliamos mangapasau ra mopongo ayuk taubin ri Arun am anak-anak nano ngaangai' kuliamos no am niayuk kuliamos ra ukop nano. Kalo pokombongon bansa' ru Kigat ra kuliamos mangapasau no. Amon ru mangambong ilo raginio, matoi ilo. Ginio noyo kandoi ru bansa' ru Kigat paat pabandingon Kim ru Tuhan.

UNTABAN 4:6

Ilo pana musiti' manaub poyo ra kaban no rondo' kungkung malumis, am pabingkalon rondo' konoon motomou ra ralimbou no, am paatangon tataun pamandas ra Kaban Nabantuan.