UNTABAN 4:12 - Tanou Moonsoi Timugon

¹² Musiti' ilo mangalap ra ngaangai' kuliamos ondo' pakayon giu' ralalom Lamin Matulai, am lopoton ngaangai' no ra rondo' konoon motomou. Ngaangai' no musiti' taubin ra rondo' kungkung malumis, am ngaangai' no pabantaan ra rasawat ru pamandasan.

UNTABAN 4:12 ပူးပေါင်းရင်းမြစ်များ

1 TUNUNG RU BANSA' ISRAIL 9:28

Ulun ru Liwi ra bokon pinalansanan manalingapu ra kuliamos ondo' pinakai koson sambayang. Untobon nilo kuliamos no paat ra ingkualon am buliin saguli'.

1 TUNUNG RU BANSA' ISRAIL 9:29

Ulun ru Liwi ra bokon no poyo pinalansanan manalingapu ra parabut-parabut ru sambayang am niayuk tapung, timug, wain, umau jaitun, kaminyan am niayuk apa' pampagamis ra akanon.

2 TUNUNG RU BANSA' ISRAIL 4:11

Nambaal niayuk i Guram ra pagangan, susuuk am mangkuk. Pinongo no nambaal ra ngaangai' kuliamos ondo' binantu' nano ra Raja' Salomo koson ra Baloi ru Tuhan: 2 ngantaun lugu' 2 ngantaun ulu ru lugu' binaal koson ra mangkuk ondo' pinabanta' giu' ra rasawat ru lugu'-lugu' no Rantai pinangkikiting ra moonong ulu ru lugu' 400 kawa' ru dalima' intor ra gangsa' ondo' sinauk ra ruo ngambaris pinaliput ra rantai pinangkikiting ra moonong ulu ru lugu' 10 kurita' bundukon ru kuda 10 bisin 1 tangki' 12 ngainan sapi' gawayan intor ra gangsa' koson panungka' ra tangki' Pagangan-pagangan, susuuk-susuuk am garapu'-garapu'. I Guram, ulun manukang ra matuyu' no, nambaal ra ngaangai' kuliamos no intor ra gangsa' ondo' inisasan toojo koson pakayon giu' ra Baloi ru Tuhan, koson ra ondo' nanusuban ru Raja' Salomo.

2 TUNUNG RU BANSA' ISRAIL 4:19

Nanusub niayuk Raja' Salomo ra ulun mambaal ra kuliamos mas ra Baloi ru Tuhan: altar am mija' ru ruti' ondo' pataakon ri Aki Kapuuno';

2 TUNUNG RU BANSA' ISRAIL 4:22

kuliamos koson mamasau ra sumbu' ru lampung, mangkuk, pinggan koson pamulian ra kaminyan, am intok ru baa. Ngaangai' kuliamos raginio binaal intor ra mas kopoyo. Angob ra kulobon-kulobon ra liwar ra Baloi ru Tuhan am angob ra kulobon-kulobon mongoi ra Lamin Matulai Kaga' inangkupan ra mas.

KAINGKUALAN 25:5

kungkung ru domba gawayan ondo' kinalia'; kungkung malumis; tataun akasia;

KAINGKUALAN 25:9

Kim no am ngaangai' kuliamos no musiti' baalon maya' ra inatang ondo' tuluin Takamin.”

KAINGKUALAN 31:10

bayang ru sambayang ru imam, ondo' bayangon ri Arun am anak-anak nano paat ra ilo mangandoi koson ra imam,

UNTABAN 3:8

Pinaalungan risilo ngaangai' kuliamos ru Kim Kuno am mapaugar ra kandoi ra tayar ru ngaangai' ulun ru Israil.

UNTABAN 4:11

Mopongo raginio musiti' nilo pabingkalon rondo' konoon motomou ra rasawat ru altar mas, am taubin ginio ra rondo' kungkung malumis. Ilo pana musiti' mapaatang ra tataun pamandas ra altar no.

UNTABAN 4:13

Musiti' nilo impasawin altar intor ra kaau ondo' makaumau, am pabingkalon rondo' konoon matanggilung ra rasawat no.

UNTABAN 4:6

Ilo pana musiti' manaub poyo ra kaban no rondo' kungkung malumis, am pabingkalon rondo' konoon motomou ra ralimbou no, am paatangon tataun pamandas ra Kaban Nabantuan.

UNTABAN 4:7

Musiti' nilo pabingkalon rondo' konoon motomou ra rasawat ru mija', intok ru ruti' ondo' pataakon ra Tuhan. Musiti' nilo pabantaan pinggan, mangkuk ru kaminyan, mangkuk ru taak simbalui, am rarapu' tayar ru taak simbalui wain rasawat ru mija'. Musiti' taak ra ruti' magail soroi ra rasawat ru mija'.

UNTABAN 4:9

Musiti' ilo mangalap ra rondo' konoon motomou am taubin tampakan ra lampung am niayuk lampung-lampung no, sumpit pamasau ra sumbu' ru lampung, talam am ngaangai' papasuangan ra umau jaitun.