UNTABAN 34:3 - Tanou Moonsoi Timugon

³ Tampilon ra rabugus ru balitan no tumalimpuun intor ra tana' kaagisan Jin am mansisil ra balitan ru Idom. Tampilon ra sirangon ru balitan no tumalimpuun intor ra pompor ru rabugus ru Raat Matoi.

UNTABAN 34:3 ပူးပေါင်းရင်းမြစ်များ

KASAUKAN 14:3

Kalilimo ngaulun raja' no nantutuluk am pinasimpung nilo saujor nilai giu' ra Limayak Sidim, ondo' raino sabiton ra Raat Matoi.

KAINGKUALAN 23:31

Aruon Ku balitan ru pagun min intor ra Teluk Akaba mongoi ra Sungoi Iprat, am intor ra Raat Tanga' polos ra tana' kaagisan. Mangani' Aku ramuyun ra kuasa' ra mamagun ru pagun no, am pagiruon min ilo ra akau jumalai.

YEHEZKIEL 47:13

Indagu Tuhan Raja', “Ondo' sumunu' ti iono balitan ru tana' ondo' tinayar ra mopor am ruo bansa' ru Israil. Bansa' ri Jusup musiti' makaalap ruo tayar.

YEHEZKIEL 47:8

Indagu io raki', “Timug ondo' tumilis mongoi ra tampilon sirangon mansail ra pagun ti, am tumuun mongoi ra Limayak Sungoi Jordan am mongoi ra Raat Matoi. Paat ra timug no makasaboi ra ralalom ru Raat Matoi, timug ru raat ondo' maasin no pana aligin ra timug mapalo.

UNTABAN 13:21

Ginio ra ongoi ilo ra tampilon ralayo am liniput tana' no, intor ra tana' kaagisan Jin tampilon ra rabugus saboi ra bandar Rigob, maar ra Ginting Gamat tampilon ra ralayo.

JOSUA 1:4

Balitan ru wilayah min tumalimpuun intor ra tana' kaagisan tampilon ra rabugus saboi ra Kagunungan Libanon tampilon ra ralayo; intor ra sungoi ondo' maayo, iono Sungoi Iprat tampilon ra sirangon am titikop pagun ru ulun ru Git, saboi ra Raat Tanga' tampilon ra kalasaan.

JOSUA 3:16

muog sungoi no tumilis. Maalur giu' ra ralayo ru sungoi, natimung timug no giu' ra Adam, rondo' bandar maar ra Sartan. Timug ondo' tumilis mongoi ra Raat Matoi naputat toojo. Ginio ra nakalaup ulun ru Israil ra sungoi maar ra bandar Jiriko.