UNTABAN 33:53 - Tanou Moonsoi Timugon

⁵³ Ayani' noyo tana' no am ayan noyo ra giu' sabap ra taakin Ku ginio ramuyun.

UNTABAN 33:53 ပူးပေါင်းရင်းမြစ်များ

KASAUKAN 15:7

Indagu boo Tuhan ri Abram, “Aku noyo Tuhan ondo' nagibit noyo rirun mingkual intor ra Bandar Ur ra pagun ru Babilonia koson manaak rirun ra tana' ti am okou noyo tatangan.”

MAZMUR 115:16

Suruga' iono longgom ru Tuhan ayuk, kaa' tana' ti pinataak No ra ulun.

DANIL 4:17

Ginio noyo kapatasan ru malaikat-malaikat ondo' mapintar am pagilalain. Ginio ra, ulun ra ati ayuk makapandai ra i Aki Kapuuno' Ondo' Masawat Kaga' mokoondo' ra kuasa' ra pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano, am poyo ra ulun ondo' totopot kalo maatang.’

DANIL 4:25

Pagiruon kou intor ra ulun manampagun, am mayan simpung ra bibiag masigo. Buoi tulu' ngambilor okou mangakan ra sakot koson ra sapi', mombolong giu' ra tana' malimparang saboi basaan ru bolobou. Makapandai kou boo ra i Aki Kapuuno' Ondo' Masawat Kaga' mokoondo' ra kuasa' ra ngaangai' pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano.

DANIL 4:32

Pagiruon kou intor ra ulun manampagun, am mayan giu' ra tatanga' ru bibiag masigo. Mangakan kou ra sakot koson ra sapi' buoi tulu' ngambilor. Makapandai kou boo ra i Aki Kapuuno' Ondo' Masawat Kaga' mokoondo' ra kuasa' ra pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano.”

MATIUS 20:15

Maaru' makapanaak aku maya' ra guang kuno am ruit kuno galama'! Kua sangit kau ra kinataau ru guang kuno?’ ”

SAGULION 11:31

Kalo boo mabuoi lumaup kau ra Sungoi Jordan am mayan ra tana' ondo' taakin ramuyun ru Tuhan i Aki Kapuuno' min. Paat ra akau mayan ra tana' raginio am lumayun ra giu' no,

SAGULION 17:14

Maalap min tana' ondo' pataakon ramuyun ru Tuhan i Aki Kapuuno' min, am magulayun kau noyo ra giu' no, maaru' gumogot kau ra sangulun raja' koson ra bansa'-bansa' ra liput min.

SAGULION 3:18

Paat raginio niayuk nanusub aku risilo, ‘Tuhan i Aki Kapuuno' takau nanaak noyo ritakau ra tana' tampilon ra sirangon ru Sungoi Jordan koson masauk ra intok ayanan min. Raino ukapi' noyo saujor mino ra kinandoi mangayou, am susubo' ilo mongoi ra sandaup ru Sungoi Jordan, maa' raginio sumigulu ilo ra bansa' ru Israil ra bokon koson mangindangan risilo mayan ra tana' raginio.

SAGULION 32:8

Paat ra Io Ondo' Masawat Kaga' nantayar ra tana' ra bansa'-bansa', nangaru' Io ra wilayah intok ayanan nilo, am malaikat koson ra manindung,

SAGULION 7:17

“Pai' karaa' ra kinasuang ru bansa'-bansa' raginio masuang poyo intor ramuyun, am ra kalo makapapagiru' kau risilo.

JOSUA 1:6

Musiti' kou mangintopot am baani, sabap masauk kou ra tingganai ru ulun ragitio paat ra ilo mampagaau ra tana' ondo' binantu' Kuno ra kinamatuaan nilo.

JOSUA 21:43

Ginio noyo nanaak Tuhan ra titikop ra tana' ondo' binantu' Nano ra ibot ra kinamatuaan nilai. Kopongo nampagaau ra tana' no, namagun ilo ra giu' no.

JOSUA 23:5

Tuhan i Aki Kapuuno' min mangkinibit risilo lumugut am magiru' intor ramuyun paat aku mangayou risilo. Maalap min tana' nilo koson ondo' binantu' ru Tuhan i Aki Kapuuno' min.