UNTABAN 32:5 - Tanou Moonsoi Timugon

⁵ pataako' noyo ramon tana' raginio koson ra akai tatangan. Pai' akai susubo' sumandaup ra Sungoi Jordan am mayan ra giu' no.”

UNTABAN 32:5 ပူးပေါင်းရင်းမြစ်များ

KASAUKAN 19:19

Iou, nangindangan kono toojo pamayag raki', kaa' kabuluran raginio maalur kaga', maaru' lair masunu' aku ru baal makalalaa' no am matoi aku noyo ra kalo poyo makasaboi ra giu' no.

2 SAMUIL 14:22

Igugulatur i Joab ra saang ru Raja' Daut, am indagu, “Gama' ru i Aki Kapuuno' mambarakat rirun! Raino nakapandai aku ra maansayan kou raki' sabap ra nangiou kou noyo ra kitaakon kuno.”

ESTER 5:2

Pakakito raja' ri Andu' Raja' Ester minigor giu' ra liwar, motogom raja' riso, am patutuyo' jujuga' mas riso. Ginio ra jalai i Ester am kombongo' pompor ru jujuga' no.

JIRIMIA 31:2

Ragili giu' ra tana' kaagisan nampakito Aku ra makaasi' risilo ondo' nakalabus intor ra kapatayan. Paat ra ulun ru Israil maguyum ra katangusan,

UNTABAN 32:6

Taam i Musa, “Masaga' kau kia mayan ragiti, am ondo' boo ulun rondo' bansa' ramuyun mongoi pangayou?

SAGULION 1:37

Sabap ra akau, siminangit niayuk Tuhan raki' am indagu, ‘Musa, okou pana kalo mokoongoi ra tana' raginio.

JOSUA 7:7

Indagu i Josua, “Iou Tuhan Raja', kua kia pagibit Kou ramon lumaup ra Sungoi Jordan? Masaga' Kou kia mapataak ramon ra ulun ru Amori maa' raginio pusoon nilo? Kua pai' Mu polosoon akai mayan ayuk giu' ra sandaup ru sungoi no?

RUT 2:10

Igulatur i Rut am indagu ri Boas, “Kua guango' mu aku koon raginio am bonsoi ru guang muno raki'? Aku ti ulun ru bansa' ra bokon ayuk!”

1 SAMUIL 20:3

Taam i Daut, “Nakapandai ama' muno ra motogom kou kaga' raki'. Ginio ra kalo nambala' ama' muno rirun ra atan ondo' inatang nano, maa' raginio kalo mangiluk guang muno. Magibot aku ralalom inggalan ru Tuhan ondo' naayag ra sotopot no kaayagan kutu matikapulir ra kapatayan!”