UNTABAN 32:33 - Tanou Moonsoi Timugon

³³ Kopongo raginio pataako' ri Musa ngaangai' wilayah ru Raja' Sigon, raja' ru ulun ru Amori no am niayuk wilayah ru Raja' Og, raja' ru pagun Basan, nakaaya' ngaangai' bandar am tana' ra libung no ra bansa' ru Gad am bansa' ru Rubin, am niayuk ra sampiruo bansa' ru Manasi.

UNTABAN 32:33 ပူးပေါင်းရင်းမြစ်များ

1 TUNUNG RU BANSA' ISRAIL 26:32

Ngaangai' ugar ru ugama am pamarintaan giu' ra Israil tampilon ra sirangon ru Sungoi Jordan, iono giu' ra wilayah ru bansa' ru Rubin, Gad am Manasi Sirangon, pinataak ra 2,700 tingganai ru sasambaloi ri Jiria; ilo ngaangai' ulun nangauligan kaga' ondo' pinili' ri Raja' Daut.

1 TUNUNG RU BANSA' ISRAIL 5:18

Bansa' ru Rubin, bansa' ru Gad, am bansa' ru Manasi Sirangon mokoondo' 44,760 ngaulun saujor ondo' naila' toojo am mapandai toojo mamakai ra perisai, ilang am busur.

UNTABAN 32:1

Bansa' ru Rubin am bansa' ru Gad mokoondo' ra masuang bibiag tinambiag. Paat ilo nakakito ra mapara' bonsoi ru tana' Jaijir am Giliad ra intok panambiagan,

UNTABAN 32:32

Sabap ra susuban ru Tuhan, sumandaup akai ra sungoi am mongoi ra tana' ru Kanaan. Mongoi akai pangayou maa' raginio tana' tampilon ra sirangon ru Sungoi Jordan ti magulayun akai tatangan.”

UNTABAN 34:14

Bansa' ru Rubin, bansa' ru Gad, am sampiruo intor ra bansa' ru Manasi, nakaapu noyo ra tayar nilono, ondo' tinayar sumugut ra sasambaloi nilono.

UNTABAN 34:15

Tana' tungkuson nilono intok no giu' ra sirangon ru Sungoi Jordan, nantaluma' ra bandar Jiriko.”

SAGULION 29:8

am ginaau tana' nilo. Tinaakan takau boo tana' nilo ra bansa' ru Rubin, Gad am sampiruo ra bansa' ru Manasi.

JOSUA 12:1

Ulun ru Israil nampagaau noyo am minayan ra wilayah tampilon ra sirangon ru Sungoi Jordan, intor ra Limayak Arnon saboi ra Limayak Jordan am saboi ra galur ru Gunung Girmon giu' ra ralayo. Kinala nilo ruo ngaulun raja'.

JOSUA 12:6

Raja'-raja' no kinala ri Musa am ulun ru Israil. I Musa ulipon ru Tuhan, nanaak noyo ra wilayah ru raja'-raja' no ra bansa' ru Rubin, Gad am sampiruo intor ra bansa' ru Manasi koson longgom nilo galama'.

JOSUA 14:3

I Musa nanaak noyo ra tana' giu' ra tampilon sirangon ru Sungoi Jordan ra bansa'-bansa' ondo' ruo am maintanga'. (Papag ri Jusup natayar ra ruo bansa', iono Manasi am Ipraim.) Kaa' kalo nanaak i Musa ra bansa' ru Liwi ra tana' intor ra wilayah ra ati pana. Kaa' tinaakan risilo bandar-bandar koson ra intok ayanan am padang sakot tayar ru bibiag tinambiag nilo.

JOSUA 22:4

Raino, koson ra binantu' Nano, Tuhan i Aki Kapuuno' min nanaak noyo ramuyun ra kamiaan ra gino ngai' min ulun ru Israil. Ginio ra, ruli' noyo ra pagun longgom muno, tana' tampilon ra sirangon ru Sungoi Jordan ondo' tinaakan ri Musa, ulipon ru Tuhan ramuyun.

1 SAMUIL 13:7

Mokoondo' niayuk kukula' ngaulun ondo' liminaup ra Sungoi Jordan, am minongoi ra wilayah ru Gad am Giliad. Lakat poyo Raja' Saul no soroi ra Gilgal, am ulun-ulun ondo' minaya' riso nonontol ra nalaa'.