UNTABAN 32:32 - Tanou Moonsoi Timugon

³² Sabap ra susuban ru Tuhan, sumandaup akai ra sungoi am mongoi ra tana' ru Kanaan. Mongoi akai pangayou maa' raginio tana' tampilon ra sirangon ru Sungoi Jordan ti magulayun akai tatangan.”

UNTABAN 32:32 ပူးပေါင်းရင်းမြစ်များ

IMAMAT 14:34

ra aturan ragitilo intor ra baloi ondo' natiu' ra kulapuk ondo' gumaai. Aturan ragitilo musiti' gagayaan ru ngaangai' ulun ru Israil mopongo mumpos ralalom pagun Kanaan, ondo' taakin ru Tuhan risilo koson ra ilo tatangan. Osoi ondo' makapandai ra naparatong noyo Tuhan ra kulapuk giu' ralalom baloi nano, musiti' baal raginio pabalaan min ra imam.

UNTABAN 32:19

Kalo mangalap akai ra koborok pana intor ra tana' giu' ra sandaup ru Sungoi Jordan, sabap ra nakaapu akai noyo ra tayar maino tampilon ra sirangon ru Sungoi Jordan.”

UNTABAN 32:31

Taam ulun intor ra bansa' ru Gad am bansa' ru Rubin, “Gumagaya' akai ra susuban ru Tuhan.

UNTABAN 32:33

Kopongo raginio pataako' ri Musa ngaangai' wilayah ru Raja' Sigon, raja' ru ulun ru Amori no am niayuk wilayah ru Raja' Og, raja' ru pagun Basan, nakaaya' ngaangai' bandar am tana' ra libung no ra bansa' ru Gad am bansa' ru Rubin, am niayuk ra sampiruo bansa' ru Manasi.

UNTABAN 34:15

Tana' tungkuson nilono intok no giu' ra sirangon ru Sungoi Jordan, nantaluma' ra bandar Jiriko.”

SAGULION 1:1

Kitab ti makasuang ra ragu ondo' pinasaboi ri Musa ra ulun ru Israil paat ilo soroi giu' ra tana' kaagisan giu' ra Limayak Jordan. Limayak raginio giu' ra tampilon sirangon ru Sungoi Jordan, maar ra bandar Sup, lolot ru bandar Paran ra sapapa' am bandar Topil, Laban, Gajirot am Di-Jagab ra sapapa' ra bokon. (

SAGULION 29:8

am ginaau tana' nilo. Tinaakan takau boo tana' nilo ra bansa' ru Rubin, Gad am sampiruo ra bansa' ru Manasi.

SAGULION 3:12

“Mopongo tana' raginio masauk ra longgom takau, nangani' aku ra bansa' ru Rubin am Gad ra tana' giu' ra ralayo ru bandar Aroir, maar ra Sungoi Arnon am santayaran intor ra kabuluran Giliad, nakasimpung bandar ra giu' no.

JOSUA 12:1

Ulun ru Israil nampagaau noyo am minayan ra wilayah tampilon ra sirangon ru Sungoi Jordan, intor ra Limayak Arnon saboi ra Limayak Jordan am saboi ra galur ru Gunung Girmon giu' ra ralayo. Kinala nilo ruo ngaulun raja'.

JOSUA 12:6

Raja'-raja' no kinala ri Musa am ulun ru Israil. I Musa ulipon ru Tuhan, nanaak noyo ra wilayah ru raja'-raja' no ra bansa' ru Rubin, Gad am sampiruo intor ra bansa' ru Manasi koson longgom nilo galama'.