UNTABAN 32:29 - Tanou Moonsoi Timugon

²⁹ “Amon ru ulun ru Gad am ulun ru Rubin sumandaup ra Sungoi Jordan am nakatampos mangayou sabap ra susuban ru Tuhan, am amon ru mabaya' ra indangan nilo, makasugut kau mampagaau ra tana' no, taaki' noyo risilo tana' Giliad koson ra tungkuson nilo.

UNTABAN 32:29 ပူးပေါင်းရင်းမြစ်များ

UNTABAN 32:17

Mopongo raginio tumampos akai maya' ra gino ngai' bansa' maino mongoi pangayou. Akai maningganai ra bulunsar raginio saboi makaindangan akai risilo mayan ra tana' ondo' masauk ra ilo tatangan. Liliwa' raginio anak andu' maino makaayan ragiti, ralalom ru bandar-bandar ondo' makatimbok am makapamayagan intor ra bulunsar ru mamagun ru pagun ti.

UNTABAN 32:28

Ginio ra nanaak i Musa ra susuban ragitio ra Imam Iliajar, i Josua am tingganai-tingganai ru Israil ra bokon, kono,

UNTABAN 32:30

Kaa' amon ru kalo sumandaup ilo ra Sungoi Jordan koson mangayou mabaya' ramuyun, makaapu ilo ayuk ra tayar ru tana' giu' ra Kanaan, nogondo' ramuyun.”

JOSUA 12:6

Raja'-raja' no kinala ri Musa am ulun ru Israil. I Musa ulipon ru Tuhan, nanaak noyo ra wilayah ru raja'-raja' no ra bansa' ru Rubin, Gad am sampiruo intor ra bansa' ru Manasi koson longgom nilo galama'.

JOSUA 13:11

nakasimpung niayuk libung Giliad, libung giu' ra liliut ru Gisur am Maakga, titikop intok ru Gunung Girmon am titikop libung ru Basan saboi ra Salka.

JOSUA 14:3

I Musa nanaak noyo ra tana' giu' ra tampilon sirangon ru Sungoi Jordan ra bansa'-bansa' ondo' ruo am maintanga'. (Papag ri Jusup natayar ra ruo bansa', iono Manasi am Ipraim.) Kaa' kalo nanaak i Musa ra bansa' ru Liwi ra tana' intor ra wilayah ra ati pana. Kaa' tinaakan risilo bandar-bandar koson ra intok ayanan am padang sakot tayar ru bibiag tinambiag nilo.

JOSUA 18:7

Kaa' bansa' ru Liwi kalo makaalap ra tayar ru tana' mabaya' ramuyun, sabap tayar nilo iono mangandoi ra Tuhan koson ra imam. Bansa' ru Gad, Rubin am Manasi Sirangon nakaalap noyo ra tana' giu' ra tampilon sirangon ru Sungoi Jordan, ondo' tinaakan ri Musa, ulipon ru Tuhan risilo.”

JOSUA 22:9

Ginio ra ulun intor ra bansa' ru Rubin, Gad am Manasi Sirangon minuli'. Iniruanan nilo ulun ru Israil ra bokon giu' ra Silo, giu' ra tana' ru Kanaan, am minongoi ilo ra Giliad, giu' ra tana' longgom nilo galama', ondo' inapu nilo sumugut ra susuban ru Tuhan ondo' pinabala' galing ri Musa.

TINGGANAI RU BANSA' 10:3

Kopongo i Tola, ulun ru Israil tiningganai ri Jair. Naningganai io ra Israil buoi ruo ngoopor am ruo ngambilor. Intor i Jair ra Giliad.

1 SAMUIL 18:17

Nangatang Raja' Saul maa' raginio potoyon i Daut no ru ulun ru Palistin ralalom ru pangayawan maa' raginio sala' ka Raja' Saul galama' ondo' mamatoi riso. Ginio ra, sangarawan raginio indagu Raja' Saul ri Daut, “I Mirab, anak ruandu' ra katuaan kuno, pawatin ku rirun, ginio ayuk ra mangandoi kou raki' masauk ra saujor ondo' baani am gumagaya', am niayuk mangayou ra tayar ru Tuhan.”