UNTABAN 32:23 - Tanou Moonsoi Timugon

²³ Kaa' amon ru kalo manugut kau ra bantu', karaa' ra makatula kau ra Tuhan. Sotopot no, ukumin kau sabap ra tula mino.

UNTABAN 32:23 ပူးပေါင်းရင်းမြစ်များ

KASAUKAN 13:13

Giu' ra bandar Sodom no inayanan ru ulun ondo' mangalaat kaga' am makatula ra Tuhan.

KASAUKAN 4:7

Amon ru nambaal kou ra moonsoi maaru' matakau bulos muno; kaa' nambaal kou ra malaat, ginio boo ra tula muno mamparuku' rirun, kaa' musiti' mu anggalon ginio.”

KASAUKAN 44:16

Taam i Jiuda, “Tuan, atan kia paraguon mai rirun? Atan koson kia akai mansang? Atan koson kia akai magisaung? Pinatalang noyo ri Aki Kapuuno' sala maiti. Raino, akai ngaangai' ti ulipon muno am sala' ka ayuk ra ulun ondo' narampatan makasangkir raginio.”

2 SAMUIL 3:39

Kabalu' pana ra aku ti raja' pinili' ri Aki Kapuuno', kaa' paat orou raiti' makaliman aku ra malawo. Anak-anak ri Jiruya no malaat kaga'. Kalo tumaan aku manguasa' risilo. Polosoon noyo Tuhan mangukum ra ulun-ulun malaat no nontopot ra binaal nilono!”

1 RAJA'-RAJA' 2:32

Mangukum Tuhan ri Joab sabap ra namatayan ondo' binaal nano ra kalo nakapandai Raja' Daut, ama' kuno. Namatoi i Joab ra ruo ngaulun ondo' kolondo' sala, ruo ngaulun moonsoi poyo intor riso: I Abnir panglima saujor ru Israil am i Amasa panglima saujor ru Jiuda.

1 RAJA'-RAJA' 2:33

Ukuman ra namatayan ra ruo ngaulun tutumula' no saanin ri Joab am papag nano saboi ra sabuoi-buoi no. Kaa' masalok Tuhan mangani' ra kasugutan ra papag ru Raja' Daut ondo' nanturung ra kurisi' nano.”

MAZMUR 139:11

Amon ru kitaakon kuno kalandaman makaliput raki', kapoam sinda ru libung kuno masauk molondom,

MAZMUR 140:11

Polosoon noyo pulumpur ru apui rumatu' risilo; polosoon ilo no maratu' ra lagam am kalo boo makaingkual.

MAZMUR 90:8

Giu' ra saang Muno pabalaan Mu tula maino, tula mai ra nakasibuni makito Muno.

AMSAL 13:21

Kapaganan milou ra ulun makatula, kaa' ulun moonsoi makaapu ra kaansayan.

AMSAL 24:16

Kabalu' pana ulun mabanis guang ruruli' maratu', tumirong ilo saguli'. Kaa' ulun malaat matutuk ru karaat.

AMSAL 5:22

Tula ru ulun malaat koson ayuk ra landak ondo' mampajaling riso galama'.

JISAYA 3:11

Kaa' alii boo ra ulun malaat! Atan pinamakuan nilo ra ulun bokon, ginio niayuk pamakuan risilo.

JISAYA 59:12

Masuang kaga' kalaatan mai Rirun; tula-tula mai manguu' ramon. Topot-topot mai malimanan kalaatan mai, am makapandai ra tula-tula mai.

JUNUS 1:7

Kopongo raginio, nagaloi boo i Junus am kaptin ru kapal giu' rasawat, ngaangai' ulun ru kapal nagindagu ilo-ilo galama', “Ibok takau ngai' magugundi' takau maa' raginio makapandai takau osoi makasala, saboi nalumpa' takau ru karaat ti!” Pagugundi' ilo am kaundi' i Junus.

ROMA 2:9

Ginio ra moonong ulun ondo' mambaal ra kalaatan no maimbolo' am makakapaganan; kasaa' ulun ru Jaudi am niayuk sala' ka Jaudi.

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

JOSUA 7:18

Paumaa' boo ri Josua sasambaloi ri Jabdi, am i Akgan tinulu'. I Akgan anak ri Karmi am akupu ri Jabdi.